Црна хроника
Во два пожара изгоре старец, а со изгореници се здоби жена
Во пожар што настанал во стан во Крива Паланка со изгореници се здобила сопственичката, а во пожар на покрив во Свети Николе изгоре старец.
Имено, во неделата, во 13.40 часот во полициската станица во Крива Паланка било пријавено дека на ул. „Моша Пијаде“ во колективна станбена зграда настанал пожар на терасата од станот сопственост на Љ.Н. (69). Во 14.55 часот од екипа на Територијалната противпожарна единица Крива Паланка пожарот е изгаснат.
Од извршениот увид утврдено е дека Н.Н.(59), сопруга на Љ.Н., кога се обидела да го запали шпоретот кој бил поврзан со плинска боца, во еден момент дошло до пламен, од кој била зафатена во пределот на нозете, рацете и главата. Истата била пренесена во ЈЗУ Крива Паланка, каде и се констатирани изгореници од втор степен и е задржана на лекување. Материјалната штета дополнително ќе се утврдува.
По извршен увид на местото на настанат пожар во кој изгоре старец, од страна на Јавен обвинител во содејство со стручни лица од МВР и екипа од полициска станица Свети Николе, констатирано е дека пожарот настанал поради неисправна електрична инсталација на кровната конструкција, при што од чадот и паѓањето на кровот бил зафатен и делумно изгорен Т.М. (80), кој во моментот живеел во куќата./крај/со/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Претрес во Скопје, приведени двајца дилери
Денеска полициски службеници од СВР Скопје – Единица за недозволена трговија ги лишиле од слобода Ј.Ј.(22) и Д.Д.(47), двајцата од Скопје.
По претходно добиени оперативни сознанија и добиена судска наредба, бил извршен претрес во дом во Скопје, при што биле пронајдени и одземени марихуана и дигитална вага.
Лицата се задржани во полициска станица и по целосно расчистување и документирање на случајот против нив ќе биде поднесена соодветна кривична пријава, соопшти полицијата.
Црна хроника
Скопјанец тешко повреден од струен удар
Вчера во 11.05 часот во СВР Скопје било пријавено дека, при извршување работни задачи за приватна фирма во трафостаница на подрачје на Гази Баба, С.М.(56) од Скопје се здобил со струен удар и бил пренесен во Градската општа болница „Св.Наум Охридски“.
Во болницата му биле констатирани тешки телесни повреди.
За настанот бил известен трудов инспектор, а увид на местото извршила екипа на СВР Скопје.
Црна хроника
Си ги присвоил парите од дневниот промет: кривична за разнесувач на пратки од Кавадарци
СВР Охрид поднесе кривична пријава против М.Ј.(30) од Кавадарци, поради постоење основи на сомнение за сторено кривично дело „затајување“.
На 04.03.2024 пријавениот, како поштенски работник – разнесувач на пратки во правно лице со претставништво во Охрид, паричните средства од дневниот промет неовластено ги присвоил, наместо да ги предаде во тековниот ден на овластено лице за прием на прометот.
Со тоа, пријавениот се стекнал со противправна имотна корист од 92.000 денари.