Спорт
Сензација во Мајами, Кокинакис го елиминира и детронизира Федерер
Австралиецот Танаси Кокинакис го победи Роџер Федерер 3:6, 6:3, 7:6, во второто коло на мастерсот во Мајами. Федерер од понеделник нема да биде број 1 на АТП листата. На челната позиција, иако не игра веќе два месеци, од понеделник ќе се врати Рафаел Н…
Австралиецот Танаси Кокинакис го победи Роџер Федерер 3:6, 6:3, 7:6, во второто коло на мастерсот во Мајами. Федерер од понеделник нема да биде број 1 на АТП листата. На челната позиција, иако не игра веќе два месеци, од понеделник ќе се врати Рафаел Надал.
Кокинакис, 175. на АТП листата, низ квалификациите стигна до главниот турнир, а во второто коло ја оствари најголемата победа во кариерата.
Младиот Австралиец на светскиот број 1 му пружи одличен отпор, а во тај-брејкот на решавачкиот сет покажа исклучителна смиреност и на крајот заслужено победи.
Федерер, со еден брејк, го доби првиот сет за 35 минути. Швајцарецот му го одзеде сервисот на противникот во четвртиот гем, а потоа рутински го освои сетот.
Австралиецот со грчко потекло, во вториот сет заигра многу подобро, на самиот почеток спаси брејк топка, а потоа успеа да му возврати на фаворитот на идентичен начин. Брејк во четвртиот сет за предност 3:1 и потоа со сигурна игра израмни на 1:1.
Швајцарецот во третиот сет никако не можеше да ја пробие дефанзивата на Кокинакис. Најдобрата шанса за брејк ја имаше во 11.гем, кога испушти 0:30.
Во тај-брејкот Кокинакис покажа високо ниво на концентрација и со три врзани поени го нокаутира големиот противник.
Кокинакис во наредната рунда ќе игра против ветеранот Фернандо Вердаско.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Покетино: ВАР го нарушува имиџот на англискиот фудбал
Менаџерот на Челзи, Маурисио Покетино, изјави дека употребата на ВАР технологијата го нарушува имиџот на англискиот фудбал. Аргентинецот ова го изјави по натпреварот во Бирмингем, каде на Челси против Астон Вила му беше поништен гол за победа во 95.минута.
Челзи, на „Вила Парк“, губеше со 2:0, се врати во мечот со головите на Мадуеке и Галагер, а во петтата минута од судиското надополнување, по употребата на ВАР технологијата, голот на Аксел Дисаси беше поништен поради прекршок на почетокот на акцијата.
„Ова е болно и го нарушува имиџот на англискиот фудбал. Мислам дека ниту играчите на Астон Вила, ниту нивните навивачи не разбираа зошто голот е поништен. Судиите рекоа дека е прекршок, а ако на секој таков дуел гледаме како фаул, тогаш ние не би го завршиле натпреварот со 11 играчи. Можеме да зборуваме за играта или за одлуката, таа му штети за на фудбалот“, рече Покетино.
Спорт
(Видео) Два гола и две асистенции, Меси го реши Њу Ингланд
Фудбалерите на Интер Мајами ја продолжија победничката серија во МЛС лигата, а Меси ја продолжи голгетерската серија.
Избраниците на Херардо Тата Мартино славеа над Њу Ингланд со резултат 4:1 на гостински терен, во рамките на 11. коло и ја задржаа лидерската позиција во Источната конференција.
Ова беше шести триумф за Интер сезонава, за него најзаслужен беше Лионел Меси, двоен стрелец и асистент на стадионот „Жилет“ во Фоксборо, Масачусетс.
Аргентинецот на тој начин се проби на првото место на листата на стрелци со девет гола, а воедно е и прв асистент во лигата со осум асистенции.
Гол за гостите постигна и Луис Суарез, а меѓу стрелците се запиша и Американецот Бенјамин Кремаски.
In case you guys missed…here's highlights of Lionel Messi vs New England Revolution | 2 goals and an assist🐐pic.twitter.com/hu4l8fhgvq
— SK10 𓃵🇵🇸 (@SK10_Football) April 28, 2024
Спорт
Порто го смени претседателот по 42 години
Хорхе Нуно Пинто повеќе не е претседател на Порто, а на негово место е избран поранешниот тренер на овој клуб Андре Вилаш Боаш.
Новиот претседател доби дури 80 отсто од гласовите, со што заврши најдолгата претседателска ера во светот на фудбалот.
-„Порто повторно е слободен“, изјави Вилаш Боаш откако беше избран.
Хорхе Нуно Пинто, беше претседател на трофејниот клуб од 1982 година. Кога го презеде, Порто беше далеку зад ривалите од Лисабон (Бенфика и Спортинг) по бројот на национални титули (седум), а 42 години подоцна имаат 30, дури 11 повеќе од Спортинг, а Бенфика е напред со 38.
Покрај тоа, Порто во неговата ера освои дури пет европски трофеи и два Интерконтинентални купа.
Еден од тие пет трофеи како тренер го освои Вилаш Боаш, Лига Европа во 2011. Таа сезона, единствената во која беше тренер на Порто, ја заокружи со сите три домашни трофеи. Потоа ги водеше Челзи, Тотенхем, Зенит, Шангај СИПГ и Олимпик од Марсеј.