Македонија
Милошоски побара од Заев да прифати малцинска влада, но да се откаже од албанската платформа
Антонијо Милошоски од ВМРО-ДПМНЕ му порача на лидерот на СДСМ Зоран Заев, да ја прифати понудата од неговата партија за формирање малцинска влада, место да прифаќа уцена со албанската платформа, во одговор на промоцијата на програмата на новата влада од страна на Заев.
„Аболицираниот Заев можеше со една порака јасно и гласно да се откаже од платформата донесена во Тирана. Заев се заплетка со најавите за дебати за државните симболи. Доколку сакате да ја сочувате унитарноста кажете и на јавноста дека ја отфрлате платформата од Тирана. Тој уште еднаш потврди дека е уценет и со измама на државните интереси сака да се дограби до власта. Изборна измама е кога ветувате едно во кампањата, а потоа како уценет спроведувате нова агенда. До вчера Заев лажеше дека со ДУИ и Села разговарале само за начела и принципи, а денес потврди дека има подготвен закон за употреба на албанскиот јазик, но не ја откри неговата содржини. Потврди дека се разговарало за резолуција за осуда на геноцид врз албанскиот јазик, но не и кој ќе биде посочен за виновник“, посочи Милошоски.
ВМРО-ДПМНЕ не ја прифаќа новата владина платформа на Зоран Заев иако беше јасно кажано дека нема да дозволи промена на Уставот, ниту пак ќе прифати двојазични пари и униформи или пак промена на државните симболи.
Милошоски порача дека народот гласал за политичари, а не за експерти, откако Заев најави дека за сите прашања ќе се дебатира на експертско ниво./крај/мф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
(Видео) Ковачки: Ќе ги вратиме сите железнички линии во функција
Драган Ковачки, носител на изборна единица 3 на ВМРО-ДПМНЕ, денеска меѓудругото вети дека ќе бидат вратени во функција сите железнички линии.
„Ќе ги вратиме сите железнички линии во функција, ќе ја реконструираме пругата Велес-Кочани, ќе ја електрифицираме пругата Велес-Битола, ќе го реконструираме автопатот Катланово-Велес, ќе изградиме нова катна гаража во Велес, ќе ја реконструираме општата болница во Велес. Нови 26 милиони евра од проектот 250 милиони евра за општините“, изјави Ковачки.
Македонски железници месецов прослави 151 година од своето постоење. Јавното претпријатие е во лоша состојба, а укинати се голем број возови.
Од неодамна, од двата патнички воза за Гевгелија вози само еден. Од 2021-ва не сообраќаат возовите од Скопје за Кочани и за Кичево, а од почетокот на 2023 ниту возот за Табановце и Куманово.
Патниците го избегнуваат возот оти кога се качуваат не се знае кога и дали ќе стигнат. Честопати има дефекти и доцнење од по неколку часа, па граѓаните не сакаат да ризикуваат.
Ова јавно претпријатие е загубар кој со години се соочува со финансиски потешкотии и постојано добива прилив од буџетот за да може да подели плати и да плати сметки.
Македонија
„Вејце ниту се простува, ниту се заборава“ – Македонците паметат! Горат социјалните мрежи на годишнината од крвавиот масакр
Социјалните мрежи се преплавени со објави по повод 23-годишнината од масакрот кај Вејце, откако од заседа и ѕверски биле убиени, а потоа масакрирани и живи запалени осуммина специјалци и полицајци припадници на специјалните единици „Волци“ и на „Посебната единица на СВР Битола“. Покрај осуммина убиени, имало и шестмина повредени. При нападот, од колоната успеало да се извлече последното возило и да јави за невидениот масакр.
Ова се само дел од објавите на ФБ.
Македонија
23 години од масакрот кај Вејце кога беа ѕверски убиени, а потоа запалени 8 македонски херои: Стојанче Ангелов положи цвеќе и запали свеќи
Денеска се одбележуваат 23 години од масакрот кај Вејце — најкрвав и најбрутален масакр во поновата историја на Македонија.
Масакрот се случи на денешен ден, 28 април 2001 година, во 17:45 часот откако од заседа и ѕверски биле убиени, а потоа масакрирани и живи запалени осуммина специјалци и полицајци припадници на специјалните единици „Волци“ и на „Посебната единица на СВР Битола“. Покрај осуммина убиени, имало и шестмина повредени. При нападот, од колоната успеало да се извлече последното возило и да јави за невидениот масакр.
Иако нападнати од заседа, војниците и полицајците давале получасовен отпор, бранејќи го суверенитетот и територијалниот интегритет на Македонија!
Делегација на Достоинство утрово положи букет свежо цвеќе и запали осум свеќи во чест и помен на осумтемина загинати бранители убиени во крвавата заседа кај с.Вејце. Фотографии објави генералот Стојанче Ангелов.