Бруно Кабокло одигра спектакуларно па Бразил извлече победа против Црна Гора во квалификациите за Олимпијада.

Она што ги интересираше новинарите по натпреварот е статусот на Кабокло во КК Партизан. Неговиот агент тврди дека Партизан му должи, а црно-белите дека Кабокло им должи?

„Мојот агент се занимава со ова и разговара со челниците на Партизан. Прашајте го него што ве интересира“, изјави Кабокло.

Како што пренесува израелски Вала Спорт, Макаби сериозно го „загриза“ за Бруно Кабоцл, но треба да се напомене дека во вторникот и официјално го доведоа Џејлен Хорд кој игра на истата позиција.

„Повторно велам, мора да го прашате мојот агент за тие работи бидејќи тој се занимава со нив. Макаби е добар тим, но не знам дали има вистина во тоа“, изјави Кабокло.

Останува да видиме каква ќе биде одлуката.

Поранешниот менаџер на Ливерпул, Јирген Клоп изјави дека Шпанија е фаворит за освојување на Европското првенство во Германија.

Британските медиуми пренесуваат дека германскиот стручњак ги коментирал и ги прогнозирал фаворитите на ЕП 2024.

Во овој момент ми се чини дека Шпанија може да оди до „крај“, изјавил Клоп.

Но, и Германија е добра. Франција исто така, а Англија дефинитивно ќе биде „подобра“ сепак ова е репрезентација со огромна фудбалска историја додава германскиот стручњак.

Шпанија в петок од 18 часот ќе игра во четвртфиналето на ЕП против Германија, а три часа подоцна ќе се сретнат Португалија и Франција.

Во сабота се играат преостанатите два дуела од четврт-финалето на Европското првенство а се среќаваат Англија – Швајцарија и Холандија – Турција.

Поранешниот светски шампион во скок во височина Жак Фрајтаг беше пронајден мртов во вторникот. Јужноафриканските медиуми објавија дека Фрајтаг, кој се водеше за исчезнат две недели, бил пронајден со прострелни рани.

Неговото тело е пронајдено во тревата во близина на гробишта во Преторија Западна, Јужна Африка, а полицијата го третира случајот како убиство, пренесува Ројтерс.

Фрајтаг ги освои светските првенства за млади, јуниори и сениори. На Светското првенство во Париз во 2003 година освои злато во скок во височина. Неговиот рекорд во кариерата беше 2,38 метри.