Спорт
Арсен Венгер си оди од Арсенал
Менаџерот на Арсенал, Арсен Венгер, рекол дека на крајот од оваа сезона ќе ја напушти клупата на лондонскиот тим, објавија британскиот сервис Би-би-си. Венгер има валиден договор со клубот и за наредната сезона, меѓутоа решил по 22 години да го напушти…


Менаџерот на Арсенал, Арсен Венгер, рекол дека на крајот од оваа сезона ќе ја напушти клупата на лондонскиот тим, објави британскиот сервис Би-би-си. Венгер има валиден договор со клубот и за наредната сезона, меѓутоа решил по 22 години да го напушти Арсенал.
Францускиот тренер во Арсенал е од 1 октомври 1986 година и во моментот е менаџер со најлдог стаж во Премиер лигата. Од клупата го предводел тимот на 823 натпревари.
„Внимателно ја разгледав ситуацијата, а по консултациите со луѓето во клубот, почувствував дека е вистинско време да се повлечам. Благодарен сум што ја имав привилегијата толку години да му служам на овој клуб. Екипата ја водев со целосна посветеност и интегритет. Сакам да им се заблагодарам на играчите, стручниот штаб, директорите и навивачите. Поради нив клубот е толку голем“, рекол 68-годишниот тренер.
Венгер со Арсенал освоил три триули во Премиер лигата, последната во далечната 2004 година, односно седум титули во ФА-купот и Комјунити шилд (Суперкуп на Англија).
Навивачите веќе неколку сезони се незадоволни од неговата работа, а незадоволството кулминира по завршувањето на минатата сезона кога Арсенал не успеа да избори пласман во Лигата на шампионите.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Шпански медиуми: Родриго сам одлучил да не игра против Барселона

Навивачите на Реал Мадрид беа изненадени што Виктор Муњоз, 21-годишник кој вчера дебитираше за Реал Мадрид, беше испратен на теренот во финалето на Ел Класико. Шпанските медиуми објавуваат дека на навивачите не им било јасно како му е дадена предност во однос на Родриго.
Бразилецот, крилниот напаѓач на тимот вреден 100 милиони евра, остана на клупата во текот на целиот натпревар. Оваа сезона, Карло Анчелоти го стави Родриго во 50 натпревари на кои даде 13 гола и имаше 10 асистенции. Во последните денови се појави информација дека Родриго би можел да го напушти Реал и дека Манчестер Сити е заинтересиран за него. Денес шпанските медиуми пишуваат дека одлуката да не игра на натпреварот против Барса (Каталонците победија со 4:3) ја донел самиот.
Во саботата, дури ни 24 часа пред натпреварот, Анчелоти изјави дека Родриго е подготвен, дека добро тренира и дека е во комбинациите за дербито. „Постои опција тој да биде во почетните единаесет“, рече италијанскиот стручњак.
По натпреварот, тој објасни зошто Родриго не добил минутажа: „Тој се опорави, но не се чувствуваше добро. Да го ставите во игра шест или седум минути, само ќе се зголемат шансите да се повреди.“
Според некои шпански медиуми, одлуката да не игра во Ел Класико била одлука на играчот. Тој му рекол на Анчелоти дека чувствува дека нема доволно енергија за натпреварот, но и дека не се чувствува ментално подготвен за него.
Спорт
Иџе пак на пијадестал, трето место на Рампа да Фалпера

Игор Стефановски Иџе изминатиов викенд повторно на пиедестал. На последната тркка во ФИА Европскиот шампионат на ридски патеки (еHC), патеката Рампа Да Фалпера во Португалија, Иџе го освои третото место.
Изминатиот викенд Иџе повторно на пиедестал. Го освои третото место на третата трка од ФИА Европскиот шампионат на ридски патеки (еHC), возејќи на патеката Рампа Да Фалепра во португалската Брага. Трката се возеше во исклучително тешки услови поради дождливото време, што придонесе за бројни незгоди и прекини. Условите придонесоа оваа трка да биде предизвик и за најдобрите автомобилисти од Европа.
„Не можам да бидам незадоволен со освоеното трето место на оваа патека и тоа во условите во кои се возеше, особено затоа што бевме во борба со автомобили на погон со сите 4 тркала. Иако постигнав најдобро второ време во второто возење, збирниот резултат од двете трки, ми го донесе третото место. Морав да се задоволам со третата позиција на подиумот. Горд сум што сум најдобро пласираниот автомобилест во ГТ класата за португалскиот шампионат, во кој возат докажаните португалски автомобилисти. Благодарност до мојот тим, како и тимот и инженерите на Ферари за нивната поржтвуваност во оваа трка, што придонесе мојот автомобил да биде подготвен за овие екстремно тешки услови. Од Португалија, продолжуваме во Шпанија, каде за пет дена не очекува следната трка“- изјави Стефановски.
Стефановски и годинава се трка со автомобилскиот ѕвер од Ферари 488 B8, специјално дизајниран за овие патеки.
Спорт
Јуниорите на ШК Алкалоид импресионираа на државното Екипно првенство во шах

Три екипи од Младинската шаховска школа на „Алкалоид“ станаа државни прваци на Екипното младинско првенство за 2025 година, кое заврши вчера во Скопје.
Импонира тоа што трите титули се освоени во сите највисоки старосни категории, односно за јуниори до 18 години (ЖФМ Моника Жежовска, Никола Павлески, Стефан Мелник, Никола Бошковски и Михаил Маркушески), за јуниори до 16 години (Кирил Николовски, Андреј Иванов, Никола Радоњанин, Петар Ачкоски и Лука Ѓоргиев) и за јуниори до 14 години (Благоја Миновски, Андреј Божиновски, Славен Блажевски, Стилијан Стојковски, Александар Аврамовски, Јована Котушевска). Многу малку недостигаше во оваа група да се најдат и јуниорите до 12 години (Илијана Велева, Лука Симоноски, Марко Стојановиќ, Матеј Диванисов и Марко Кметовиќ-Младеновиќ), кои се најдоа на делба на првото место, речиси сосема изедначено, а титулата беше одлучена дури по четвртиот тај-брејк критериум.
– Турнирот за играчи до 18 години беше исклучително квалитетен, особено за македонски услови. Квалитетот беше сконцентриран во неколку клубови и имаше интересни партии кои заслужуваат да бидат и повторно разгледани, бидејќи беше демонстрирана зрела игра, особено од талентите на клубовите надвор од Скопје, кои дадоа неверојатно силен отпор против фаворитите. За првпат имав можност да бидам капитен на екипата во оваа старосна категорија и бев позитивно изненаден од изедначеноста, како и од зрелоста во играта, особено на првата табла. На турнирот до 12 години беше подеднакво возбудливо. На оваа возраст веќе распознаваме кои се оние кои можат да бидат идната македонска гордост во светот на шахот, се насетуваат идните мајстори и добро е што беше демонстрирано „фајтерство“, кое ќе ги стимулира да продолжат и да се развиваат во светот на квалитетниот шах – рече ВМ Влатко Богдановски, кој беше еден од капитените на јуниорските тимови.
– На екипните натпреварувања не е чест случај да се видат такви посветени, борбени и фокусирани јуниори, а овојпат заслужија честитки затоа што го дадоа својт максимум. Беа присутни од првиот до последниот момент и покажаа дека со работа и со труд и чудата се можни, што би важело за турнирот до 14 години, на кој нашите јуниори немаа фаворитски статус, но покажаа карактер и стигнаа до пехарот за првото место – додаде ИМ Дејан Стојановски, тренер посебно задолжен за јуниорскиот шах во клубот.
Дополнително, и екипата на ШК Алкалоид до 10 години го освои второто место, а девојчињата до 10 години третото место.
Со долгогодишната работа во шаховските школи, ШК Алкалоид ја потврдува својата посветеност на младинскот шах, а со континуираната и систематска работа, со наставата насочена кон постојан развој на најталентираните млади играчи, со градењето позитивен тимски дух и со вложувањето во најдобрите македонски шахисти како тренери, кои преку групни и индивидуални часови се фокусирани на издигнувањето на новите македонски шаховски таленти, се дојде до овие успеси, кои даваат индикации дека се оди по вистинскиот пат.
ПР