Царините на претседателот Доналд Трамп од 10% на австралискиот увоз ќе ги погоди Американците кои сакаат говедско месо од сојузникот на Пацификот, изјави за Си-ен-ен, Ричард Денис, извршен директор на австралискиот институт.

Денис објасни дека Австралија и онака не извезува големи количини говедско месо во САД и најверојатно ќе го пренасочи извозот во земји со пониски царини.

„Мислам дека ова е многу поважен ден за американските бургери отколку за австралиската економија“, изјави тој за Си-ен-ен.

„Ако сакаат да платат повеќе за тоа сега… Тоа е нивен проблем, а не на Австралија“, додаде тој.

Тој, сепак, предупреди дека царините ќе влијаат на односите меѓу сојузниците, посочувајќи дека со тоа САД практично го „поништиле“ договорот за слободна трговија со Австралија.

Бројот на жртвите од разорниот земјотрес во Мјанмар надмина 3.000, а стотици се уште се водат како исчезнати, бидејќи се прогнозира дека несезонските дождови ќе претставуваат нов предизвик за спасувачите и хуманитарните работници.

Земјотресот со јачина од 7,7 степени според Рихтеровата скала што го погоди Мјанмар пред шест дена, еден од најсилните во оваа земја во југоисточна Азија во изминатиот век, го потресе регионот од 28 милиони луѓе, уривајќи згради, израмнувајќи ги заедниците, а многумина оставија без храна, вода и засолниште.

Бројот на загинати вчера се искачи на 3.003, со 4.515 повредени и 351 исчезнати, објави амбасадата на Мјанмар во Јапонија на Фејсбук. Условите би можеле да станат потешки откако се предвидува несезонски дожд од недела до 11 април да ги загрози областите најтешко погодени од земјотресот, како што се Мандалеј, Сагаинг и главниот град Најпидау.

„Дожд доаѓа, а има уште толку многу затрупани“, изјави хуманитарец во Мјанмар за Ројтерс. „А особено во Мандалеј, ако почне да врне, луѓето кои се под урнатините ќе се удават дури и ако преживеале до овој момент“.

Досега имало 53 авионски достави за помош за Мјанмар, се додава во соопштението на амбасадата во Јапонија, додека повеќе од 1.900 спасувачи пристигнале од 15 земји, вклучувајќи ги соседите, како и Кина, Индија и Русија. Речиси една недела по земјотресот, спасувачите во соседен Тајланд бараа низ планина од урнатини откако облакодер во изградба се урна во главниот град Бангкок, во потрага по преживеани.

Спасувачите користат машини и булдожери за да разбијат 100 тони бетон и да ги лоцираат сите преживеани по уривањето на облакодер во кој загинаа 15 лица, додека 72 се уште се водат како исчезнати. Во Тајланд загинаа вкупно 22 лица.

Владата на Словачка го одобри планот за отстрел на околу четвртина од кафените мечки во земјата, откако еден човек беше изгризан до смрт додека шеташе во шума во централна Словачка, јавува Би-би-си.

Популистичко-националистичката влада на премиерот Роберт Фицо по состанокот на владата објави дека 350 од околу 1.300 кафеави мечки ќе бидат застрелани, наведувајќи ја опасноста за луѓето по серијата напади.

„Не можеме да живееме во земја во која луѓето се плашат да влезат во шума“, изјави премиерот на новинарите по средбата.

Специјалната вонредна состојба која дозволува пукање на мечки сега е проширена во 55 од вкупно 79 окрузи во Словачка, што значи дека го покрива најголемиот дел од земјата.

Владата во Братислава веќе ја олабави законската заштита за мечките, дозволувајќи им да бидат застрелани ако се премногу блиску до населени места. До крајот на 2024 година беа убиени 93 мечки. Плановите за дополнителни убиства беа осудени од оние кои тврдат дека таквата одлука е спротивна на меѓународните обврски и потенцијално незаконска.