Спорт
Грчката влада го прекина фудбалското првенство
Грчката влада реши на неодредено време да го прекине фудбалскиот шампионат по скандалот што се случи синоќа на натпреварот ПАОК-АЕК во Солун.
Грчката Супер лига е прекината бидеќи синоќа претседателот на ПАОК, Иван Сатидис, со пиштол влета на теренот в…
Грчката влада реши на неодредено време да го прекине фудбалскиот шампионат по скандалот што се случи синоќа на натпреварот ПАОК-АЕК во Солун.
Грчката Супер лига е прекината бидеќи синоќа претседателот на ПАОК, Иван Савидис, со пиштол влета на теренот во обид да се пресмета со судијата, кој претходно поради офсајд му поништи гол на ПАОК.
Одлуката првенството да биде прекинато била донесена по состанокот на премиерот Алесис Ципрас и министерот за спорт, Јоргос Василијадис.
„Решивме да го прекинеме првенството… Нема да почне повторно сè додека не биде создадена рамка со јасни правила и услови“, изјавил министерот Василијадис за „Ројтерс“.
Како што е соопштено, грчкиот Сојуз и владата биле во постојан контакт со УЕФА и во овој момент не било загрозено правилото за мешање на политиката во спортот.
Вторпат во две години е донесена одлука шампионатот да биде прекинат.
Поради случувањата на стадионот „Тумба“ во Солун, обвинителството побара апсење на претседателот на на ПАОК, Савидис, и уште четири други лица за кои се претпоставува дека се дел од неговото лично обезбедување.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Тиаго Силва ги договорил условите со Флуминенсе
Фудбалерот на Челзи, Тиаго Силва ќе се врати во Флуминенсе, клуб во кој ја започна кариерата.
Силва неодамна објави дека ќе ги напушти „сините“ на крајот од сезоната, откако ќе му истече договорот.
Флуминенсе веќе усно се договорил со Силва.
Клубот има подготвено двегодишна соработка со Бразилецот, а истата треба да биде овековечена во следните неколку недели.
Силва за Челзи одигра 151 натпревар, постигна девет гола и забележа три асистенции.
Тој го освои и трофејот во Лигата на шампионите во 2021 година со клубот од Лондон. Го освои и Светското клупско првенство, како и Суперкупот на Европа.
Во исклучително богатата играчка кариера, Бразилецот пред Челзи настапуваше за Пари Сен Жермен, Милан, Флуминенсе, Хувентуд и Динамо Москва.
Спорт
(Видео) Арсенал не се откажува од шампионската трка
Фудбалерите на Арсенал го победија Борнмут со 3:0 во натпреварот од 36. коло на Премиер лигата.
Головите за „топчиите“ ги постигнаа Букајо Сака во 45. минута од пенал, Леандро Тросар во 70. и Деклан Рајс во седмата минута од судиското надополнување во вториот дел.
Арсенал доминираше во првото полувреме и постојано притискаш кон голот на гостите. Вп првите 30 минути блескаше голманот на Борнмут во првиот половина час беше голманот Марк Траверс, кој одбрани неколку тешки удари.
Во вториот дел Арсенал го зголеми притисокот кој резултираше со два гола.
На две кола до крајот на сезоната Арсенал има четири бода повеќе, од Манчестер сити кој до крајот на сезоната ќе одигра уште четири натпревари.
Спорт
Де Зерби останува во Брајтон
Италијанскиот тренер Роберто Де Зерби нема намера да го напушти Брајтон по завршувањето на сезоната.
Медиумите на Островот пренесуваат дека италијанскиот стручњак ја одбил понудата на Баерн да го наследи Томас Тухел.
Покрај тоа, неговото име во последните недели се поврзуваше со Челзи, Милан, Ливерпул и Манчестер Јунајтед, но се чини дека тој ќе остане на југот на Англија.
Тој најави дека ќе следат разговори со првиот човек на клубот Тони Блум.
„Ќе разговараме со Тони Блум. Мислам дека би сакал да останам во Брајтон, бидејќи ги сакам овие играчи. Овој град, клубот, навивачите. Реков на средбата со навивачите, ако сум среќен, не постои клуб што ќе ме натера да го емнам тимот“, вели Де Зерби.
Неговиот тим моментално е на 12. место во Премиер лигата