Македонија
Лазаревски: Целиот свет ја слушна детонацијата на бомбите во Македонија
Ѓорѓи Лазаревски и Звонко Костовски, вработените во УБК што го открија скандалот со прислушувањето во Македонија, во Приштина денеска ја добија Наградата за слобода на говорот. Наградата во име на Костовски ја подигна Лазаревски и рече дека се гордее затоа што со колегата ја добиле наградата како признание за укажувачи во скандалот со прислушувањето. Доказите што ги обезбедивме покажаа дека корупцијата е главен извор на моќта во едно автократско општество, рече Лазаревски.
„Можевме да избереме: да игнорираме или да се бориме. Убеден сум дека го направивме вистинскиот избор“, рече Лазаревски по добивањето на наградата. „Можевме да ја проголтаме слатката таблетка што ќе ни ја затвореше устата или да ја проголтаме горчливата, која можеше да нè убие, но да го излекува општеството“, рече Лазаревски. Тој изјави дека е среќен што луѓето по бомбите, се гласни на секој обид за манипулација.
„Целиот свет ја слушна детонацијата на бомбите во Македонија. Резултатот што го постигнавме беше над нашите најоптимистички очекувања“, изјави Лазаревски. Тој додаде дека слободата на говор оди заедно со укажувањето. Ако го нема едното од нив, нема ниедно. „Ми недостига овде Звонко Костовски, но знам дека се гордее колку и јас“, изјави укажувачот од УБК, кој го откри скандалот со прислушувањето.
Kallxuesi Maqedonas i Përgjimeve do pranojë çmimin e Fjalës së Lirë
Kallxuesi Maqedonas i Përgjimeve do pranojë çmimin e Fjalës së Lirë
Posted by Kallxo.com on Freitag, 23. März 2018
Лазаревски и Костовски како вработени во Управата за безбедност и контраразузнавање три години работеле со цел да го документираат нелегалното прислушување на над 20.000 бизнисмени, активисти, новинари и други политички неистомисленици на минатата власт. Објавувањето на дел од прислушуваните разговори во 2015 година резултира со нови избори во 2016 и формирање нова влада во 2017 година. Покрај тоа, разговорите беа докази за обвиненија на СЈО за стотици физички и правни лица.
Наградата на слободата на говорот е годишно признание што се доделува од страна на Коалицијата за заштита на свиркачите во Југоисточна Европа и Европскиот центар за заштита на правата на свиркачите. Двете организации соработуваат со локални активисти и новинари во Косово за да ги организираат Меѓународниот ден на свиркачите и Неделата за слобода на говорот во Koсово од 19 до 24 март.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Одлуки за учество на припадници на Армијата на вежби во Германија, Бугарија, Косово
Владата на денешната седница донесе и повеќе одлуки на предлог на Министерството за одбрана, меѓу кои и за испраќање на припадници на Армијата на Република Северна Македонија за учество на вежбата „BEYOND HORIZON 24“, во Република Бугарија, за испраќање на припадници на Армијата на Република Северна Македонија за учество во НАТО операцијата „КФОР“ во Република Косово и за испраќање на припадници на Армијата на Република Северна Македонија за учество на вежбата „Combined Resolve 24-2“ во Сојузна Република Германија.
Македонија
Личните документи ќе можат да се подигнат и в среда, извести МВР
Во пресрет на претстојните Претседателски и Парламентарни избори што ќе се одржат утре, Министерството за внатрешни работи ги известува граѓаните дека Одделот за граѓански работи, односно сите отсеци за управни работи на оваа организациона единица при МВР на 08.05.2024 ќе работат за издавање на лични документи со работно време од 08.00 до 19.00 часот.
„Исто така ги известуваме граѓаните дека сите барања за лични карти кои се поднесени до 03.05.2024 година, се веќе изготвени и граѓаните можат да ги подигнат“, соопшти МВР.
Македонија
Пронајдени три полуавтоматски пиштоли и 139 куршуми, ОЈО Велес отвори истрага за недозволено држење оружје
Основното јавно обвинителство Велес донесе Наредба за спроведување истражна постапка против едно лице за кривично дело – Неовластено изработување, држење, посредување и тргување со оружје или експлозивни материи од член 396 став 5 во врска со став 3 на Кривичниот законик.
„При претрес во домот на осомничениот во селото Мелница, општина Чашка, полицијата пронашла поголемо количество оружје и муниција – три полуавтоматски пиштоли и 139 куршуми со различен калибар. За осомничениот поднесен е предлог за определување мерка притвор“, соопшти Обвинителството.
ОЈО Велес продолжува да постапува и да презема дејствија за проверка на сомненијата за изборен поткуп во однос на овој осомничен и на уште едно лице во велешко кај кое во текот на вчерашниот ден беа извршени претреси, се додава во соопштението.