Европа
Напаѓачот на средното училиште во Франција се вика Килијан, инспириран од масакрот во Колумбија – САД
Директорот на училиштето е меѓу двајцата повредени, кои беа застрелани од ученик вооружен со два револвери, ловџиска пушка и гранати, кој пукаше во средното училиште во градот Грас во близина на Кан во Франција.
Се претпоставува дека напаѓачот е 17-годишен ученик. Тој е уапсен.
Негов соучесник го бара полицијата. Според податоците на француското локално издание “НИС Мартин” името на ученикот е Килијан. Познато е дека тој нема криминално досие. Наводно, последната фотографија која тој ја поставил на Фејсбук, е слика на скелет со долга коса и црна облека. Скелетот се шета со пиштол во едната рака и со автомат во другата.
Втората жртва на пукањето е ученик. Имено, тој ја кренал тревогата за нападот.
Друг извор пак вели дека двајцата напаѓачи пукале кон директорот, а според очевидецот изгледало дека напаѓачите немале воена обука.
„Настана паника меѓу учениците и тие се скрија во блискиот супермаркет “, вели изворот. Друг извор од локалната полиција изјави дека се уште не може да се потврди дека имало втор напаѓач. Очевидец на нападот за радио France Inter вели дека учениците слушнале истрели и потоа се скриле.
“Отидов до прозорецот, видов момче, кое ме погледна во очите. Личеше на ученик. Не беше многу голем. Пукаше во воздух и избега “, раскажува друг ученик без да го открие името. Според локалниот печат, напаѓачот многу добро го испитал светски познатиот масакр во училиштето Колумбија во САД. Тој беше извршен на 20 април во 1999 година./крај/мф/кс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шолц ја откажа изборната кампања и ги посети поплавените региони во Германија
Германскиот канцелар Олаф Шолц денеска ги посети поплавените региони во западната германска сојузна покраина Сарланд, каде обилните дождови предизвикаа поплави и лизгање на земјиштето, а неколку згради беа евакуирани.
Шолц ја откажа својата изборна кампања во Сар, на границата со Франција, и наместо тоа, го обиколи делумно поплавениот пат во селото Клајнблитерсдорф заедно со регионалниот гувернер Анке Релингер.
Тој ја потврди солидарноста на сојузната влада со Сарланд.
„За жал, не е првпат да треба да се справиме со голема природна катастрофа, па ќе разгледаме што треба да се направи овде и што е неопходно“, им рече Шолц на новинарите.
Службите за итни случаи одговорија на илјадници повици за помош во главниот град на покраината, Сарбрикен.
Европа
Напаѓачот на Фицо доби мерка притвор за да не побегне и да не го повтори делото
Специјалниот кривичен суд во словачкиот град Пезинок, со силно полициско обезбедување денеска му одреди притвор на 71-годишниот Словак Јурај Цинтула, кој на 15 мај годинава во градот Хандлова со пет истрели го застрела премиерот Роберт Фицо и тешко го рани во стомакот.
Притворот за осомничениот е побаран поради опасност да не избега или да го повтори делото.
Осомничениот за нападот врз словенечкиот премиер Јурај Цинтула денеска призна вина.
Адвокатите предупредија дека признавањето на вината е спорно, бидејќи Цинтула веднаш по атентатот и апсењето бил сослушан во шок, без присуство на адвокат.
Европа
Премиерот Фицо уште е во животна опасност, напаѓачот призна вина
Осомничениот за нападот врз словенечкиот премиер Јурај Цинтула денеска пред Специјализираниот кривичен суд во градот Пежинок призна вина. Состојбата на премиерот Фицо и понатаму е сериозна.
Обвинителството вчера побара притвор за 71-годишниот Цинтула поради евентуално бегство или повторување на кривичното дело. Напаѓачот беше спроведен под силно полициско обезбедување, а ниту на новинарите им беше дозволен влез во Судот.
Премиерот на Словачка, Роберт Фицо на 15 мај беше застрелан во градот Хандалова додека се поздравуваше со насобраниот народ. Цинтула веднаш по нападот е приведен.
Тој се соочува со обвинение за обид за убиство од одмазда, за што е предвидена казна од 25 години до доживотен затвор.
Словачките политичари изјавија дека нападот врз Фицо не е политички мотивиран.