Црна хроника
Људмил Кљусев уапсен за продажба на наркотици
Психијатарот Људмил Кљусев, син на првиот премиер на Македонија во техничката влада, кој работи во Ферфилд, САД, уапсен е заедно со негов соработник од ординацијата за нелегална дистрибуција на наркотици, објави јавниот обивинтел на Конектикат, Деидре М Дејли.
Кљусев кој ординирал во Милфорд, бил уапсен во четвртокот 12 ноември, во неговиот дом во Ферфилд. Тој е обвинет за продажба на наркотици што се надвор од неговата професионална пракса, и за перење пари, Јави Daily Voice.Според обвинението, Кљусев препишувал премногу Адерал и Занакс, на пациенти кои во кеш го плаќале својот третман, стои во изјавата.Душан Ботосов, вработен во ординацијата, исто така е уапсен, за нелегална дистрибуција на наркотици.Кљусев, кој бил познат како „Д-р К“, на возраст од 51 година, во четвртокот бил изнесен пред истражен судија и бил притворен.Ботосов, 32, бил уапсен во четвртокот, во неговата резиденција во Клифтон, Њу Џерси. Се појавил пред судија во Њуарк, но бил ослободен со кауција од 200.000 долари.Истрагата, спроведена со сведоштва на повеќе пациенти, како и прикриен полицаец, кој глумел дека е пациент, открила дека Кљусев препишувал лекови без доволно да ги прегледа пациентите, препишувал лекови без да ја потврди состојбата на пациентите и дали таа состојба бара лекување со тие лекови, во замена за пари од пациенти кои го барале тоа од него, а биле зависни од лековите.Тој, исто така, наредувал на вработени кои не биле медицински лица, како Ботосов, да пишуваат рецепти, потпишани од Кљусев, кога тој бил надвор од земјата.Потоа докторот ги депонирал парите од нелегалната продажба на лековите на сметката на фирмата, која ја користел за лични трошоци, како отплаќање хипотека, меѓународни патувања, облека и друго.Двајцата се обвинети за заговор со цел да дистрибуираат наркотици, обвинение за кое максимална казна е затвор од 20 години. Кљусев, исто така е обвинет за перење пари, за што казната е максимум 10 години затвор.Истрагата е спроведена од одделот за наркотици во полицијата и полицискиот оддел во Милфорд.Апсењата ги објави Дејли, заедно со Мајкл Фергусон, од Одделот за борба против наркотици за Нова Англија, како и шефот на полицијата на Милфорд, Кит Мело./крај/дв/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Топ
Две жртви во сообраќајката на патот Радовиш-Штип, уште едно лице повредено
Две лица загинаа на лице место во сообраќајната несреќа што се случи попладнево на магистралниот пат Радовиш-Штип.
Во несреќата е повредена и сопатничката од едното возило, која е пренесена во штипската Болница.
Веста за „Макфакс“ ја потврди портпаролката на СВР Струмица, Александра Трајанова, која информираше дека во несреќата учествувале автомобили „пасат“ и „опел“.
„На местото на несреќата починале возачите на двете возила, смртта ја констатирал лекар од „ЈЗУ Здравствен дом Радовиш“ а сопатничка од патничкото возило „опел” била пренесена во Медицински центар Штип“, информира Трајанова.
Увид на местото на несреќата врши јавен обвинител, а сообраќајот се пренасочува по стариот пат.
Од полицијата повеќе детали за несреќата најавуваат за утре.
Црна хроника
Приведен скопјанец: се заканувал со ловечка пушка
Утрово во 01.20 часот во село Богомила, општина Чашка, полициски службеници од Полициското одделение Чашка го лишиле од слобода Ѓ.Ѓ.(36) од Скопје, постапувајќи по претходна пријава од Н.Д.(37) од село Богомила.
Ѓ.Ѓ. пред објект во селото со ловечка пушка му се заканил нему и на С.С., М.Д., Б.Ј., Т.Д., П.Б. и Д.Ѓ..
Бил задржан во полициска станица, а известен бил и јавен обвинител и по документирање на настанот протв него ќе биде поднесена соодветна пријава, соопшти полицијата.
Црна хроника
Кривична за директорот на ЈП „Пазари“ Битола: склучил договор за јавна набавка со фирма избришана од Централниот регистар
Одделот за криминалистичка полиција, по наредба од Основното јавно обвинителство Битола презема предистражни дејствија и во координација со СВР Битола поднесе кривична пријава против Б.К. од Скопје поради постоење основи на сомнение за сторено кривично дело „злоупотреба на постапката за јавен повик, доделување на договор за јавнa набавкa или јавно-приватно партнерство“ по член 275-в од Кривичниот законик и против В.А. од Битола поради постоење основи на сомнение за сторено кривично дело „несовесно работење во службата“ по член 353-в од Кривичниот законик. Имено, првопријавениот Б.К., во својство на управител на правно лице од Битола, на 19.12.2019 со неизвршување на обврските од склучен договор за јавна набавка на стоки за проектирање, набавка и монтажа на фотоволтаични панели за производство на електрична енергија со ЈП „Пазари“ Битола нанел штета на претпријатието. Тој дал гаранција за поставените фотоволтаични панели во рок од 25 години, иако знаел и бил свесен дека во предвидениот рок од една година од основањето на друштвото не го внел основачкиот влог на своето друштво согласно чл.186 ст.5 од Законот за трговски друштва поради што истото согласно чл.552-а и чл.552-б од истиот закон било избришано од Централниот регистар. Исто така, Б.К. знаел дека не можел да гарантира за изведените работи, со што постапил спротивно на дадената изјава за сериозност на понудата.
Второпријавениот В.А., во својство на директор на ЈП „Пазари“ Битола со пропуштање на должен надзор во вршењето на своите овластувања и должности, не извршил надзор кој бил должен да го изврши над носителот на набавката дали е активен субјект или не, со што не постапил согласно одредбите од склучениот договор за јавна набавка и не го раскинал. Исто така, В.А. постапил спротивно на чл.101 ст.7 од Законот за јавни набавки и не објавил негативна референца на електронскиот систем на јавни набавки на Бирото за јавни набавки. На тој начин В.А. му овозможил на првопријавениот да се стекне со противправна имотна корист како право да не биде исклучен од идните постапки за јавни набавки во период од шест месеци од денот на евентуалното објавување на негативната референца, а воедно и по доставена фактура одобрил и извршил плаќање кон првопријавениот односно кон неговото правно лице во вкупен износ од 1 298 000 денари со што го оштетил буџетот на ЈП „Пазари“ Битола.