Спорт
Суперкомпјутерот прогнозира триумф на Бразил во Русија
Бразил ќе ја освои титулата на Светското првенство во Русија пресметал суперкомјутерот во Англија. Овој суперкомпјутер веќе е тестиран на натпревари во Премиер лигата и Лигата на шампионите.
Според суперкомјутерот Бразил во финалето ќе ја победи Шпаниј…
Бразил ќе ја освои титулата на Светското првенство во Русија, пресметал суперкомјутерот во Англија. Овој суперкомпјутер веќе е тестиран на натпревари во Премиер лигата и Лигата на шампионите.
Според суперкомпјутерот, Бразил во финалето ќе ја победи Шпанија, откако претходно во полуфиналето Шпанците со 1:0 ќе ја победат Германија, а Бразил ќе биде подобар од Франција со 3:1.
Суперкопјутерот предвидува дека во осмина-финалето ќе има едно големо изненадување, а тоа е дека Египет ќе ја победи Португалија со 2:1. Осмина-финалната фаза според неговите пресметки нема да ја мине ниту Аргентина.
Победници и вторпласирани во групите:
Група А. Египет, Уругвај
Група Б: Шпанија, Портигалија
Група Ц: Франција, Перу
Група Д: Исланд, Аргентина
Група Е: Бразил, Србија
Група Ф: Германија-Мексико
Група Г: Белгија, Англија
Група Х: Полска, Колумбија
Осмина-финале:
Египет-Португалија 2:1
Франција-Аргентина 2:1 (продолженија)
Бразил-Мексико 3:0
Белгија-Колумбја 2:1
Шпанија-Уругвај 2:1
Исланд-Перу 1:0
Германија-Србија 3:1
Полска0Англија 1:2 (продолженија)
Четврт-финале:
Египет-Франција 1:3
Бразил-Белгија 2:2 (Бразил оди понатаму по изведувањето на пенали)
Шпанија-Исланд 4:1
Германија-Англија 3:2
Полу-финале:
Франција-Бразил 1:3
Шпанија-Германија 1:0
Финале:
Бразил-Шпанија 2:1
Светското првенство во Русија ќе се игра од 14 јуни до 15 јули на 12 стадиони.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Скандал во Подгорица – голманот на Будуќности нокаутира соиграч
Будуќност и Сутјеска ремизираа 2:2 во најголемото црногорско дерби. Натпреварот остана во сенка на инцидентот што се случи неколку минути по последниот свиреж на судијатај.
Играчите на Будуќност, по завршувањето на натпреварот застанаа пред северната трибина, беа на рапорт кај навивачите кои од нив побараа да ги соблечат дресовите.
Тогаш голманот Ѓорѓије Павличиќ го нокаутираше соиграчот Игор Ивановиќ.
Павличиќ потоа замина во соблекувалната.
Инаку, Будуќност е втор на табелата со 55 бодови, а Сутјеска е трета со два бода помалку. Дечиќ на четири кола пред крајот на првенството има три бода повеќе и подобар меѓусебен скор во однос на Будуќност.
Спорт
(Видео) Атлетико ја доби битката за Лигата на шампионите
Фудбалерите на Атлетико Мадрид на домашен терен го победија Атлетик Билбао со 3:1 во 33.коло на Ла Лига.
Дербиот на „Цивитас Метрополитано“ беше директна борба за последното место кое води во Лигата на шампионите, следната сезона, а до кое сега се поблиску „јорганџиите“.
Родриго Де Пол им донесе предност на домашните по 15 минути игра. Но првото полувреме мина во сенка на расистичкиот инцидент. Некој од трибините го навреди Нико Вилијамс, поради што натпреварот кратко беше прекинат.
Неколку минуит подцна, помладиот од браќата Вилиујамс го постигна израмнувачкиот гол. На голот му претходеше катастрофалната грешка на Гризмам.
Во продолжението, Анхел Кореа во 52.минута му ја пврати предноста на Атлетико. Аргентинецот погоди по брилијантната аситенција на Коке.
Од тој момент гостите ја презедоа иницијативата, но не успеаја да направат ништо сериозно пред голот на Облак.
Конечниот резултат беше поставен во 80.минута, по ударот на Лино топката од стативата се одби од раката на голманот Симон и заврши во голот.
Атлетико сега има шест бода повеќе од ривалот од Баскија.
Во следното коло двете екипи заминуваат на гости. Атлетико во Мајорка, а Билбао повотрно ќе допатува во Мадрид на дуел со Хетафе.
Спорт
(Видео) Челси на „Вила парк“ се врати од 0:2, ВАР му ја украде победата во 96.минута
Астон Вила и Челси ремизираа 2:2 во 35.коло во Премиер лигата. Вила имаше предност од 2:0, Челси се врати во вториот дел, а целосен пресврт не дозволи ВАР и судијата Крег Полсон.
Астон Вила ги надигра гостите од Лондон во првото полувреме и на паузата замина со предност од два гола. Марк Кукуреља во четвртата минута си постигна авто-гол, а Роџерс во 42. зголеми на 2:0.
Челзи не делуваше добро на теренот се до 62.минута кога Нони Мадуеке успеа да го намали резултатот.
Гостите израмнија во 81. минута, кога Конор Галагер, кој асистираше за првиот гол, брилијантно го погоди во подалечниот агол на Робин Олсен, кој влезе во игра на местото на Емилијан Мартинез.
До крајот на мечот Оли Воткинс имаше добра шанса пред голот на Петровиќ, но не беше прецизен.
Аксел Дисаси ја погоди мрежата на Олсон во 96.минута, но голот беше поништен по интервенцијата на ВАР, поради наводниот фаул на Беноа Бадијашил, кој асистираше за голот.
Вила остана на четвртото место на табелата со 67 бодови, седум повеќе од Тотенхем кој има дури три натпревари помалку.
Челзи е на деветтата позиција со 48 бодови, со само теоретски шанси да се вклучи во борбата за шестото место кое носи пласман во Конференциската лига.