Свет
Саудиска Арабија му ги потсече „крилјата “ на „Катар Ервејс“
![](https://makfax.com.mk/wp-content/uploads/2017/06/download-3-1.jpg)
ДУБАИ – Авиокомпанијата „Катар ервејс“ соопшти денеска на својот официјален веб-сајт дека ги суспендирала сите летови кон Саудиска Арабија.
Одлуката на компанијата е реакција на потегот на четирите блискоисточни арапски земји, Саудиска Арабија, Египет, Обединетите Арапски Емирати и Бахреин, да ги прекинат односите со Катар, обвинувајќи ја оваа земја дека дава поддршка на тероризмот.
Ова е најголемо политичко разидување меѓу земјите на Блискиот Исток и наедно најмоќните држави во регионот. Потегот, според очекувањата е најава за следната одлука, изолирање на Иран, што според властите во Техеран е развој договорен за време на последната посета на претседателот на САД Донал Трамп на регионот.
Арапските заливски држави и Египет веќе одамна беа огорчени од поддршката на Катар за исламистите, особено за Муслиманското братство, што ги сметаат за опасен политички непријател.На овој координиран потег подоцна се приклучија Јемен и Либија.
Објавувајќи го затворањето на транспортните правци со Катар заливските земји им дадоа на посетителите и државјаните на оваа земја две недели да ги напуштат нивните земји. Катар исто така бил исфрлен од коалицијата предводена од Саудиска Арабија која што се бори во Јемен.
Саудиска Арабија го обвини Катар дека ги поддржува милитантните групи во регионот, од кои некои се поддржани и од Иран и дека ја шири нивната идеологија преку Ал Џезеира. Меѓу нив се споменуваат Муслиманските браќа, ИСИС, Ал Каеда, чии пораки телевизијата постојано ги промовира, според Ријад, во регионот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Регион
Легендарниот рокер Бора Чорба погребан со хитот “Погледај дом свој анџеле“
![](https://makfax.com.mk/wp-content/uploads/2024/08/bora-corba.jpg)
Легендарниот рокер, фронтмен на групата „Рибља чорба“, Бора Ѓорѓевиќ (72) денес е погребан. Семејството, колегите, но и бројни пријатели и обожаватели се собраа на Градските гробишта во Чачак за да го кажат последното збогум и да се простат од него.
Хорот на гимназијата од Чачак по црковниот обред го испеа најголемиот хит на Бора „Погледај дом свој анџеле“, а овој момент расплака многумина и тоа беше најтажната сцена од гробиштата.
Рокерот Бора Ѓорѓевиќ (72) почина во средата на 4 септември во Љубљана по тешко боледување.Легендарниот рокер ќе почива во родниот Чачак, што му беше и последна желба.
Роден е на 1 ноември 1952 година.
Свет
Вселенското летало Старлајнер на Боинг слета без екипаж
![](https://makfax.com.mk/wp-content/uploads/2024/09/NASA.jpg)
Вселенското летало Старлајнер на Боинг слета без екипаж во пустината во Ново Мексико, со што заврши тримесечната пробна мисија отежната од технички проблеми.
Вселенското летало доцна синоќа самостојно го почна своето шестчасовно патување до Земјата, а астронаутите Буч Вилмор и Сани Вилијамс, првиот екипаж што леташе со Старлајнер, останаа на Меѓународната вселенска станица (МВС).
Беше одлучено Вилмор и Вилијамс да останат на МВЦ до февруари 2025 година, бидејќи Старлајнер се врати на Земјата користејќи маневри премногу опасни за екипажот.
Леталото повторно влезе во атмосферата на Земјата околу 5 часот утрово по средноевропско време, со орбитална брзина од приближно 27.400 километри на час.
Вилмор и Вилијамс ќе продолжат да спроведуваат научни експерименти додека се во вселената, а се очекува да се вратат на Земјата во февруари 2025 година со вселенско летало на компанијата СпејкИкс.
Свет
Регистриран прв случај на детска парализа во Пакистан по 16 години
![](https://makfax.com.mk/wp-content/uploads/2020/06/pakistan.png)
Пакистан планира итна акција за вакцинација следната недела, откако беше пријавен првиот случај на детска парализа во главниот град во последните 16 години, во услови на пораст на болеста во другите делови на земјата, соопштија денеска властите.
Повеќе од 33 милиони деца на возраст под 5 години ќе бидат вакцинирани од врата до врата почнувајќи од понеделник, рече шефот за полио Ајеша Раза, затоа што вкупниот број на нови случаи годинава се искачи на 17.
Ширењето на вирусот во регионот кој претходно беше прогласен за област без детска парализа претставува нов предизвик за програмата за искоренување финансирана заеднички од ОН и Фондацијата Гејтс, пренесува ДПА.
Случаите со детска парализа во Пакистан го достигнаа врвот од 147 болни во 2019 година, но се намалија на само шест минатата година.