Спорт
Пресметка на титаните во Минхен, Ливерпул против „волчицата“
Уште четири тима останаа во борбата за титулата во Лигата на шампионите. Покрај актуелниот шампион Реал Мадрид тука се минехенски Баерн, Ливерпул и Рома.
Тимовите што партиципираат во полу-финалето заедно имаат 22 титули во Купот или Лигата на шампиони…
![](https://makfax.com.mk/wp-content/uploads/2018/04/8e957de8d609d6dd9f2fbfe63ab9e764.jpg)
![](https://makfax.com.mk/wp-content/uploads/2018/04/8e957de8d609d6dd9f2fbfe63ab9e764.jpg)
Уште четири тима останаа во борбата за титулата во Лигата на шампионите. Покрај актуелниот шампион Реал Мадрид тука се минхенски Баерн, Ливерпул и Рома.
Тимовите што партиципираат во полуфиналето заедно имаат 22 титули во Купот или Лигата на шампионите.
Реал е најтрофеен во ова друштво, има 12 титули. Екипата од „Сантијаго Бернабеу“ е прва што го одбранила трофејот во новиот формат на Лигата на шампионите.
Баерн и Ливерпул освоиле по пет трофеи. Баварците последен пат победиле во 2013 година, а екипата од Енфилд во 2005 година. Рома нема трофеј во најпрестижното клупско натпреварување. За римскиот тим ова е најголемиот успех во Лигата на шампионите, доколку се изземе финалето во Купот на европските шампиони во 1984 година.
Амбасадорот на финалето, Андреј Шевченко, ги извлече полуфиналните двојки. Украинецот ги спои минхенски Баерн и мадридски Реал, односно Ливерпул и Рома.
Баерн и Реал и лани играа во оваа фаза, а понатаму мина „кралскиот клуб“ со вкупни 6:2. Овие ривали досега имаат одиграно 24 натпревари, два од нив завршиле нерешено, а тимовите имаат по 11 победи.
Ливерпул и Рома низ историјата се сретнале петпати. „Црвените“ се поуспешни со две победи, Рома славела еднаш, а две средби завршиле нерешено.
Полуфиналните пресметки се играат на 24/25 април, а реваните на 1/2 мај. Финалниот меч се игра на Олимпискиот стадион во Киев, Украина на 26 мај.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Спорт
Грузијците по враќањето во татковината пречекани како херои
![](https://makfax.com.mk/wp-content/uploads/2024/07/tibilisi.jpg)
Репрезентацијата на Грузија постигна историски успех на Европското фудбалско првенство во Германија.
Во нејзиниот прв настап на големо натпреварување по распадот на СССР, таа стигна до нокаут фазата каде што беше запрена од Шпанците. Тимот на Вили Сањоло на тој начин влезе во 16-те најдобри на континентот.
На стартот од групната фаза беа поразени со 3:1 од Турција, потоа ремизираа 1:1 против Чешка, а во последното коло победија со 2:0 против Португалија, која тогаш веќе го имаше обезбедено првото место.
Голманот Мамардашвили и офанзивците на Наполи и Мец Хвич Кварацхелија и Жорж Микаутадзе прикажаа одлични перформанси.
По враќањето во татковината беше организиран голем пречек во главниот град Тбилиси.
Улиците околу Плоштадот Слобода беа исполнети со илјадници обожаватели, а играчите беа пречекани на сцената од претседателот Саломе Зурабишвили и на секој од нив им беше доделен Орден на честа, една од највисоките цивилни почести во земјата.
Спорт
Црвено-белите со ново засилување
Милер Мекинтајер е поранешен играч на Партизан, а во меѓувреме се профилираше како еден од најдобрите надвор од теренот во Евролигата.
Го носеше дресот на Басконија, а сега црвено- белите дојдоа до неговиот потпис.
Американецот се споменуваше како ново засилување на црвено-белите по завршувањето на сезоната, а сега е јасно дека тие шпекулации не беа без основа.
Најдобриот асистент на Евролигата за сезоната 2023-2024 потпиша двегодишен договор и пристигнува по извонредната сезона во тимот на Басконија, во која стана еден од ретките играчи кои постигнале трипл дабл на еден натпревар од Евролигата.
Своите први сериозни кошаркарски чекори ги направи во познатата програма за кошаркарски колеџ Вејк Форест, но кариерата ја изгради главно во Европа.
Во кариерата настапуваше за Левен, Парма, Зенит од Санкт Петербург, Цедевита Олимпија, Партизан, Бург, Андора, Газиантеп…
Ќе биде огромно засилување на позицијата организатор на играта со Јаго Дос Сантос и Милош Теодосиќ.
Милер Мекинтајер минатата сезона одигра 39 натпревари во Евролигата, вклучувајќи ги плеј-офот и плеј-офот, со просек од 10 поени, 4 скока и 7,3 асистенции.
Тој е четвртото засилување на црвено-белите, по Урош Плавшиќ, Ајзеа Кенан и Мајк Даум, додека во клубот се врати и Никола Калиниќ, а договорите на Боломовој, Гедраитис, Јаго Дос Сантос, Милош Теодосиќ и капитенот на клубот и рекордерот Бранко Лазиќ се продолжени .
Спорт
Мистериозниот Бразилски кошаркар Бруно Кабокло
![](https://makfax.com.mk/wp-content/uploads/2024/07/cabolko.jpg)
Бруно Кабокло одигра спектакуларно па Бразил извлече победа против Црна Гора во квалификациите за Олимпијада.
Она што ги интересираше новинарите по натпреварот е статусот на Кабокло во КК Партизан. Неговиот агент тврди дека Партизан му должи, а црно-белите дека Кабокло им должи?
„Мојот агент се занимава со ова и разговара со челниците на Партизан. Прашајте го него што ве интересира“, изјави Кабокло.
Како што пренесува израелски Вала Спорт, Макаби сериозно го „загриза“ за Бруно Кабоцл, но треба да се напомене дека во вторникот и официјално го доведоа Џејлен Хорд кој игра на истата позиција.
„Повторно велам, мора да го прашате мојот агент за тие работи бидејќи тој се занимава со нив. Макаби е добар тим, но не знам дали има вистина во тоа“, изјави Кабокло.
Останува да видиме каква ќе биде одлуката.