Спорт
Валверде: Иниеста ќе реши дали ќе игра
Тренерот на фудбалерите на Барселона, Ернесто Валверде, во пресрет на осминафиналниот реванш против Челси во Лигата на шампионите, рекол дека не е сигурен дали Андрес Иниеста ќе биде подготвен за овој натпревар.
Иниеста се повреди пред три недели на пр…
Тренерот на фудбалерите на Барселона, Ернесто Валверде, во пресрет на осминафиналниот реванш против Челси во Лигата на шампионите, рекол дека не е сигурен дали Андрес Иниеста ќе биде подготвен за овој натпревар.
Иниеста се повреди пред три недели на првиот натпревар помеѓу двата тима што заврши со резултат 1:1.
„Вчера на тренингот работеше без проблеми. Ќе видиме како ќе се чувствува денес и потоа ќе решиме дали ќе игра. Знаеме дека ова е многу важен натревар, но сепак одлуката дали ќе игра или не ќе ја донесе Иниеста“, рекол Валверде.
„Нерешениот резултат од првиот натпревар е добар за нас. Посигнавме гол во гости и мислам дека сме во подобра положба во однос на Челси“.
За можноста Иниеста да не биде во тимот на Барселона проговорил и меначерот на Челси, Антонио Конте.
„Постојат многу одлични играчи кои поседуваат голем талент, но Иниеста е поинаков, тој е фудбалски гениј“, рекол Конте.
Натпреварот Барселона-Челси се игра вечерва од 20:45 часот на „Ноу Камп“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Ландо Норис го победи Ферстапен на ГН на Мајами
Ландо Норис ја забележа првата победа во кариерата. Возачот на Мекларен победи на трката за Големата награда на Мајами. Ова е прва победа за Мекларен од 2021 година кога Даниел Рикардо победи во Монца. Норис во Мајами победи пред Макс Ферстапен (Ред Бул) и Шарл Леклер (Ферари).
Норис, трката во Мајами ја стартуваше од петтата позиција, која ја загуби на стартот, но како што одминуваа круговите тој беше најбрзиот човек на патеката. Најбрзиот круг го возеше во 25 круг, кога дел од неговите конкуренти ги сменија гумите.
За одличното возење го „погледна и среќата“. Поради инцидентот меѓу Магнусен и Сарџент, во 28.круг на патеката излезе возилото за безбедност. Норис го искорсти влезе во боксот и се врати на челната позиција.
Откако возилото за безбедност ја напушти патеката, Норис на чиста брзина ја доби борбата со Ферстапен.
Британецот со деби победата ја прекина доминацијата на Ферстапен во Мајами, кој имаше шест последовни победи на оваа патека.
Бодови во Мајами освоија: Карлос Саинц (Ферари), Серхио Перез (Ред Бул), Луис Хамилтон (Мерцедес), Јуки Цунода (РБ), Џорџ Расел (Мерцедес), Фернандо Алонсо (Астон Мартин) и Естебан Окон (Алпин).
Спорт
Реми во дербито меѓу Рома и Јувентус
Рома и Јувентус освоија по еден бод, откако во дербито на 35.коло одиграа 1:1, на „Олимпико“ во Рим.
Рома никако не може да биде здоволна со бодот бидејќи си го компромитира пласманот во Лигата на шампионите. Италија наредната сезона ќе има пет екипи во Лигата на шампионите, а Рома на петтото место има три бода и два натпревари повеќе од Аталанта.
Натпреварот почна добро за Рома, Лукаку се најде на вистинското место во вистинско време и му донесе водство на својот тим во 15. минута.
Јувентус после тоа не сакаше да тактизира, избраниците на Масимилијано Алегри тргнаа во напад, а во 31.минута ја искористија грешката во одбраната на Рома. Резултатот го изедначи Бремер.
До крајот на мечот Јуве беа поблуску до победата. Киеза ја погоди стативата во 47.минута, а потоа голманот Свилар имаше две добри интервенции.
Спорт
Рубљов го освои Мастерсот во Мадрид
Рускиот тенисер Андреј Рубљов победи на Мастерсот во Мадрид.
Рубљов во финалето го совлада Канаѓанецот Феликс Оѓер-Алиасим по три сета, со пресврт 4:6, 7:5, 7:5 по два часа и 49 минути игра.
Рускиот тенисер во главниот град на Шпанија ја освои втората титула од серијата 1000, а воедно осмиот тенисер во светот стана првиот во кариерата кој победил на Мастерсот во Мадрид и во сингл и во двојки.
Русинот лани во Монте Карло го освои првиот трофеј на турнирите од серијата 1000, а за 27-годишниот Русин ова е 16. титула во кариерата, втора во 2024 година.