Македонија
Беса: Здравството во Македонија со хронична болест
Беса ги повикува Владата и здравствените институции да ги преземат потребни мерки за рехабилитација на здравствениот систем, со цел граѓаните да го реализираат своето право на квалитетна, ефективна и безбедна здравствена услуга. Без да се санираат овие рани на системот не може да очекуваме подобро здравје на граѓаните, изјави на прес-конференција пратеникот Реџеп Мемеди.
По повод Светскиот ден на здравјето, денот кога пред 70 години е основана СЗО и е донесен нејзиниот устав, Мемеди потсети дека целта е да на секој човек и на секоја заедница да се обезбеди пристап до здравствена услуга, која-меѓу другото – треба да биде квалитетна, ефективна, безбедна и финансиски поднослива за сите. „По овој повод ние-како политички субјект, но и јас како лекар сум тука да го поставиме прашањето каде е здравствениот систем во земјава во однос на овие принципи и стандарди на кои се повикува светското здравство? За жал, податоците се вознемирувачки : потешкотиите со кои се соочуваат граѓаните секој ден при користење на здравствени услуги и статистичките податоците за високата стапка на смртност на новороденчиња се показатели за алармантната состојба што владее во нашето здравство“, вели тој.
За Беса е вознемирувачки фактот дека стапката на смртност на новороденчиња, како показател за нивото на развој на здраватвото во една држава, двостручно го надминува просекот во Европа. Потоа недостатокот на лекови секој месец за хронично болните, присуството на фалсификувани лекови, според некои истражувања и до 40% од увезените лекови, но и лошите инфраструктурни услови во нашите болници како и долгите чекања на пациентите, некогаш и со месеци, за да дојдат до здравствена услуга, се доказ дека, со мали исклучоци, здравството во Македонија продолжува да биде неквалитетно и неефективно, дури слободно може да констатираме дека влегува во една критична фаза на хроницитет.
„д друга страна, поради непогодните услови за работа, загрижува и заминувањето на лекарите од земјата секоја година со растечки тренд, факт што дополнително го ослабува јавниот здравствен систем и го прави уште понесигурно здравјето на граѓаните. Поаѓајќи од ова, Движењето Беса смета дека- и покрај фалењето и убавиот и скап ПР што го прават властите- здравјето на луѓето треба да биде сериозно главен приоритет на државата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Денеска сончево и топло, промена на времето со пороен дожд и грмежи од први мај
Управата за хидрометеоролошки работи информира дека времето денеска ќе биде сончево и релативно топло со мала до умерена локална облачност. Ќе дува слаб до умерен ветер претежно од североисточен правец. Минималната температура ќе биде во интервал од 3 до 10, а максималната ќе достигне од 21 до 27 степени Целзиусови.
Во Скопје ќе биде сончево и релативно топло со мала облачност и со слаб североисточен ветер. Минималната температура ќе се спушти до 8, а максималната ќе достигне до 26 степени, велат од УХМР.
Стабилното и суво време, сепак, нема да се задржи долго. Веќе од средината на следната седмица, повторно се очекува дожд.
Промената на времето ќе започне уште во среда, на први мај, кога во попладневните часови ќе има услови за локална појава на краткотраен пороен дожд и ретки грмежи. Поголема нестабилност со дожд и чести грмежи се очекува во четврток.
Македонија
Апасиев од Тетово: Под власта на учките од ДУИ, поддржани од корумпираната македонска елита, секое второ дете од Полог се раѓа во Швајцарија
,,Етнотрибализмот ни го сервираат како европска вредност. Ние создадовме општество на квоти, коешто ни донесе секое второ дете од Полог да се раѓа во Италија, во Швајцарија или надвор од Македонија“, вели претседателот на Левица, Димитар Апасиев.
„Првиот концепт кој што ни го нудат е концептот на дејтонизација. Либанизација на Македонија, бејрутизација на Скопје. Тоа е нивната агенда, спонзорирана од западните амбасади. Ни понудија модел на бинационален грабеж.
Ние сме единствена земја во светот со еден Парламент и две Влади. Но помина времето кога Македонецот беше инфериорен во сопствената држава. Левица е принципиелно против Бадентер и против Балансер“, истакна претседателот на Левица, Димитар Апасиев.
Македонија
Мицкоски: СДСМ и ДУИ имаа две сценарија, прво, тивок бојкот за претседателските избори, второ, Ахмети добил бел лист од Ковачевски да напише што сака
Државата ни ја одземаа. Народот изгуби контрола над системот, институциите се киднапирани од стотина души на ДУИ кои управуваат со се. Додека тие од СДСМ им се верни слуги во секој криминал и тендер. И навистина е лицемерно од ДУИ и СДСМ да велат дека носеле храбри одлуки што е храброст да продадеш име, устав, да проблематизираш историја, и повторно да бидеш пред портите на ЕУ. Затоа што и тие од ЕУ знаат дека криминалци владеат со државата, рече Христијан Мицкоски, претседател на ВМРО-ДПМНЕ на вчерашниот митинг во Кочани.
Мицкоски укажа дека од СДСМ и ДУИ се подготвени на се за да ги задржат фотелјите и привилегиите.
„Затоа излезот го бараат во двете сценарија. Првото е тивкиот бојкот за претседателсите избори кој го заговараат. Додека се удираат во гради дека ќе згазеле во вториот круг, всушност тие сакаат да одработуват на тивок бојкот и спласнување на атмосферата на изборите. Второто сценарио е она на Ковачвски кој ја дал најдарежливата понуда до Али Ахмети. Ахмети има добиено бел лист на хартија од Ковачевски на кој само треба да ги напише институциите и министерствата кои сака да ги добие“, кажа Мицкоски.
Мицкоски порача дека излезот од сето ова е масовна излезност на изборите, како и масовна и недвосмилена поддршка за ВМРО-ДПМНЕ која е единствената сила за промени.
„Таа поддршка ни е потребна и за да нема уцени, ниту притисоци. Да имаме сила за промени, а таа сила можете само вие да ја дадете, народот на Македонија. Во првиот круг тука победата беше убедлива. 8079 гласа на 3900 за поранешнот претседател Пендаровски. Сега поддршката нека биде уште поголема за да може да жолтиот картон од првиот круг да биде црвен. Имаме незавршена работа, која ќе се финализира со огромна победа на 8 мај“, изјави Мицкоски.
Мицкоски се обрати и до неопределените, како и оние кои гласаа за кандидатите кои не се дел од вториот круг.
„Цунамито не огромниот бран на промени е започнат. Приклучете се и бидете дел од оваа генерација која одучува за сопствената иднина. Има надеж и ние заедно ќе се избориме. Сите оние кои пак во првиот круг гласаа за некој од другите опозициски кандидати кои сега се надвор од трката за претседател. Дојдете и поддржете ја единствената и главната сила за промени Гордана Силјановска Давкова и ВМРО-ДПМНЕ. Да не се ситнат промените. Приклучете се таму каде што е огромното мнозинство кое ја носи новата надеж за иднината на државата“, кажа Мицкоски.
Мицкиски на крајот им порача на граѓаните. „Ова не е Македонија што ја сакаш и ја заслужуваш. Овие избори се последна шанса за спас. Ширете ја пораката на промените. Тоа не се промени за освети не се промени за поделби. Тоа се промени во кои надежта го победува стравот. Заедништвото ги победува поделбите“.