Црна хроника
Четворица повредени во сообраќајка, таткото на еден од повредените починал кога го видел синот повреден
Четири лица се повредени во сообраќајна незгода што се случи во понеделникот вечерта околу 19 часот на магистралниот пат Охрид – Кичево, во близина на бензиската пумпа „Петрол“.
Повредените во сообраќајката преживеаја, но таткото на еден од повредените почина откако го видел својот син повреден во сообраќајката. Спред информациите од СВР Охрид, на татото му се слошило кога стигнал на местото на несреќата и го видел синот повреден. Тој се онесвестил, а на пат кон болницата починал.Во сообраќајката со тешки телесни повреди, односно скршеници на лева натколеница се здобил А.Ј.(46) од Охрид, додека со лесни повреди се здобиле Д.Ш. (44) од гостиварското село Горна Баница, Г.Т. (49) и Н.Т. (20) двајцата од охридското село Елшани. Повредените, од местото на незгодата, со возило на брза помош се пренесени бо болницата „Свети Еразмо“ каде се задржани на натамошно лекување. Во сообраќајната незгода учествувале патничко моторно возило марка „мерцедес“ со гостиварски регистарски ознаки управувано од сега повредениот Д.Ш. кое по магистралниот пат се движело во правец од Охрид кон Кичево, патничко возило „југо корал“ со охридски регистарски таблици управувано од сега повредениот А.Ј. и патничко возило марка „ауди“ со охридски регистарски ознаки управувано од сега повредениот Г.Т. во кое како сопатник била и сега повредената Н.Т. Патничките возила „југо корал“ и „ауди“ по магистралниот пат се движеле во спротивната насока односно од Кичево кон Охрид.До незгодата дошло во момент кога Д.Ш. возачот на патничкиот автомобил „мерцедес“, на критичното место изгубил контрола и со возилото преминал на левата сообраќајна лента, со предниот дел удрил во левата предна страна од „југото“, а потоа и во предната страна од автомобилот „ауди“.На местото на сообраќајната незгода, по овластување на Јавен обвинител извршен е увид од крим техника и полициски екипи од полициската станица за безбедност на патниот сообраќај од СВР Охрид. За време на увидот имаше физичко регулирање на сообраќајот од полициски службеник со наизменично пропуштање на патничките и другите моторни возила./крај/мф/
Извор: Макфакс архива
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Скопјанец измамен во менувачница од двајца странски државјани
Скопјанец пријавил дека во менувачница во Старата скопска чаршија бил измамен од страна на двајца странски државјани за сума од 25.000 евра, информираат попладнево од Министерството за внатрешни работи.
Синоќа во 19.15 часот во СВР – Скопје, Х.М., на возраст од 34 години од главниот град на државава, пријавил дека околу 15 часот во менувачница во Старата скопска чаршија бил измамен од двајца странски државјани.
Според пријавеното, откако се договориле во менувачницата да сменат пари за 25.000 евра, лицата дошле со чанта со договорената сума на пари во денари, при што еден од нив ја заменил чантата со денари со друга иста чанта, која во долниот дел била полна со хартиени ливчиња.
Како што пријавил Х.М., тој им ги дал еврата без да ја провери чантата, а откако заминале, сфатил дека е измамен, појаснуваат од МВР.
Се преземаат мерки за расчистување на случајот.
Црна хроника
Пожар во Дом за стари лица во струмичко Банско, нема повредени
Пожар синоќа избил во Дом за стари лица во село Банско, Струмичко. Нема повредени лица, предизвикана е само материјална штета, соопшти Центарот за управување со кризи (ЦУК).
Според Регионалниот центар за управување со кризи – Струмица, пожарот бил пријавен околу 23.30 часот. Во гаснењето на пожарот интервенирале седум пожарникари со две противпожарни возила. Пожарот целосно е изгаснат во 50 минути по полноќ.
– Прво биле евакуирани лица од катот каде што бил пожарот, потоа од долните катови. По целосното гаснење на пожарот, евакуираните лица полека се вратени на местата, собите од каде што биле евакуирани. Причината за пожарот и материјалната штета дополнително ќе бидат утврдени, појаснуваат од ЦУК.
Во денешното соопштение се наведува и дека изминатото деноноќие имало вкупно 1.759 повици на единствениот повикувачки број за итни случаи – 112 во ЦУК.
Црна хроника
Притвор за осомничен за спречување на полициски службеници да фатат побегнат затвореник
Основното јавно обвинителство Кавадарци поведе постапка против 18-годишник за кого постои основано сомнение дека сторил кривично дело – Спречување службено лице во вршење службено дејствие од член 382 став 3 во врска со став 2 и став 1 од Кривичниот законик.
На 2 мај, во куќа на улицата “Димката А. Габерот” во Кавадарци, двајца инспектори од МВР преземале службено дејствие – фаќање побегнат затвореник од КПУ Гевгелија, кој бил роднина на сега осомничениот.
Затвореникот давал отпор при обидот да биде лишен од слобода за доизвршување на затворската казна, во што сега осомничениот го поддржал, се нафрлил врз еден од полициските службеници, го влечел и го гребел, нанесувајќи му телесни повреди.
Затвореникот успеал да се ослободи и да побегне, но подоцна бил фатен и вратен во затворот. Осомничениот исто така избегал во прв момент, но бил лишен од слобода, а по предлог на јавниот обвинител, Основниот суд во Кавадарци му определи притвор во траење од осум дена.