Македонија
(Видео) Ременски: Речиси сите закони се усогласени со опозицијата
Потпретсeдaтелката на СДСМ и пратеничка, Фросина Ременски, е задоволна од опозицијата и поддршката за изгласувањето на законите кои требало да имаат двотретинско мнозинство.
Околу најавите за проширување на парламентарното мнозинство, пратеничката Ремнески вели дека е убедена во негово зголемување до крајот на април. Таа додаде дека прашањето за проширувањето на мнозинството СДСМ не го гледа само од аспект на парламентарно мнозинство, туку и како добивање поддршка за донесување закони.
„Нашата намера да се усвојат законите со пошироко мнозинство се потврди дека е возможна. Ги донесовме законите кои се важни за евро-атлантскиот пат, а особено важни поради злоупотребата на системите за прислушкување. Законот за заштита на сведоци кој го бараше СЈО сега ќе ги подобри истрагите на ова обвинителство. Другите закони му даваат поголема надлежност на Собранието за увид во работата на овие служби“, вели Ременски потенцирајќи дека континуирано ги следеле забелешките на Прибе. Според неа, законските решенија ќе обезбедат сигурност за граѓаните без злоупотреба на приватноста.
Пакетот закони од судството, поради техничкото усогласување, Ременски вели дека ќе се донесат наредната недела.
„Ние ги разгледуваме сите опции за изборот и разрешувањето на јавниот обвинител, кои треба да се преточат во законски решенија бидејќи таму треба да има независност поради фактот што минатите години се покажа дека нема независни јавни обвинители, барем не оној обвинител кој го разрешивме неодамна. Зборуваме за гласовите кои ги добива јавниот обвинител, кои се исклучително малку. Собранието не е единствено место за дебата по оваа прашање бидејќи таа се одвива и во јавниот сектор и граѓанските организации. Бараме решение кое го очекуваат граѓаните“, рече Ременски.
Пратеничката вели дека 6 работни групи преговараат и завршиле дел од работата околу усогласувањето на законите, а, пак, консултациите преку јавни дебати Собранието ги преточило во амандмани кои биле усвоени во второ читење. Според неа, најголем дел од агендата е исполната, а динамиката за измени и надополнувања на законите ќе се утврди во следниот период бидејќи засега најважно било да се убеди ЕУ дека Македонија е решена да отвори консензуално решение за законите од реформскиот пакет.
„Имаме консензус по многу прашања и работиме на повеќе колосеци“, вели Ременски.
Пратеничката од редовите на СДСМ вели дека се преговара за законот за избор на Државна изборна комисија, а овие прашања не се решавале преку ноќ. Поради тоа, тие ќе го барале најдоброто можно решение. Како и да е, според Ременски, законот мора да биде донесен до крајот на годинава, без разлика дали ќе се работи по стариот или новиот модел. За изборот на Антикорупциска комисија, пак, тие сакаат тоа прашање да биде усогласено со опозицијата, меѓутоа стручната јаваност околу ова прашање барала и законот да претрпи измени бидејќи имало недоречени одредби во делот и начинот на назначување на антикорупционери.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Џафери: Северна Македонија, европска земја со европски вредности и стандарди за сите граѓани
Претседателот на Владата на Република Северна Македонија, денеска присуствуваше и се обрати на гала настанот со кој се одбележува отворањето на новата музичка сцена во Тетово, односно, основањето на најновата институција на Албанците, Националната установа Музички ансамбл на Република Северна Македонија – Тетово.
Основањето на оваа установа претставува реализација на долгогодишното барање на кадрите кои откако ќе завршеа факултет по музика, немаа каде да го продолжат својот професионален пат. Сега, во рамките на оваа установа во која ќе се негува и развива вокалната и инструменталната сериозна музика, како и популарната и џез музика, ќе можат да го негуваат и усовршуваат својот талент и својата пасија сите љубители на овој жанр, соопшти Владата.
Премиерот Џафери имаше свое поздравно обраќање на настанот и притоа, истакна дека „оваа национална културна институција ќе го збогати културниот живот во Тетово, меѓутоа и во земјата“.
Меѓу другото, пЏафери информираше за одлуката на владината седница на предлог на Министерството за култура со која на оваа установа и се доделуваат на трајно користење простории кои се сега во државна сопственост, и додаде дека – „со основањето на Музичкиот ансамбл, придонесуваме кон подобрувањето на демократската рамноправност во нашата заедничка држава, Република Северна Македонија и во оваа област од општествениот живот“.
Македонија
Лукаревска од Кочани: Сакале некои или не, СДСМ ќе биде запишан во историјата како организирана политичка сила која ја врати слободата и ја врати државата на вистинскиот пат
“На 8 мај само вие, со моќта на вашиот глас одлучувате во каква држава ќе живееме сите, ве повикувам на масовен одзив на двојните избори, на активно учество во креирањето на сопствената иднина бидејќи во демократијата најчесто гласовите на оние кои не излегуваат на гласање го одредуваат победникот. На дофат ни е членството во Европската унија, не дозволувајте да не тргнат од тој пат, алтернативата на тој пат е погубна за Македонија. И сакале некои или не, СДСМ ќе биде запишан во историјата како организирана политичка сила која ја врати слободата и ја врати државата на вистинскиот пат и да не забораваме дека секогаш најтешките битки ги водел СДСМ, од осамостојувањето до денес, рече вечерва во Кочани Сања Лукаревска, носителка на листа на СДСМ и Коалицијата за европска иднина во третата изборна единица.
СДСМ е одговорна, граѓанска, државотворна партија. Секогаш сме тука и за државата и за граѓаните и во добро и во лошо, тоа е патриотизам, како што е патриотизам да ја преземете одговорноста за тешките одлуки во тешки времиња, рече Лукаревска.
“ Немам намера да ги покривам или минимизирам нашите пропусти, не ги сокриваме под тепих и не ги подметнуваме на друг и никогаш не сме дозволиле државата да биде на коленици, никогаш. И во оваа изборна програма наш приоритет над приоритетите е стабилна, безбедна, сигурна и просперитетна Македонија чии граѓани ќе имаат предвидлива, спокојна иднина. Следете нè, не се откажуваме, тргнавме по патот на трпението, пат без насилство, со разум, со работа и дијалог до богата држава со задоволни граѓани и затоа на 8 мај, заедно, за број 1 и во Кочани и во третата изборна единица и во целата држава”.
Македонија
Ковачевски: СДСМ е обединета и силна партија, секогаш на браникот на татковината
Претседателот на Социјалдемократскиот Сојуз, Димитар Ковачевски, на вечерашниот митинг во Кочани им порача на присутните дека СДСМ е силна партија, која секогаш била на браникот на татковината, подготвена да се бори за граѓаните и иднината на државата.
„Оваа партија, на чело со Киро Глигоров, ја внесе Македонија во Обединетите нации. Со СДСМ, Македонија во 2005 стана земја – кандидат за членство во ЕУ. СДСМ, заедно со вас граѓаните го сруши режимот на ВМРО, режим кој 11 години ја блокираше нашата европска иднина. СДСМ и граѓаните се заслужни што Македонија стана рамноправна членка на НАТО, а СДСМ и коалиционите партнери се исто така единствено заслужни што Македонија пред 2 години ги започна преговорите со ЕУ. Сите овие беа тешки, но правилни одлуки за Македонија. Не се откажавме ни тогаш и нема да се откажеме и сега“, изјави Ковачевски.
Ковачевски вели дека тоа биле тешки, но правилни одлуки за Македонија и дека и сега како и тогаш, нема да се откажат од визијата за европска Македонија, со европски животен стандард, почитување на европските вредности и европските правила на игра.
„ Не се откажавме и во изминатите неколку години, за време на тешка здравствена, енергетска и економска криза, не ги оставивме граѓаните на цедило во ниту еден момент. Ниту еднаш. И покрај кризите ги зголемивме платите двојно, а пензиите за над 50%, ги заштитивме работните места, заштитивме 80.000 работни места во 20.000 компании во кои вие работите, обезбедивме 2,6 милијарди евра за антикризни мерки и ги заштитивме најранливите групи на граѓани. Не се откажуваме од Македонија во ЕУ! За тоа говори и тоа што нашиот план за европска Македонија е преточен во конкретна и остварлива програма“, вели Ковачевски.
Ковачевски додава и дека ќе работат на зголемување на платите и пензиите, на создавање на поволности на младите, но и дека планирааат рекордна помош за земјоделците, во висина од 1.35 милијарди евра.
„ Но има една работа која ја знаете и вие ја знам и јас а тоа е дека мора да има конечна и одлучна борба против злоупотребите, неправдите и системската корупција од која не можеме да кренеме глава повеќе од 30 години. И од тоа нема да отстапиме Или ќе воведеме ред, еднаквост и правда за секој подеднакво, без разлика дали е премиер, министер, пратеник, директор или обичен граѓанин. Или тоа или нема да нè биде! СДСМ е современа, прогресивна партија и единствена политичка сила која вистински може да ја однесе Македонија во Европската Унија“, порачува Ковачевски и додава дека Македонија мора да чекори по европскиот пат, затоа што тоа единствениот начин за суштински промени во државата.