Регион
Анкета на Ipsos за претседателските избори во Србија: Вучиќ прв, шегобиецот Бели втор

Српскиот премиер и кандидат на Српската напредна партија (СНС) на претстојните претседателски избори Александар Вучиќ убедливо води пред останатите кандидати, додека на второ место е шегобиецот Љубиша Прелетачевиќ Бели, покажала новата анкета на Ipsos маркетинг, пренесуваат српските медиуми.
Истражувањето покажало дека Вучиќ е со големи шанси за победа веќе во првиот круг на претседателските избори бидејќи има поддршка од 53 отсто, додека пак кандидатот Лука Максимовиќ, кој се претставува како Љубиша Прелетачевиќ Бели е на второто место.
Прелетачевиќ во овој момент има 11 отсто поддршка, а зад него се кандидатите Саша Јанковиќ со 10,6 проценти, Војислав Шешељ со 8,7 отсто и Вук Јеремиќ со 6,9 проценти.
Претставникот на Ipsos маркетинг, Марко Уљаревиќ рекол дека во поглед на податоците од пред три недели, најсериозна промена има во растот на Прелетачевиќ Бели. „Меѓу оние кои се досега определени за него, највеќе учествуваат младите од 30 години, но значаен е бројот и на оние коишто се нешто постари. Повозрасните гласачи, пак, кои се воедно и најбројни, тешко прифаќаат алтернативни начини на комуникација и пораки базирани на пародии“ објаснил Уљаревиќ./крај/мф/бс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Претседателката на Хашкиот трибунал: Ратко Младиќ добива медицинска нега на високо ниво

Претседателката на Меѓународниот кривичен трибунал во Хаг, Грасиела Гати Сантана, денес пред Советот за безбедност на ОН во Њујорк изјави дека генералот Ратко Младиќ добива медицинска нега на „високо ниво“ во притвор.
Младиќ отслужува доживотна казна затвор за геноцидот во Сребреница и воените злосторства против муслиманите и Хрватите за време на војната во Босна и Херцеговина од 1992 до 1995 година.
Поднесувајќи го својот редовен извештај за работата на Трибуналот, Сантана ги информираше земјите-членки на Советот за безбедност дека одбраната на Младиќ неодамна побарала тој да биде ослободен од хуманитарни причини поради неговата неизлечива болест.
Регион
Син до смрт ја претепал мајка си во Никшиќ: ја удирал жената по главата, нозете и рацете

Службеници на Одделот за безбедност во Никшиќ го уапсиле С.Г. (59) поради сомнение дека ѝ нанел тешки телесни повреди на својата мајка М.Г. во семејниот стан во Никшиќ. (85), како резултат на што таа починала.
– На 10 јуни 2025 година, дежурната полициска служба била известена од персоналот на Општата болница во Никшиќ дека кај нив е донесена жена со повреди на главата. М.Г. веднаш била префрлена во Клиничкиот центар на Црна Гора, каде што починала денес, пренесува Рина“изјава од полицијата.
За случајот веднаш бил известен државниот обвинител на Вишото државно обвинителство во Подгорица, кој наредил да се спроведе истрага во станот каде што живееле заедно мајката и синот.
Полицијата утврдила дека С.Г. ѝ нанел повеќекратни повреди на рацете, нозете и главата на мајката. Лекарите ги окарактеризираа повредите како тешки, опасни по живот.
За новите околности бил информиран надлежниот обвинител, кој утврдил дека овој случај содржи елементи на кривично дело – тешко убиство. С.Г. бил уапсен по наредба на обвинителот.
Обвинителот наредил и обдукција на телото на починатата, која ќе се изврши во текот на денот.
Регион
Ученик од седмо одделение приведен во Србија: донел нож и список за отстрел во училиште

Ученик од основното училиште „Јован Стерија Поповиќ“ во Нов Белград е однесен во полиција на разговор, објави српски Блиц.
Се сомнева дека вчера во училиштето донел список за убивање и нож.
Момчето е испрашувано од полицијата по наредба на Вишото јавно обвинителство во Белград, а се вели дека станува збор за ученик во седмо одделение.
Сите околности на инцидентот сè уште се утврдуваат, а деталите не се познати.