Свет
Трамп за хемискиот напад во Сирија: „Имаме многу воени опции“
Американскиот претседател, Доналд Трамп, се сретна со воените команданти за можен воен одговор за наводниот хемиски напад во Сирија. Трамп се закани со насилство по наводниот хемиски напад.
„Не смееме да дозволиме злосторства какви што видовме, не смееме да дозволиме тоа да се случува во нашиот свет, особено поради моќта што ја имаат САД. Ние можеме да го спречиме тоа“, порача Трамп.
Според американскиот претседател, многу е јасно кој е одговорен за нападот.
„Имаме многу воени опции и многу брзо ќе ве известиме за тоа“, им рече Трамп на новинарите.
Претходно, американскиот претставник во ОН, Ники Хејли, порача дека Вашингтон е подготвен да дејствува и без дозвола од Обединетите нации.
Рускиот центар за помирување за Сирија соопшти дека руските и сириските воени трупи вчера го истражиле регионот на градот Дума, при што не нашле никакви траги од хемиски агенси, ниту пациенти во локалната болница со знаци од хемиско труење.
„Сите овие факти покажуваат дека никакво хемиско оружје не било употребено во градот Дума, како што беше тврдено од групата ‘Бели шлемови’, соопшти рускиот центар за помирување за Сирија мислејќи на контроверзната група која меѓу првите објавила за наводниот хемиски напад.
Според рускиот центар за помирување, објавувањето фотографии од наводниот хемиски напад во Дума е уште едно парче лажни вести.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Путин издаде наредба: Вооружените сили на Русија ќе вежбаат употреба на нуклеарно оружје
Владимир Путин му наредил на Генералштабот да се подготви за вежби за употреба на нестратешко нуклеарно оружје, соопшти Министерството за одбрана на Русија.
„Со цел да се зголеми подготвеноста на нестратешките нуклеарни сили за извршување на борбени задачи, Генералштабот започна со подготовки за одржување вежби со ракетните формации на Јужниот воен округ“, се наведува во соопштението.
Како што се посочува, маневрите ќе се одржат во блиска иднина и ќе ги опфатат и авијацијата и морнарицата.
„Целта на вежбата е да се одржи подготвеноста на персоналот и опремата на единиците за борбена употреба на нестратегиско нуклеарно оружје за одговор и обезбедување на територијалниот интегритет и суверенитет на државата“, наведуваат од Министерството.
Тие додаваат и дека тоа е „одговор на провокативните изјави и заканите на одредени западни функционери“ против Русија.
Свет
Израел почна да ги евакуира палестинските цивили од Рафа
Израелските вооружени сили почнаа да ги евакуираат палестинските цивили од Рафа пред заканувачкиот напад врз тој град на југот на Газа, објави израелското воено радио.
Според извештајот, евакуациите сега се концентрирани во неколку периферни квартови на Рафа, од кои се вели дека евакуираните лица се насочуваат кон градовите со шатори во блиските Кан Јунис и Ал Муваси.
Меѓутоа, во она што се чини дека е почеток на евакуација на цивили пред копнен напад, израелската армија ги повика Палестинците во источните делови на Рафах да се преселат во блиската „хуманитарна област“.
По седуммесечната офанзива против Хамас, Израел соопшти дека во Рафа се засолниле илјадници борци од палестинската исламистичка група и дека победата е невозможна без заземање на градот.
Со оглед на тоа што повеќе од еден милион раселени Палестинци се засолнети во Рафа, изгледите за операција со многу жртви ги загрижуваат западните сили и соседниот Египет.
Свет
Во Северна Кореја за првпат оваа година се положи заклетва на лојалност за роденденот на Ким Џонг Ун
За прв пат откако севернокорејскиот лидер Ким Џонг Ун ја презеде власта во 2011 година, од севернокорејските граѓани беше побарано да дадат заклетва за лојалност оваа година на неговиот роденден, соопшти јужнокорејскиот Институт за развој на југ и север (SAND) со седиште во Сеул.
Во петокот, институтот објави фотографии од текстот на заклетвата во папката, за која се верува дека е направена на 40-тиот роденден на Ким, 8 јануари, пренесува Ројтерс.
Северна Кореја никогаш официјално не го потврдила датумот на раѓање на Ким, а традиционално ваквите церемонии за заклетва се одржуваат на родендените на неговиот татко и дедо, претходни севернокорејски лидери.