Црна хроника
Четворица адвокати и извршител меѓу уапсените во Западна Македонија – ВИДЕО

Четворица адвокати и еден извршител се меѓу петнаесетмината уасени во Западна Македонија за сторени кривични „злосторничко здружување“, „изнуда“, „лихварство“ и „перење пари и други приноси од казниво дело“. Полицијата информира дека трага по уште четири лица поврзани со криминалната група.
Во среда, во рамки на оперативната акција на МВР со име „Чекан“, за сузбивање на организирана криминална група која дејствувала на подрачјето на западна Македонија, е поднесена кривична пријава против 19 лица: Ф.А.(49), А.M.(51), И.А.(44) ,Ф.М.(54), Р.С.(44), Ј.С.(24), Ф.С.(22), Ф.М.(27), A.З.(35), М.С.(25), И.М.(44), А.И.(34), Ф.Х.(56), М.А.(38), Х.И.(32), М.И.(43), И.Б.(43) Н.М.(41) сите од Гостивар и В.Ј.(50) од Скопје.
Меѓу нив осомничени се и четири адвокати и еден извршител, освен физичките кривично ќе биде гонето и едно правно лице, Друштво за угостителство, туризам трговија и услуги “Голден Плаце ММ”, ДООЕЛ-с. Маврово, чиј сопственик и управител е пријавената сопруга на првопријавениот организатор на групата.
Криминалната група организирана од страна на петтемина првосомничени, започнала да делува во континуитет од 2008 година, претежно на територијата на општина Гостивар. Адвокатите и извршителот на организаторите им укажувале помош со изработка на фиктивни и други договори и документација.
Мотивот на криминалната група бил стекнување на противправна имотна корист од извршените кривични дела, а така стекнатата имотна корист ја пуштале во легалниот платен промет, за што користеле голем број на сопствени фирми, банкарски сметки, вложувајќи во недвижности и во превозни средства, стекнување на недвижен имот, како и давање на незаконски позајмици на физички и правни лица, притоа пресметувајќи им високи-лихварски месечни камати. За враќањето на позајмиците бил вршен притисок при што користени се сериозни вербални закани и физички напади врз оштетените.
Организаторите на криминалната група со повеќе лица од Гостивар меѓу кои и сопственици на фирми, стапувале во должничко доверителски односи давајќи им различни суми на девизни парични средства како позајмици со лихварски камати од 8-20 % месечно, па откако ќе ги довеле во неликвидна економска состојба, им упатувале сериозни вербални закани, вршеле физички напади, а потоа ги терале да склучуваат фиктивни нотарски и адвокатски договори кои ги составувале адвокатите. Со вака склучените договори за купопродажба на недвижен имот или возила на неколку лица од Гостивар и околината, им го присвојувале нивниот недвижен имот или нивните возила, или со помош на извршителот покренувале и спроведувале постапки за извршување врз имотот на оштетените.
Од превземените мерки и активности преку финансиска анализа полицијата утврдила дека прво пријавениот, како главен организатор на криминланата група, успеал да пушти во оптек вкупно 862.298 евра за кои знаел дека се прибавени со казниво дело, но со цел да ја прикрие нивната локација, движење и сопственост ги користел сите сметки на негово име, како и жиро сметките од правното лице “ГОЛДЕН НАЈТ”. Од останатите извршени финансиски анализи за пријавените физички и правно лице се утврдило дека постои основано сомневање дека го сториле и кривичното дело „перење на пари и други приноси од казниво дело“, претворајќи ги криминално стекнатите пари во недвижни и движна сопственост.
Утринава, биле извршени претреси на вкупно деветнаесет локации во Гостивар.
При спроведувањето на претрес на една од локациите, едниот од приведените пукал со огнено оружје кон полициските службеници.
До моментов во постапка за одземање се 20 возила, околу 43.510 евра, 12.080 швајцарски франци и 239.850 денари, четири пиштоли без дозвола, една ловна пушка, околу 60 куршуми, нож, боксирач, три рамки за пиштол, седум мобилни телефони, 11 СИМ картички, договори и предмети поврзани со оштетените лица, повеќе договори за заем на парачни средства, а утврдено е кривично дело кражба на струја.
Во моментов приведени се вкупно 15 од кривично пријавените лица, за две лица од извршените проверки полицијата утврдила дека ја имаат напуштено територијата на Македонија, најверојатно поради приватни причини, а по две лица сè уште се трага.
Кривично пријавените лица во текот на денов ќе бидат спроведени пред Основниот Суд Скопје 1 Скопје.крај/мф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Топ
Пијан скопјанец преминал на спротивна лента кај Петровец, удрил во автомобил- повредени се две бебиња

Против 57-годишен жител на селото Трубарево, Основното јавно обвинителство Скопје поведе постапка за кривично дело – Загрозување на безбедноста во сообраќајот.
На 8 август, по локалниот пат што ги поврзува селата Петровец и Долно Коњари, осомничениот управувал автомобил „Мерцедес“ со измината важност на сообраќајната дозвола. Бил под дејство на алкохол и брзината на движење на возилото не ја приспособил спрема својствата и состојбата на патот, густината на сообраќајот и другите сообраќајни услови.
Во таква ситуација изгубил контрола над управувачот, отишол во лево и преминал на дел од коловозот наменет за движење на возилата од спротивната насока, па со предниот лев страничен дел од возилото удрил во автомобил „Шкода“.
Од незгодата со полесни повреди се здобиле возачот и четворица сопатници од возилото “Шкода”, меѓу кои две 8-месечни бебиња. По укажаната лекарска помош сите се пуштени на домашно лекување.
Јавниот обвинител до судијата на претходна постапка достави предлог за определување мерки на претпазливост за осомничениот – забрана за напуштање на живеалиштето односно престојувалиштето, обврска да се јавува повремено на определено службено лице во судот и привремено одземање на возачката дозвола од Б-категорија, односно забрана за нејзино издавање.
Црна хроника
Германски државјанин со украдено „бе-ем-ве“ фатен на границата со Косово

Вчеравечер во 19:10 часот на Граничен премин Долно Блаце, на влез во државата, полициски службеници го уапсиле Е.М.(31) од Германија .
При гранична контрола било констатирано дека патничкото возило „бе-ем-ве“ со швајцарски национални ознаки, кое го управувал, евидира во базата на Интерпол како украдено.
Лицето било предадено на полициски службеници од Полициската станица Чаир за понатамошна постапка и по целосно документирање на случајот, против него ќе биде поднесена соодветна пријава.
Црна хроника
Пијан 18-годишник со мотор удрил во возило, тешко повредена малолетничка

Синоќа околу 00:20 часот во СВР Штип било пријавено дека на ул.„Кеј Димитар Влахов“ во Штип, М.С.(18) од Штип, управувајќи мопед со штипски регистарски ознаки, изгубил контрола и удрил во паркирано патничко возило „ауди“.
Во несреќата со тешки телесни повреди се здобила неговата малолетна сопатничка од Штип, констатирани во Клиничка болница Штип.
По наредба на јавен обвинител извршен бил увид од увидна екипа на СВР Штип, при што било констатирано дека возачот М.С. е под дејство на алкохол, односно му биле измерени 1,00 промили алкохол во организмот.
По целосно документирање на случајот, против него ќе биде поднесена соодветна пријава.