Македонија
ВМРО-ДПМНЕ: Заев ги игнорира граѓаните и на сила донесе противуставен и штетен закон
Законот за јазиците е неуставен, неприменлив и штетен. Зоран Заев лаже и како што ќе минува времето, неговата лага ќе стане сè поочигледна, реагираат од опозициската ВМРО-ДПМНЕ во однос на денешното обраќање на македонскиот премиер во контекст на донесувањето на законот.
Од ВМРО-ДПМНЕ потенцираат дека ситуацијата е иста како лагите од предизборието дека двојазичноста била само во главите на вмровците.
„Доколку имаше малку доблест, денес ќе се извинеше и ќе се срамеше за тоа што вчера ја силуваше демократијата, го погази Деловникот и го прекрши Уставот. Тоа не му го кажува само ВМРО-ДПМНЕ, туку и експертската јавност и граѓаните. Сите нив Зоран Заев ги игнорира и не дозволи никаква дебата за овој противуставен закон, кој на сила го донесе“, се наведува во партиското соопштение.
Како што истакнуваат оттаму, послушниците на Зоран Заев во парламентот не дозволиле ниту амандманска расправа креирајќи опасен преседан кој во иднина може да се повторува.
„Насилното носење на овој закон покажа дека не постои никаков концепт на едно општество за сите, туку концепт на одржување по секоја цена на владината коалиција, спротивно на интересите на граѓаните. Овој закон не е закон за употреба на јазиците, туку е закон за двојазичност и тоа не е воопшто во духот на едно мултиетничко општество какво што е Македонија“, велат од ВМРО-ДПМНЕ.
Додаваат дека овој закон бил донесен шверцерски со злоупотреба на европското знаменце, иако и амбасадори и европски авторитети јасно кажале дека нема никакво реформско значење во нашата евроинтреграција.
„Овој закон, освен што нема во ништо да го подобри секојдневниот живот на граѓаните што од ден на ден тонат сè повеќе во беда и економска апатија, туку ќе предизвика поголем меѓуетнички јаз и блокада на институциите, која скапо ќе биде платена од џебот на граѓаните. За ваквото ненародно и шверцерско однесување Владата на Зоран Заев многу бргу ќе понесе одговорност“, се вели во соопштението на опозициската партија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Мојсоска: На 8 мај младите ќе стават крај на истрошените елити кои немаат што да понудат
Левица како нова генерација млади политичари на овие избори настапува со радикална антикорупциска платформа. Битола од економски гигант во време на криминалната приватизација стана рекордер на невработеност. Младите паметат како нашите родители остануваа на улица додека се богатеа поединци, изјави Јована Мојсоска, генерален секретар на Левица
– Се бориме за донесување Закон за потекло на имот на сите носители на јавни функции од почеток на транзиција до денес. На овој начин мора да се стави крај на криминогените партии кои ја уништија иднината на младите генерации. Наместо амнестија која ја видовме во Собранието, нашата автентична програма се залага за незастарливост на криминалот извршен од јавни функционери. На 8-ми мај младите ќе се обединат околу идејата на Левица за да стават крај на владеењето на корумпираните и истрошени политички елити кои немаат веќе што да понудат – вели Мојсоска.
Македонија
Глас за СДСМ е глас за поголеми плати и унапредени работнички права, велат од СДСМ
Глас за СДСМ на 8-ми мај е глас за поголеми плати и унапредени работнички права, велат од СДСМ.
„СДСМ ја зголеми минималната плата за скоро три пати од 8.000 на 22.500 денари и таа ќе продолжи да расте со воспоставена методологија. Просечната плата е двојно зголемена, во однос на 2016 година на речиси 40.000 денари. Платите во образованието и здравството се двојно поголеми, покачени се платите во образованието, полицијата, армијата, социјалните служби, во сите сектори. СДСМ беше рамо до рамо со работниците во време на големите кризи – економската, енергетската и здравствената, помогна да се спасат илјадници работни места“, дополнуваат од СДСМ.
Како што велат, со СДСМ е можен европски животен стандард, со просечна плата од 1.100 евра и минимална плата од 600 евра.
„Програмата за млади предвидува по 200 евра за прво вработување за млади до 26 години, субвенции и поволни цени за купување сопствен дом за млади до 29 години, како и гарантирана плата за млади, додека грантовите за отпочнување на сопствен бизнис за млади, се зголемува на 8.000 евра. Платите на медицинскиот персонал значително ќе се зголемат. Специјалистите ќе имаат до 180.000 денари плата, општите доктори, до 120.000 денари. Медицинските сестри, до 90.000 денари. Работниците и нивниот труд се двигател на секоја економија, на секоја држава. СДСМ нема да се откаже од унапредување на работничките права, раст на платите, подобро платени работни места“, завршуваат од СДСМ.
Македонија
Каевски од голтар до милионер, фатен како прави милионски проневери како директор на Агенцијата за млади и спорт, велат од ВМРО-ДПМНЕ
Каевски од голтар до милионер, фатен како прави милионски проневери како директор на Агенцијата за млади и спорт, велат од ВМРО-ДПМНЕ.
„Дарко Каевски како директор на Агенцијата за млади и спорт заобиколувајќи ги законските процедури извршил распределба на пари преку така наречените ваучери до клубови и федерации, кои одредена фирма ги реализирала под услов дел од парите да ги добие назад преку даночно ослободување“, дополнуваат од ВМРО-ДПМНЕ.
Според нив, Каевски е фатен на дело, и веќе на сите им е јасно зошто излегувал и ширел лаги и манипулации во јавноста.
„Тоа се кадрите на СДС, како Дарко Каевски, вмешани во криминал и корупција. Време е Македонија да се ослободи од криминалците како Каевски. Време е да ја вратиме Македонија на народот. Македонија повторно твоја“, завршуваат од ВМРО-ДПМНЕ.