Македонија
(Видео) Мијалков не дојде на судење – сменил адреса на живеење
Судот го одложи денешното судење за предметот „Тортура” бидејќи не се појавија првообвинетиот ексдиректор на УБК, Сашо Мијалков, и неговиот адвокат, Антонио Апостолски. Судијката рече дека до судот не стигнала повратница дека добил уредна достава. Од судот го барале на адресата од обвинението на СЈО, во скопски центар. Адвокатот Љупчо Шврговски рече дека неговиот клиент живее на адреса на Водно.
Адвокатот Љупчо Шврговски рече дека ќе достави поднесок до судот за точната адреса на која живее Мијалков. Константин Кратовалиев, адвокатот на Љубе Бошкоски, пак, на судот му достави три цедеа со говорите на Бошкоски за време на изборната кампања во 2011-та.
Во „Тортура” обинети се и поранешниот прв човек на единицата „Алфа”, Ивица Антевски – Пуки, и уште петмина полициски „алфи“ за апсењето на Бошковски. „Тортура“ се однесува на начинот на кој бил уапсен лидерот на Обединети за Македонија и поранешен министер за внатрешни работи, Љубе Бошкоски, на 6 јуни 2011 година, ден по одржувањето на предвремените парламентарни избори. Судењето го води судијката Александра Ристеска.
Следнoтo рочиштe е закажано за 7 мај.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Силјановска-Давкова: Времето на жените доаѓа, срамота е што 30 години сме немале жена претседателка или премиерка
Во рамките на активностите на кандидатката за претседателка на државата, Гордана Сиљановска-Давкова, таа се обрати на трибината на тема „Жени“ која се одржа во Јавна соба.
„Во мојата програма има посебен дел посветен на жените. Подолго светот живеел како патријархат отколку матријархат. Повеќе жени во политика, повеќе гаранции за помалку насилство. Срамота е 30 години да не сме имале жена претседателка, жена премиерка. Да им ставиме крај на Венецијанските трговци“, порача Давкова.
Како што додаде, жените имаат што да покажат, имаат вулканска сила и мажите треба да се инспирираат од нив.
„Времето на жените доаѓа. Сега е време за машка еманципација. Македонија е во женски род, политиката е во женски род. Женскоста е квалитет неискористен. Промените наскоро доаѓаат“, рече Давкова на трибината.
Македонија
Оштетени билборди и рекламни паноа на политичка партија во Тетово
Вчера на улицата ,,Киро Ристовски-Дрнц” и на улица „Маршал Тито” во Тетово биле оштетени билборди и рекламни паноа од парламентарните избори од една политичка партија.
Се преземаат мерки за расчистување на случајот, објави МВР.
Македонија
Демократски сојуз предлага платите на полицајците да бидат колку оние на обвинителите и судиите
Демократски сојуз на сите полицајци и припадници на службите за безбедност, им го честита 7 Мај, ДЕНОТ НА ПОЛИЦИЈАТА и им посакува успешно извршување на сложените безбедносни задачи.
Празникот се совпаѓа и со изборите за претседател на државата и за пратеници, каде за жал, како што велат од патијата, улогата на полицијата е клучна за обезбедување стабилност и услови за мирни и фер избори.
„Овие денови се клучни за да спречите нерегуларности, притисоци, купување на гласови, организирање на „Бугарски воз“ или нарушување на изборниот процес на кој било начин (насилство итн). Инаку полицијата и службите за безбедност извршуваат тешки, одговорни и сложени безбедносни задачи, но последните години се со ниски примања. Така, главен оперативец задолжен за спречување и откривање на тешки кривични дела прима плата од околу 45 илјади денари, а јавен обвинител околу 130 илјади денари“, додаваат од партијата на Павле Трајанов.
Предлагаат двојно зголемување на платите на полицијата и нивно усогласување со платите на обвинителите и судиите.