Македонија
Кој гласаше на седницата за интерпелација на владата?
Вкупно 62 пратеници гласале „против“ изгласување недоверба на владата исто околу колку што гласаа за нејзиното формирање. 40 пратеници ја поддржале интерпелацијата, што е за еден пратеник помалку од оние 41 на ВМРО-ДПМНЕ кои ја поднесоа истата.

Пратеникот на ВМРО-ДПМНЕ, Благоја Деспотоски, иако во собраниските клупи, не гласаше „за“, ниту „против“ излгасувањето недоверба на владата. Три прататеници, односно, Нола Исмајлоска-Старова, Дафина Стојаноска и Никола Мицески не беа присутни во салата, заедно со пратеникот Крсто Мукоски кој сеуште е во куќен притвор. Од коалиционите партнери на ВМРО-ДПМНЕ, не беше присутна пратеничката Владанка Авировиќ од СПМ.
На пленарната седница не беше ниту пратеникот од редовите на ДУИ, Бранко Маноиловски, партија која е коалиционен партнер на СДСМ. Освен него, отсустуваа Горан Милевски и Лилјана Поповска, кои исто така се дел од коалициониот состав владеачката гарнитура.

Двајца пратеници од партијата Беса, Африм Гаши и Неџбедин Карамани не беа присутни на седницата за интерпелација, а пак нивниот трет член на партијата и народен избраник, Реџеп Мемеди, беше воздржан на гласањето. Слична е ситуацијата и со другите партии од албанскиот блок, односно ДПА, каде еден од пратениците, Мерал Узеири-Ферати беше воздржан, а пак другиот, Мендух Тачи, не присуствуваше на гласањето.
Иако пратеникот Зијадин Села за време на расправата најави дека неговата партија Алијанса за Албанците нема да гласа, сепак, неговиот сопартиец Весел Мемеди гласал против изласување недоверба на владата.
Вкупно гласале 104 пратеници. Интерпелацијата се гласаше во момент кога ќе се врши реконструкција во Владата, а се и водат преговори со неколку партии за окрупнување на мнозинството во Парламентот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Променливо облачно време со дожд за Божик, на планините снег
Времето денес променливо облачно со врнежи од дожд, кои локално ќе бидат пообилни (над 25 l/m²), особено попладне и во текот на ноќта.
На планините врнежите ќе бидат од снег. Ќе дува засилен ветер од јужен правец (над 60 km/h). Максималната температура ќе биде во интервал од 10 до 16 степени, јавува УХМР.
Во Скопје, променливо облачно со повремен дожд, особено кон крајот на денот и во текот на ноќта. Ќе дува умерен ветер од јужен правец. Максималната температура ќе достигне до 12 степени.
Македонија
Денеска е Божик – денот на христовото раѓање
Православните христијани во светот, во Македонија и црквите кои се раководат по Јулијанскиот календар денеска го слават Рождеството Христово – Божик. Во сите храмови на Македонската православна црква изутрината се одржуваат божикни литургии.
Божик е денот на Христовото раѓање според христијанската традиција. Тоа е втор најголем празник во христијанството, по Велигден. Денеска воедно завршува 40-дневниот пост и овој ден се прославува со богата трпеза со мрсни јадења.
Со Божик е поврзана и поговорката: „Пред Божик зад Божик кај да си, дома да си” што има двојно значење: за време на големиот празник треба да се биде во кругот на семејството и тука да се слушне и да се прослави радосната вест за раѓањето на Спасителот, но не е на одмет да се потсети дека во најстудениот период од годината, сепак најпријатно и најбезбедно е во сопствениот дом.
На Божик се оди во црква и се врши причестување со земање нафора и вино, кои ги симболизираат Исусовото тело и крв. По овој чин луѓето смеат да се омрсат. Се подготвува богата софра, на која скоро задолжително било свинското месо. На денот на Христовото раѓање, по одењето во црква луѓето се веселеле, играле и пееле среде село. Божик, според црковниот календар, се празнува три дена.
Вториот ден е Соборот на Света Богородица, а третиот е Свети Стефан првомаченик.Во некои краеви на овие празници, луѓето што го носат името Божидар, Божо, Бошко и сл. слават именден на Божик, а Стефан, Стојан, Стојче слават на Св.Стефан.
Од Божик почнуваат 12-те таканаречени некрстени или нечисти, погани денови, кои траат сè до пред Водици, денот кога Исус бил крстен. Се верува дека во овие денови се движат зли духови, караконџули, вампири, вештерки и сл. кои ги загрозуваат безбедноста и сигурноста на луѓето. Затоа од Божик до Водици, луѓето со себе носеле најразлични амајлии – апотропејски средства со кои се заштитувале од злите духови, како што се лук, пелин, сол.
Македонија
Следува променливо облачно време со повремени врнежи од дожд и снег
Времето утре ќе биде променливо облачно со врнежи од дожд, кои локално ќе бидат пообилни (над 25 l/m²), особено попладне и во текот на ноќта. На планините врнежите ќе бидат од снег. Ќе дува засилен ветер од јужен правец (над 60 km/h).
Минималната температура ќе биде во интервал од 7 до 12, а максималната ќе достигне од 10 до 17 степени.
Во Скопје, променливо облачно со повремен дожд, особено кон крајот на денот и во текот на ноќта. Ќе дува умерен ветер од јужен правец. Минималната температура ќе се спушти до 8, а максималната ќе достигне до 14 степени.
Времето во наредните денови
Под влијание на циклонска активност во следните денови времето ќе биде променливо облачно со повремени врнежи од дожд, а на планините од снег. Поради продор на постуден воздух и засилен северен ветер во четврток врнежите ќе преминуваат во снег на повисоките и во некои од пониските места.
На планините во западните делови ќе се формира нова снежна покривка, а помала покривка се очекува и во пониските места. Во петок ќе има преодно стабилизирање на времето, а во деновите од викендот, особено во сабота повторно ќе има локални врнежи од дожд и снег, кои наместа ќе бидат пообилни. Температурите ќе бидат во опаѓање.

