Македонија
ВМРО-ДПМНЕ: Водно ќе го загадуваат имотните граѓани
Шилегов со скапиот паркинг носи мафијашка мерка во корист на олигархијата, а еден викенд на Водно ќе чини колку сметка за вода, изјави Филип Ѓорѓиев од ВМРО-ДПМНЕ коментирајќи ги новите цени за паркингот на Средно Водно.
„Со одлуката на советниците на СДСМ во Градот Скопје и на градоначалникот Шилегов паркирањето на Средно Водно ќе чини 100 денари во првиот час, а секој нареден по 50 денари. Тоа значи дека еден викенд поминат во парк-шумата Водно Шилегов направи едно семејство да го чини колку просечна сметка за вода. Ова значи дека Средно Водно станува привилегија за богатите, а не за секој еден граѓанин. Ова е удар за стандардот на младите, но и за оние категории граѓани кои поради својата возраст или здравствена состојба мора да користат превоз за да ги користат придобивките на Водно“, смета ВМРО-ДПМНЕ.
Опозицијата коментира дека Шилегов претходно забрани движење на возилата на Средно Водно поради загадувањето, но сега за него не е проблем што ќе загадуваат возилата бидејќи со мерката за воведување платен паркинг загадувањето ќе биде само од поимотните граѓани.
„Бараме повлекување на оваа дискриминаторска и штетна мерка. Ветуваа живот за сите, а Шилегов воведе паркинг-можност само за богатите. Ова е мафијашка мерка за заштита на елитата и богатите“, смета ВМРО-ДПМНЕ.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Одлуки за учество на припадници на Армијата на вежби во Германија, Бугарија, Косово
Владата на денешната седница донесе и повеќе одлуки на предлог на Министерството за одбрана, меѓу кои и за испраќање на припадници на Армијата на Република Северна Македонија за учество на вежбата „BEYOND HORIZON 24“, во Република Бугарија, за испраќање на припадници на Армијата на Република Северна Македонија за учество во НАТО операцијата „КФОР“ во Република Косово и за испраќање на припадници на Армијата на Република Северна Македонија за учество на вежбата „Combined Resolve 24-2“ во Сојузна Република Германија.
Македонија
Личните документи ќе можат да се подигнат и в среда, извести МВР
Во пресрет на претстојните Претседателски и Парламентарни избори што ќе се одржат утре, Министерството за внатрешни работи ги известува граѓаните дека Одделот за граѓански работи, односно сите отсеци за управни работи на оваа организациона единица при МВР на 08.05.2024 ќе работат за издавање на лични документи со работно време од 08.00 до 19.00 часот.
„Исто така ги известуваме граѓаните дека сите барања за лични карти кои се поднесени до 03.05.2024 година, се веќе изготвени и граѓаните можат да ги подигнат“, соопшти МВР.
Македонија
Пронајдени три полуавтоматски пиштоли и 139 куршуми, ОЈО Велес отвори истрага за недозволено држење оружје
Основното јавно обвинителство Велес донесе Наредба за спроведување истражна постапка против едно лице за кривично дело – Неовластено изработување, држење, посредување и тргување со оружје или експлозивни материи од член 396 став 5 во врска со став 3 на Кривичниот законик.
„При претрес во домот на осомничениот во селото Мелница, општина Чашка, полицијата пронашла поголемо количество оружје и муниција – три полуавтоматски пиштоли и 139 куршуми со различен калибар. За осомничениот поднесен е предлог за определување мерка притвор“, соопшти Обвинителството.
ОЈО Велес продолжува да постапува и да презема дејствија за проверка на сомненијата за изборен поткуп во однос на овој осомничен и на уште едно лице во велешко кај кое во текот на вчерашниот ден беа извршени претреси, се додава во соопштението.