Спорт
Важни победи за Торонто и Њу Орлеанс (Видео)
Шест натпревари се одиграа во текот на изминатата ноќ во НБА лигата. Најинтересно беше во Њу Орлеанс и Торонто каде домашните тимови забележаа важни победи.
Пеликаните од Њу Орлеанс водат жестока борба за пласман во плејофот, а против Мемфис Гризлис ст…
![](https://makfax.com.mk/wp-content/uploads/2018/04/ce5b6d5dc1de723d43d82124bb0592ec.jpg)
![](https://makfax.com.mk/wp-content/uploads/2018/04/ce5b6d5dc1de723d43d82124bb0592ec.jpg)
Шест натпревари се одиграа во текот на изминатата ноќ во НБА-лигата. Најинтересно беше во Њу Орлеанс и Торонто, каде што домашните тимови забележаа важни победи.
Пеликаните од Њу Орлеанс водат жестока борба за пласман во плејофот, а против Мемфис Гризлис ставија крај на серијата од четири порази. Њу Орлеанс славеше над Мемфис 123:95 и ја запиша 44. победа во сезоната.
Пеликаните на осмата позиција сега имаат една победа повеќе од Денвер Нагетс.
Њу Орлеанс до победата го предводеше триото Дејвис-Мур-Миротиќ. Мур за 29 минути на теренот постигна 30 поени, Миротиќ уфрли 25, а Дејвис забележа 28 поени и 12 скока.
Торонто Репторс во дербито на Истокот ги победи Бостон Селтикс и се блиску до обезбедување на првата стартна позиција. Торонто победи 96:78, а најефикасен беше Дерозан со 16, односно Ванвилт и Ибака со по 15 поени.
Торонто има 56 победи, три повеќе од Бостон, и во првата рунда од плејофот ќе игра против Вашингтон или Милвоки.
ЛА Лејкерс, по дополнителните пет минути, го совлада Сан Антонио Спарс 122:112. Спарс со овој пораз дополнително си ја отежнаа положбата бидејќи сега има пораз помалку и две победи повеќе од Денвер.
Калдвел-Поуп постигна 21, а Фрај 19 поени за Лејкерси, а кај Сан Антонио се истакна Олдриџ со 28 коша и девет скока.
На другите натпревари Филаделфија победи во Детроит 115.108 и ја запиша 12. победа во низа, Орладо го совлада Далас 105:100, Атланта загуби од Мајами 86:115.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Спорт
Убиен е поранешниот светски шампион во скок во височина, по него се трагаше две недели
![](https://makfax.com.mk/wp-content/uploads/2024/07/zak.jpg)
Поранешниот светски шампион во скок во височина Жак Фрајтаг беше пронајден мртов во вторникот. Јужноафриканските медиуми објавија дека Фрајтаг, кој се водеше за исчезнат две недели, бил пронајден со прострелни рани.
Неговото тело е пронајдено во тревата во близина на гробишта во Преторија Западна, Јужна Африка, а полицијата го третира случајот како убиство, пренесува Ројтерс.
Фрајтаг ги освои светските првенства за млади, јуниори и сениори. На Светското првенство во Париз во 2003 година освои злато во скок во височина. Неговиот рекорд во кариерата беше 2,38 метри.
Спорт
Познати сите четвртфиналисти на ЕУРО 2024: старт во петок
![](https://makfax.com.mk/wp-content/uploads/2024/07/r.jpg)
Познати се сите четвртфиналисти на ЕУРО 2024. Тие се Германија, Шпанија, Португалија, Франција, Швајцарија, Англија, Холандија и Турција.
Швајцарците во саботата го елиминираа бранителот на титулата Италијанците, Германците го совладаа дуелот со Данците. И тоа беше првиот ден од нокаут фазата.
Во неделата Англичаните беа блиску до елиминација, но по продолжението ја елиминираа Словачка. Шпанците беа убедливи против Грузија.
Во понеделникот прво Французите ги победија Белгијците, а потоа Португалците ги елиминираа Словенците по вистинска драма и изведување пенали.
Еве ги комплетните резултати од осминафиналето и четвртфиналните двојки.
Осминафинале
29.06. Берлин: Швајцарија – Италија 2:0
29.06. Дортмунд: Германија – Данска 2:0
30.06. Гелзенкирхен: Англија – Словачка 2:1
30.06. Келн: Шпанија – Грузија 4:1
01.07. Дизелдорф: Франција – Белгија 1:0
01.07. Франкфурт: Португалија – Словенија 0:0 – пенали 3:0
02.07. Минхен: Холандија – Романија 3:0
02.07. (21.00) Лајпциг: Турција – Австрија 2:1
Четвртфинале
05.07. Штутгарт: Шпанија – Германија
05.07. Хамбург: Португалија – Франција
06.07. Дизелдорф: Англија – Швајцарија
06.07. Берлин: Холандија – Турција
Сè што се случува во Германија, следете на Топспорт.
Спорт
(Видео) Ед Ширан настапи пред фудбалерите на англиската репрезентација, коментарите се безмилосни
![](https://makfax.com.mk/wp-content/uploads/2024/07/ed-shiran.jpg)
Репрезентативците на Англија се подготвуваат за четвртфиналниот натпревар на Европското првенство против Швајцарија.
Откога ги поминаа Словаците во осмина-финалето, сега ја чекаат Швајцарија, која во осмина-финалето ја исфрли Италија. Герет Саутгејт изјави дека неговите играчи треба малку да се опуштат бидејќи резултатскиот притисок е преголем, па затоа организира концерт во репрезентативниот камп.
Така, Здружението се согласи, Ед Ширан, еден од најпознатите светски музичари, но и голем фан на англиската репрезентација, кој го следи целиот турнир од трибините, да одржи концерт. Коментарите на навивачите на англиската репрезентација на социјалните мрежи се брутални, тие масовно се потсмеваат на овој настан.
Jude Bellingham recording Ed Sheeran performing at the camp🤍 https://t.co/vsxxbBZ0ou pic.twitter.com/0gOODlQEyA
— Ria 🏴 (@itsjudithworld) July 2, 2024
„Герет Саутгејт е единствениот човек во светот кој мисли дека играчите ќе бидат мотивирани од музиката на Ед Ширан“.
„Ед Ширан е ужасен, но играчите на Англија не заслужија подобро со оглед на тоа колку лошо го играат ова Евро“,
„Ние страдавме до сега, сега вие страдајте“,
„Претеравте, тие не беа толку лоши, па да ги мачите“, се само некои од коментарите.