Законот за употреба на јазиците денеска повторно ќе се најде пред пратениците. Ова е договорено на вчерашната координација кај претседателот на Собранието, Талат Џафери, меѓу координаторите на пратеничките групи.

Пратеникот Мухамед Зекири за „Макфакс“ кажа дека пратениците ќе го излгасаат законот на следната седница, а пак, ако не биде така, кога-тогаш ќе биде изгласан. Сигуен за изгласувањето на законот е и вицепремиерот за европски прашања, Бујар Омани. Премиерот Зоран Заев во изјава рече дека законот ќе биде излгасан без разгледувње на амандманите. Со ставот дека на следната седница, Законот за јазици ќе биде изгласан се согласи и народниот избраник, Амди Бајрам.

Напроти власта, опозицијата е уверена дека СДСМ со коалицијата нема да го прекршат деловникот и ќе ги разгледаат амандманите, со тоа, на денешната седница нема да биде изгласан овој закон. Координаторот на пратеничката група на ВМРО-ДПМНЕ, Драган Данев, не сака да верува дека нивните колеги од мнозиноството ќе направат чекор да изгласаат неуставен закон кој е во спротивност со Уставот на државата.

Претходната седница за донесување на Законот за јазици пропадна, бидејќи политичките партии немаа усогласени ставови. На координативните состаноци изминиативе денови не учествуваше опозициската ВМРО-ДПМНЕ. Продолжението на 32. седница е закажана за 13 часот.

Законот за употреба на јазиците е во трето читање во Собранието, а од ВМРО-ДПМНЕ поднесоа 35.569 амандмани со образложение дека законот е неуставен и треба да се повлече.