Свет
Кина забрани Библијата да се купува преку интернет
Библијата исчезна од платформите за онлајн продажба во Кина, поради зголемената владина контрола врз религијата во земјата. Кина отсекогаш ја контролирала продажбата на Библијата, дозволувајќи да биде дистрибуирана и печатена само во црквите под контрола на државата, но во последниве години истата можеше да се набави и на онлајн платформите во земјата.
Меѓутоа, пукнатината на оваа практика што се појави на интернет сега е многу добро затворена. Имено, преку онлајн пребарување, корисниците од Кина не можат да пронајдат ниту една фирма која продава библии. Сепак и понатаму се достапни трудови за христијанството и Куранот. Два од најголемите доставувачи во Кина за Си-ен-ен рекле дека нивните купувачи и натаму ќе може да си набават примерок, но само преку директна порака на нивните интернет страници, а не преку јавна онлајн понуда.
Според новите одлуки на кинеската влада, религиите мора да се прилагодат на социјалистичкото општество.
Сара Кук, аналитичар на „Фридом хаус“ за Источна Азија, вели дека забраната е важен пример за тоа како цензурата се меша со ограничувањата на верските слободи.
„Чувствителните религиозни теми и групи се меѓу најцензурираните во Кина. Во нашето истражување, заклучивме дека кинеските власти интензивно ги користат технолошките методи за да ја контролираат религијата и на некој начин да ги казнат верниците. Тоа вклучува надзор и апсења на верници кои споделуваат информации на интернет“, истакнува Кук.
Религии кои ги признава кинеската влада се: кинески будизам, ислам, католицизам, протестанство и таоизам. Верските активности се надгледувани од страна на официјални државни организации, како што се Кинеската патриотска католичка црква и Будистичката асоцијација на Кина.
Според неодамна објавениот петгодишен план за христијанството во Кина, презентиран од страна на државната администрација за верски прашања, одржувањето на принципот на контрола и управување е важен поради понижувањата кои Кинезите ги трпеле низ историјата преку употребата на христијанството за колонизација и империјализам.
Во овој поглед важно е да се истакне дека кинските бискупи не ги поставува папата, што е клучно „јаболко на раздорот“ меѓу Пекинг и Светата Столица во Ватикан, од нарушувањето на односите во 1951 година.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Во Киев се урива споменик кој ја слави блискоста меѓу Русија и Украина
Властите на Киев во вторникот почнаа да го отстрануваат споменикот од советската ера што ја означува врската меѓу Русија и Украина, повеќе од две години откако Москва започна инвазија врз Украина.
Неколку дена ќе бидат потребни за целосно уривање на споменикот од црвен гранит, кој се состои од дваесетина поединечни елементи, соопшти градската управа.
Тоа е всушност група статуи кои прикажуваат украински Козаци кои го опкружуваат лидерот Богдан Хмелницки и московскиот амбасадор.
Статуите ќе бидат префрлени во воздухопловниот музеј.
Споменикот е изграден во 1982 година за да го одбележи „обединувањето на украинскиот народ со братскиот руски народ“ во 1654 година, кога Хмелницки склучил сојуз со рускиот император во борбата против полско-литванскиот сојуз.
Советските историски книги го романтизираа како почеток на нераскинливо пријателство меѓу Украина и Русија.
Свет
Трамп казнет со 9.000 долари
Помалку од седум месеци пред претседателските избори во ноември, на републиканскиот кандидат Доналд Трамп му се суди затоа што се обидел да го купи молкот на поранешната порно ѕвезда Сторми Даниелс неколку дена по изборите во 2016 година на кои ја победи демократската кандидатка Хилари Клинтон.
Судијата Хуан Мерчан рече дека Трамп е казнет со 9.000 долари поради кршење на забраната за коментирање на сведоци. Обвинителите го обвинија поранешниот претседател дека повеќе пати ја прекршил забраната за коментирање и побараа од судијата да го казни со 1.000 долари по прекршок, пишува Гардијан.
Според забраната, Трамп не смее да дава, или да наложува други да даваат јавни изјави за сведоците на судењето, обвинителите и членовите на судскиот персонал. Пред судењето, судијата Мерчан ја прошири оваа забрана за коментирање на членовите на семејството откако Трамп напиша објава за ќерката на Мерчан.
Трамп мора да отстрани седум навредливи објави од социјалната мрежа „Truth Social“ и две објави од неговата веб-страница на кампањата до 14:15 часот. „Го предупредуваме обвинетиот дека судот нема да толерира натамошно кршење на правните наредби и дека доколку е потребно и соодветно со оглед на околностите ќе биде осуден на затворска казна“, се вели во судската пресуда.
Европа
Белоруските спортисти одат на Олимписките игри, Лукашенко: Победете ги противниците
Белорускиот претседател Александар Лукашенко денеска им порача на белоруските спортисти кои учествуваат на Олимписките игри во Париз под неутрален статус „да ги победат своите противници“.
„Ако сте избрале и одите таму под неутрален статус, истепајте ги, покажете им дека сте вистински Белоруси“, рече Лукашенко во соопштението за печатот на претседателството.
За време на посетата на регионот Могилев во Белорусија, жителите го прашале Александар Лукашенко што мисли за ова учество под неутрален статус, се вели во извештајот објавен на веб-страницата на белоруското претседателство.
„Спортистот треба да избере. Доколку одлучи да учествува на Олимписките игри, ќе биде уште пожесток. Затоа што разбирате дека состојбата на умот и гневот не се од мала важност во спортот“, реагира Лукашенко. „Вие сте Белорусија и кога ќе излезете како победници, тоа е добар начин политички да ги удрите во лице“.
Лукашенко, кој е на власт од 1994 година, ги искорени сите форми на опозиција во неговата земја, потиснувајќи мирно масовно движење во 2020 година. Тој е навикнат и на широки изјави и испади, како на пример кога парадираше со калашников во раката пред демонстрантите кои се противат на неговото владеење, нарекувајќи ги „стаорци“. Во февруари 2022 година, тој ја отвори Белорусија за руската армија за да може да ја нападне Украина од север.
Белорусија беше исклучена како земја од Игрите поради нејзината поддршка за руската инвазија на Украина, а нејзините спортисти се натпреваруваат под неутрален статус, без химна, знаме или национални обележја.