Македонија
Законот за јазици по вторпат изгласан во Собранието, без поддршка од ВМРО-ДПМНЕ
Законот за јазици по вторпат изгласан во Собранието, без поддршка од пратениците на ВМРО-ДПМНЕ. Со 64 гласа Законот го помина собранискиот филтер. Пратениците на ВМРО-ДПМНЕ тврдат дека ова е неуставно. Во текот на седницата неколкупати побараа изјаснување од Мандатно-имунитетната комисија, чиј претседател вели дека Комисијата може да се состане дури откако седницата ќе биде завршена. ВМРО-ДПМНЕ, пак, упати писмено барање Мандатно-имунитетната комисија да каже дали пратениците можат да поднесат амандани а тие да се разгледани на седница.
Во текот на седницата пратениците од опозицијата побара две паузи, кои беа одобрени од собранискиот спикер Талат Џафери. На седницата имаше и физички напад врз претседателот на Собранието, Талат Џафери, од страна на пратеникот Никола Груевски.
По изгласување на Законот, Груевски се качи повторно на собранискиот пулт каде што се наоѓаше претседателот на Собранието, Талат Џафери. Претседателот Ѓорги Иванов, со чиј потпис Законот требаше да биде објавен во Службен весник, а потоа да влезе во сила, одби да го потпише. Претходно претседателот на партијата ВМРО-ДПМНЕ му понуди договор на премиерот Заев да не го гласаат Законот за јазици, а за возврат да добијат поддршка за рефомските закони.
Координаторот на ВМРО-ДПМНЕ, Драган Данев, претходно тврдеше дека Законот нема да биде изгласан. Тие не откриваат како ќе постапуваат во натамошниот период, односно дали ќе ги блокираат Собранието и реформските закони, а некои од нив не може да се изгласаат без нивна поддршка. Законот за јазици беше клучот за составување на коалицијата меѓу СДСМ и ДУИ. За Законот гласаше и Алијанса за Албанците, која не е дел од власта.
По изгласување на Законот, пратениците на ВМРО-ДПМНЕ ги навредуваа колегите од СДСМ нарекувајќи ги „насилници“ и притоа не признаваат дека Законот за јазици е изгласан.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Нови канцеларии на Левица во Могила и Росоман
Претседателот на Левица, Димитар Апасиев, и Носителот на ИЕ4, Сашко Јанчев, вчера присуствуваа на отворање на две нови канцеларии на локални ограноци на Левица во општина Могила и општина Росоман.
„Народот сè повеќе ги препознава идеологијата и вредностите на Левица, изградени на темелите на нашите предци кои го дале животот за Македонија и на кои почиваат вистината, праведноста и еднаквоста“, велат од Левица.
Претседателот на Левица, Апасиев, како и носителот Јанчев, во своите говори нагласија дека ова е историски момент пресуден за зачувување на интегритетот на Македонија.
„Постојаниот раст на партијата е доказ дека народот ги препознава АСНОМ-ската идеологија и бескомпромисноста на Левица, како нова идеја чие време допрва доаѓа!“, се додава во соопштението на Левица.
Македонија
Постапката за екстрадиција на Палчо ќе биде спроведена преку МВР, на осомничениот веќе му е определен притвор
Јавното обвинителство на Република Северна Македонија е известено дека Министерството за правда добило официјална информација од Република Турција дека се одобрува екстрадицијата на лице осомничено за две кривични дела грабнување, како и за две убиства на свиреп начин.
Постапката за екстрадиција ќе биде спроведена преку Министерството за внатрешни работи.
По предлог на Основното јавно обвинителство Скопје на осомничениот веќе му е определена мерка притвор која треба да започне да се применува веднаш по неговото испорачување, се додава во соопштението на Јавното обвинителство на Република Северна Македонија.
Македонија
Дозволена екстрадицијата на Љупчо Палевски Палчо
Министерството за правда преку писмено соопштение информираше дека е добиено официјално известување дека екстрадицијата на Љупчо Палевски е дозволена.
Претходно министерот за правда Кренар Лога на социјалните мрежи потврди дека е дозволена екстрадиција на Палевски.
„Ве информирам дека денес со официјална информација од Република Турција добивме одобрение за екстрадиција на лицето Љупчо Палевски. Позитивниот исход на постапката произлегува после сите максимално преземени мерки и активности од делокругот на надлежности на Министерството за правда.“
Љупчо Палевски е осомничен за убиствата на 14-годишната Вања Ѓорчевска и велешанецот Панчо Жежовски.