Црна хроника
Измамници ветувале дека за 10.000 евра ќе средат добивање дозвола за меѓународен превоз на лица
Измамници се претставувуавле како вработени во Министерството за транспорт и врски и му ветувале на стружанец дека за 10.000 евра ќе му средат неговите фирми да добијат две линии за вршење на меѓународен превоз на лица.
Министерството за транспорт и врски, распишал оглас за распределба на меѓуопштински и возни редови, на којшто аплицирал стружанецот, управител на две фирми од Струга. Но, на прелиминарна листа која била јавно објавена на веб страна на Министерство за транспорт и врски, неговите фирми биле одбиени.Тетовец заедно со уште пет лица од Скопје и Тетово ја направиле измамата, така што му се јавиле на стружанецот и еден од нив му се претставил како директор. Му рекле дека ќе му средат работа, само да им даде 10.000 евра.Стружанецот му дал 5.000 евра, а пред да му ги даде остатокот од парите, поднел Записник за прием на кривична пријава, за кривично дело “измама“ против лицата Зоран Н. и Елена Н. од Скопје, при што од страна на ЕЕКК биле превземени сеопфатни мерки и активности. Против измамниците се поднесени кривични пријави, а на полицијата и се добро познати. /крај/мвр
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Маж насилно изваден од својот дом и со убодни рани оставен кај Транспортниот центар во Скопје
Вчера во 07.40 часот во Полициската станица Аеродром, 34-годишниот К.Б. од Скопје пријавил дека на 24/25.04.2024 околу 01.30 часот, А.„Н“ со употреба на сила го извадил од неговиот дом и го внел во патничко возило кое го управувал К.„Н“, со уште едно лице совозач, извести МВР.
„Како што е пријавено, во возилото А.„Н“ му нанел неколку убодни рани со остар предмет и го однеле кај Транспортен центар во Скопје, каде што повторно му нанел повреда со остар предмет, по што физички го нападнале и го оставиле. Исто така, според пријавеното, тој не бил на преглед и не пријавил во полициска станица затоа што лицата му се заканиле“, соопшти МВР.
Се преземаат мерки за расчистување на случајот.
Црна хроника
Кривична против двајца штипјани, истепале полицаец
СВР Штип поднесе кривична пријава против 53-годишниот Д.Д. и 54-годишниот П.Д., двајцата од Штип, поради постоење основи на сомнение за сторено кривично дело „напад на службено лице при вршење работи на безбедноста“, извести МВР.
„На 22.02.2024, по претходна расправија околу сообраќајот, пријавените физички нападнале полициски службеник“, соопшти МВР.
Црна хроника
Тело на починат маж извадено од Вардар во Велес
Полициски службеници од СВР Велес, вчера во 8.30 часот, во водите на реката Вардар блиску до местото наречено „Јаниташ“, пронашле тело на починато машко лице.
Телото на починатиот било извадено од реката од полициски службеници од Одделот за специјални полициски операции при МВР, известуваат од СВР Велес.
Увид извршила увидна екипа од СВР Велес. По наредба на јавен обвинител, телото е дадено на обдукција.