Црна хроника
Кривични за четири лица кои ограбиле продавници за оружје во Скопје
Скопската полиција поднесе кривични пријави против четири лица кои украле голема количина на оружје и муниција.
Како што информираат од МВР, кривични пријави се поднесени против Б.З. (27) поради сомнение за сторени три кривични дела (две „тешка кражба“ и едно кривично дело „неовластено изработување, држење, посредување и тргување со оружје и распрскувачки материи“), потоа против А.Ј. (23) и А.Б. (25) осомничени за две кривични дела – едно „тешка кражба“ и едно кривично дело „неовластено изработување, држење, посредување и тргување со оружје и распрскувачки материи“. Исто така поднесена е кривична пријава и против Б.Ј. (57) за „неовластено изработување, држење, посредување и тргување со оружје и распрскувачки материи“.
Полицијата информира дека со извршувањето на овие кривични дела сторителите се здобиле со противправна имотна корист од околу 4.800.000 денари.
Според истрагата, првото кривично дело пријавениот Б.З. со уште четири лица го извршил во периодот меѓу 11 и 13 ноември минатата година во продавница за ловна опрема и пиротехнички материјали лоцирана на скопската улица „Васил Ѓоргов“, од каде што одзеле 52 пиштоли и револвери од разни марки и калибри и три гасни пиштоли.
Второто кривично дело го сторил зедно со пријавените А.Ј. и А.Б. на 09 декември минатата година во продавница за оружје и пиротехнички материјали лоцирана на улицата „Кеј 13-ти Ноември“ во Скопје, од каде што одзеле 19 парчиња пиштоли од разни марки, девет пушки од разни марки, од кои пет ловечки, три малокалибарски и една воздушна пушка.
По извршената кражба со автомобил „ауди караван“, управуван од А.Б. го напуштиле местото на настанот.
По добиените сознанија, полицијата со судска наредба извршила претрес на дом и други простории кај пријавените лица, при што кај второпријавениот А.Ј. била пронајдена поголема количина на оружје и муниција, како и во домот на четвртопријавениот Б.Ј. Исто така, извршен бил претрес на угостителски објект (сопственост на А.Ј.) каде што биле пронајдени поголема количина на оружје и муниција.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Скопјанец пукал со воздушна пушка и ја погодил мачката на соседот, полицијата му го одзеде оружјето
Вчера во 10.06 часот во СВР Скопје, 47-годишниот Б.П. од Скопје пријавил дека околу 09.50 часот на подрачјето на Кисела Вода, неговиот сосед, 64-годишниот З.К. од Скопје пукал со воздушна пушка и погодил мачка, сопственост на пријавителот, извести МВР.
Со пријавениот бил извршен службен разговор и од него била одземена воздушната пушка, дијаболи и потврда за пријавено оружје, сопственост на неговиот син, извести МВР.
По целосно документирање на случајот ќе следува соодветен поднесок.
Црна хроника
Тетовец измамен за 800 евра
Вчера во 08.30 часот во СВР Тетово, 38-годишен тетовец пријавил дека на 22.04.2024 бил измамен од едно лице за сума од 800 евра, извести МВР.
„Според пријавеното, лицето дошло во неговиот деловен објект и му понудило мобилен телефон за сумата, за што му приложил и фактура. Како што е пријавено, тој одлучил да го купи телефонот, а откако се обидел да го активира кај неколку сервисери, тие му кажале дека телефонот не е оригинал и сфатил дека бил измамен“, соопшти МВР.
Се преземаат мерки за расчистување на случајот.
Црна хроника
Пожар во концертна сала на Факултетот за музичка уметност „Илија Николовски-Луј“, нема повредени
Вчера во 15.00 часот во СВР Скопје било пријавено дека настанал пожар во концертна сала на Факултетот за музичка уметност „Илија Николовски-Луј“ во Скопје, извести МВР.
Од Бригадата за противпожарна заштита Скопје пожарот бил изгаснат, а повредени лица нема, додаваат од МВР.
Извршен бил увид од увидна екипа од СВР Скопје.