Основниот кривичен суд Скопје во соработка со Адвокатската комора на РСМ ја отворија Канцеларијата за адвокати во рамки на Кривичниот суд која може да ја користат сите адвокати кои ги извршуваат своите службени обврски ви рамки на судот.

Канцеларијата се наоѓа на 4 – тиот кат во холот каде што се наоѓаат и дел од судниците односно, со цел да се овозможи влез на сите адвокати кои во моментот се во судот, а воедно одвоен од службените канцеларии на судиите и судската служба.

Канцеларијата е опремена од страна на Адвокатската комора на РСМ со соодветен канцелариски мебел и е со цел да овозможи простор на адвокатите за кратки пауза меѓу насрочените расправи како и подготовка за рочиште, воедно истата може да се користи и за состаноци и координација на бранителите.

Ова, се истакнува во соопштението, е прва ваква канцеларија која ја овозможува Основниот кривичен суд Скопје која може да се користи од адвокатите, а во финална фаза на подготовка е и просторија која ќе може да ја користат Јавните обвинители, по примерот на Медиа центарот наменет за претставниците на медиумите кои известуваат од судските расправи како и просторијата за Судии поротници.

„Со тоа, Кривичниот суд се обидува да овозможи просторни услови за работа не само за вработените и за непречено одвивање на судските рочишта, туку и соодветни услови за работа на сите чинители кои се јавуваат како странки но и јавност во судските расправи во правец на поголема отвореност и транспарентност на судот“.

Маја Мојсова да каже дали ќе повика да се гласа за Стевчо Јакимовски во втор круг, осуден криминалец и на црна листа на САД, вели Благица Цветановска, кандидат за советник на Општина Карпош од редовите на ВМРО-ДПМНЕ.

„Стевчо Јакимовски е осуден од македонските судови, а од САД е ставен на црна листа. Станува збор за криминалец кој местел тендери и правел ДУП ови по мерка на урбаната мафија.

Само политичар како Стевчо Јакимовски, кој е докажан криминалец им одговара на Филипче и Заев и на СДС. Затоа Маја Мојсова ја избраа да биде статист на овие избори и да послужи само како сад за прелевање гласови во вториот круг кај нивниот вистински кандидат – Стевчо Јакимовски“.

Маја Мојсова молчи и не кажува до крај, додава Цветановска, кој ќе ја одигра својата улога на статист на овие избори која и ја дадоа Венко Филипче и Зоран Заев, кои се договорија со Стевчо Јакимовски за поддршка или ќе покаже грам доблест и интегритет и ќе се спротистави на бетонизацијата на Карпош која ја планира Филипче и Заев преку Стевчо Јакимовски.

„Маја Мојсова мора да каже јасно и гласно дали во вториот круг ќе повика да се гласа за Стевчо Јакимовски, а со тоа и за бетонизација на Карпош по мерка на Филипче и Заев, за сметка на граѓаните кои ќе добијат запуштена општина“.

Иднината на Скопје, кандидатот за градоначалник од ВМРО – ДПМНЕ, Орце Ѓорѓиевски ја гледа како град кој функционира паметно, брзо и чесно преку вистинска дигитализација. Тој денес кажа дека откога ја направил Кисела Вода прва дигитална Општина не само во Македонија туку на целиот Балкан, таквиот модел ќе го пренесе и на градско ниво.

„Со 17 проекти од оваа област Скопје ќе стане првиот целосно ‘пејпер фри’ град во државата, дигитален, модерен и пред се транспарентен. Дигиталната трансформација ќе се изврши во три клучни сегменти. Комплетна внатрешна дигитализација на сите процеси и процедури, креирање на дигитални услуги и сервиси за граѓаните и бизнис заедницата и комплетна дигитализација на Советот и на јавните претпријатија со што Градот ќе ја започне најголемата административна реформа досега“, вели Ѓорѓиевски.

Посебна организациона единица со назив „смарт центар“ Ѓорѓиевски вели дека ќе биде срцето на дигиталната трансформација. Преку овој центар ќе се координираат сите проекти за дигитализација на Градот, односно воведување на паметен град овозможувајќи дигитално управување со транспорт, отпад, јавни ресурси и услуги преку податоци и анализи во реално време.

„Ќе воведеме документ-менаџмент систем за сите административни процеси да се дигитализираат од прием на предмети до нивно решавање, со  јасен дигитален траг на секој документ. Ова ќе гарантира отчетност, брзина, минимално влијание на човечкиот фактор, и пред се подобра услуга за нашите граѓани“, рече Ѓорѓиевски.

Практичната имплементација на визија за урбан развој за Скопје 2025 – 2045 година ќе се реализира преку проектот Дигитален близнак на Скопје со што ќе се создаде дигитална реплика на градот со интеграција на просторни податоци, сензори и документи. Овој систем Ѓорѓиевски смета дека ќе овозможи интелигентно урбано планирање, поефикасно управување со инфраструктурата, климатска отпорност и брз одговор при непогоди.

Секој извод од Генералниот урбанистички план ќе биде достапен дигитално со електронски потпис, рече Ѓорѓиевски

Ѓорѓиевски најави дигитализација на сите регистри во Град Скопје, проект за е-даноци со кој решенијата за данок на промет ќе се издаваат за пет работни дена, а даноците ќе се плаќаат електронски. Со проектот е-адреса во соработка со Катастарот ќе се изврши комплетно мапирање на улиците и објектите и секој објект ќе добие видлив број, секоја улица матичен број, правилен назив и кјуар код  со можност за граѓаните да добијат електронска потврда за точната адреса.

Дигиталната платформа за културно наследство ќе интегрира 3Д – реконструкции, виртуелни тури и дигитални архиви на културното богатство на Скопје достапни за граѓаните и туристите.

Градскиот портал Ѓорѓиевски вети дека ќе биде централно место преку кое граѓаните, бизнисите и институциите ќе имаат централен пристап до сите услуги на градот, јавните претпријатија и јавните установи, брзо транспарентно и достапно.

Со е – извод од ГУП секој извод од Генералниот урбанистички план ќе биде достапен дигитално со електронски потпис, скопјани ќе добијат една картичка со која ќе можат да ги плаќаат сите градски услуги јавен превоз, паркинг, билети за култура и спорт со попусти и бесплатни услуги за учениците, пензионерите, невработените и лицата со попреченост.

Ѓорѓиевски планира комплетна дигитализација на Советот на Град Скопје и јавните претпријатија кои ќе работат транспарентно и дигитално преку електронски седници на Советот и состаноците на Управните одбори, со електронски пристап до материјалите, гласање и дискусија со јавна достапност и на сите записници.

Сите средни и големи компании во Скопје ќе бидат обврзани да ангажираат најмалку еден млад вработен до 25 години за секои дваесет постојани вработувања, рече Ѓорѓиевски

Со посебни мерки, Ѓорѓиевски ќе ги задржува младите дома.

„Сакаме да изградиме град кој ќе им понуди шанса, простор и поддршка да растат и да создаваат овде во Скопје. Затоа ја воведуваме мерка која веќе даде одлични резултати во Кисела Вода, а тоа е ослободување од комуналии за млади брачни двојки. Младите брачни парови до 40 години, без друг имот, ќе добијат 100% ослободување од комуналии при изградба на куќа за домување. За општините што веќе донеле ваква одлука, како Општина Кисела Вода, ослободувањето ќе изнесува 100%, а за останатите општини 60 %, односно делот кој му припаѓа на Град Скопје“, рече Ѓорѓиевски.

Во програмата задолжително младинско вработување Ѓорѓевски предвидува обврска за сите средни и големи компании во Скопје да ангажираат најмалку еден млад вработен до 25 години за секои дваесет постојани вработувања.

„Оваа мерка се темели на успешни модели од земји како Германија и Холандија каде младинските квоти и стимулации за работодавачите резултирале со значително зголемување на вработеноста кај младите“, рече Ѓорѓиевски.

Тој денес промовираше младински центар за кариера кој ќе обезбедува менторство, обука и поврзување со работодавачи, најави проект за поддршка на млади занаетчии, субвенции за современа опрема на занаетчиите, дигитални уреди и технички алати, но и кампања „Учи занает, гради иднина“  за директна вклученост на локалните мајстори.

Ѓорѓиевски ќе го враќа и ноќниот живот во Скопје.

„Со цел враќање на ноќниот живот во Скопје ќе изградиме диско-зона со која ќе се создадат специјализирани зони за летни дискотеки и ноќни клубови, надвор од центарот на градот со цел намалување на метежот, бучавата и притисокот врз градското јадро овозможувајќи контролиран ноќен развој и ревитализација на периферијата“, вели Ѓорѓиевски.

Најави и дигитални станбени хабови, проектот „Паметно семејство“ кој ќе создаде станбени зони за млади брачни парови и повратници од странство со засилена социјална и дигитална инфраструктура и целосна дигитализација на пазарот на недвижности со што сите сите достапни станови и деловен простор ќе бидат јавно објавени на градскиот портал.