Македонија
Талат Џафери од Рига најави стратегија за сајбер одбрана

Претседателот на Парламентот, Талат Џафери, на безбедносен форум во Рига најави дека Македонија подготвува национална стратегија за сајбер одбрана во која се вклучени сите релевантни владини и академски институции.
„Расправаме за најдобрите практики и иновативни пристапи за развој на сајбер безбедноста и за прибирање на искуствата од земјите што веќе осмислиле такви стратегии, за да одговориме на сите предизвици од областа на сајбер безбедноста како во нашата држава така и во регионалното и меѓународното окружување“, соопшти Џафери.
Според него, Македонија како земја аспирант за членство во НАТО е заинтересирана да ги развива сите неопходни капацитети за справување со овие предизвици во локален и регионален контекст.
„Верувам дека само со постојано надградување на своите капацитети, Република Македонија ќе успее да го одржи неопходното ниво на усогласеност со стандардите што се бараат и за земјите членки на НАТО и за партнерските држави“’, изјави Џафери во Рига.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Сообраќајот низ државата се одвивa непречено, по наместа влажни коловози

Сообраќајот на државните патишта се одвивa непречено, по наместа влажни коловози, извести АМСМ.
Интензитетот на сообраќај на патните правци надвор од градските средини е умерен. На граничните премини од македонска страна нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Македонија
Без струја Шуто Оризари и Зелениково

Од ЕВН Македонија АД известуваат дека денеска без електрична енергија ќе останат:
– во периодот од 08.30 до 12.00 часот, дел од корисниците од ул. Гарсија Лорка (општина Шуто Оризари)
– во периодот од 09.00 до 16.00 часот, корисниците од Градовци, Тисовица, Гумалево, Пакошево, Спектар Комерц, Добрино, Дејковец, Ново Село и Пакошево (општина Зелениково)
Македонија
Прекинато водоснабдување во делови од Карпош

Од ЈП Водовод и Канализација известуваат дека денеска (четврток) поради уличен дефект на ф 1000 мм на ул Копенхагенска, на раскрсница со Стокхолмска,бб, прекинато водоснабдување ќе имаат корисниците на улиците Копенхагенска, Стокхломска, Софиска, Његошева, Гаврил Лесновски и Петар Драганов од 09:00 часот до завршување со работните обврски. ( општина Карпош ).