Свет
Коми: Можно е Русите да имаат компромитирачки информации за Трамп
Ако претседателот Доналд Трамп се обиде да го отпушти специјалниот советник Роберт Милер, тоа би значело сериозен напад врз владеењето на правото, предупреди поранешниот директор на ФБИ, Џејмс Коми, во интервју за „Еј-би-си њуз“.
„Се надевам дека ќе предизвика алармни ѕвона оти ова е неговиот најсериозен напад на владеењето на правото. Тоа би било нешто што е повисоко од сите нормални борби за политика“, изјави Коми.
Инаку, Милер го испитува мешањето на Русија во изборите во 2016 година и сите можни врски меѓу соработниците на кампањата на Трамп и Русија. Трамп во неколку наврати ја нарече истрагата лов на вештерки и негира каква било поврзаност.
Коми нагласи и дека е возможно Русите да имале информација за Трамп, која ја користеле за да го компромитираат.
„Мислам дека е можно, не знам. Би сакал да не го кажувам ова, но тоа е вистината. Секогаш ме погодува тоа…“.
Според Коми, Трамп е морално неспособен за да биде претседател и тврди дека постојат некои докази за попречување на правдата од страна на Трамп.
Ова е прво интервју на Коми откако Трамп го отпушти минатата година. Исто така, започнува промотивна турнеја со која поранешниот директор на ФБИ се обидува да ја промовира својата нова книга „Висока лојалност“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Убиство и самоубиство во Бјеловар, Хрватска
Во Бјеловар, Хрватска во семејна куќа се пронајдени две починати и едно тешко повредено лице, кое е префрлено во болница. Најверојатно се работи за насилна смрт, а според неофицијални информации, мажот ја убил мајката на неговата жена, а се обидел да ја убие и сопругата која е тешко повредена.
Напаѓачот, според првичните инфрормации се самоубил.
Хрватската полиција засега не ги потврдува неофицијалните информации дека се работи за убиство и самоубиство.
Полицијата дојавата ја добила околу 10 часот, а на местото се врши увид.
Европа
Премиерот Фицо уште е во животна опасност, напаѓачот призна вина
Осомничениот за нападот врз словенечкиот премиер Јурај Цинтула денеска пред Специјализираниот кривичен суд во градот Пежинок призна вина. Состојбата на премиерот Фицо и понатаму е сериозна.
Обвинителството вчера побара притвор за 71-годишниот Цинтула поради евентуално бегство или повторување на кривичното дело. Напаѓачот беше спроведен под силно полициско обезбедување, а ниту на новинарите им беше дозволен влез во Судот.
Премиерот на Словачка, Роберт Фицо на 15 мај беше застрелан во градот Хандалова додека се поздравуваше со насобраниот народ. Цинтула веднаш по нападот е приведен.
Тој се соочува со обвинение за обид за убиство од одмазда, за што е предвидена казна од 25 години до доживотен затвор.
Словачките политичари изјавија дека нападот врз Фицо не е политички мотивиран.
Свет
Русија нема сила повторно да го нападне Киев, изјави Зеленски за АФП
Претседателот на Украина, Володимир Зеленски во интервју за Агенцијата Франс прес (АФП) изјави дека не верува оти Русија има сила повторно да го нападне Киев.
Тие немаат сила за голема офанзива против главниот град, како што имаа на почетокот на инвазијата, посочи Зеленски додавајќи оти главни цели на Кремљ се Харков и Донбас.
Тој ги обвини западните земји што му забраниле да ја нападне Русија со нивното оружје.
„Русите можат да не нападнат на наша територија, тоа е најголемата предност што ја има Русија, но ние не можеме да направиме ништо со западното оружје на нивните вооружени системи лоцирани на руска територија. Немаме право“, вели Зеленски.
Според него, Западот се плаши и од руски и од украински пораз и оваа ситуација ја нарече апсурдна.
„Ние сме во апсурдна ситуација кога Западот се плаши дека Русија ќе ја изгуби војната. А во исто време тие не сакаат Украина да ја изгуби. Затоа што конечната победа на Украина ќе доведе до пораз на Русија и конечна победата на Русија ќе доведе до пораз на Украина“, истакна Зеленски.