Црна хроника
Млада Босанка исчезна во Тетово
Шеснаесетгодишно девојче од БиХ исчезна во Тетово, соопшти МВР.
Според истиот извор, во средата во 18.50 часот во ПС Тетово, А.Б. (41) со живеалиште во Сараево, Босна и Херцеговина, кој пред осум дена дошол на гости кај неговиот роднина И.К. од Тетово, пријавил дека истиот ден околу 15.00 часот, додека се подготвувал со шеснаесетгодишната ќерка да се врати во БиХ, забележал дека истата ја нема.
Се преземаат мерки за пронаоѓање на лицето. /крај/со/мф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Кривична против двајца штипјани, истепале полицаец
СВР Штип поднесе кривична пријава против 53-годишниот Д.Д. и 54-годишниот П.Д., двајцата од Штип, поради постоење основи на сомнение за сторено кривично дело „напад на службено лице при вршење работи на безбедноста“, извести МВР.
„На 22.02.2024, по претходна расправија околу сообраќајот, пријавените физички нападнале полициски службеник“, соопшти МВР.
Црна хроника
Тело на починат маж извадено од Вардар во Велес
Полициски службеници од СВР Велес, вчера во 8.30 часот, во водите на реката Вардар блиску до местото наречено „Јаниташ“, пронашле тело на починато машко лице.
Телото на починатиот било извадено од реката од полициски службеници од Одделот за специјални полициски операции при МВР, известуваат од СВР Велес.
Увид извршила увидна екипа од СВР Велес. По наредба на јавен обвинител, телото е дадено на обдукција.
Црна хроника
На стакло од штаб на политичка партија во Центар испишан графит, полицијата го расчистува случајот
Вчера во 10.50 часот во СВР Скопје било пријавено дека на стакло од штаб на политичка партија на подрачјето на Центар бил испишан графит, извести МВР.
Се работи на расчистување на случајот.