Свет
(Видео) Се обновува џамијата во Мосул во која ИД го прогласи калифатот, а потоа ја уништи
Обединетите Арапски Емирати и Ирак во понеделникот почнаа со реконструкција на џамијата Ал-Нури во Мосул и нејзиното закосено минаре, кои претрпеа сериозни штети во борбата за протерување на џихадистите од градот.
На церемонијата во Националниот музеј во Багдад министерката за култура на Обединетите Арапски Емирати, Нура ал-Каби, објави дека нејзината земја ќе го финансира работењето на обновата со средства во висина од 50,4 милиони долари.
Познатата џамија Ал-Нури и нејзиното закосено минаре кои датираат од 12 век беа уништени во јуни 2017 година, а ирачката армија ја обвини Исламска држава, која наводно во објектот поставила експлозив.
Токму во оваа џамија самопрогласениот калиф на ИД, Абу Бакр ал-Багдади, кој и натаму е на непозната локација, во 2014 година единствен пат се појави во јавноста.
Министерката на ОАЕ ја повика меѓународната заедница да се вклучи во заштитата на вредностите кои припаѓаат на светското наследство, особено оние во арапскиот регион, на местата на конфликти, војни и тероризам.
Џамијата ал-Нури името го има добиено по Нуредин ал-Зинкиј, обединувачот на Сирија кој во еден период владеел со Мосул и ја наредил нејзината изградба во 1172 година. Подоцна таа била урната и реконструирана во 1942 година.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Во поплавите во Бразил загинаа осум лица, а 21 се исчезнати
Осум лица загинаа, а 21 се водат како исчезнати во поплавите предизвикани од обилните дождови во државата Рио Гранде до Сул во јужен Бразил.
Над 1.400 жители се раселени поради невремето што доведе до пораст на нивото на водата и поплави во 104 општини, пренесува Ројтерс.
Гувернерот Едуардо Леите изјави дека државата работи на пронаоѓање на исчезнати лица и за обезбедување на безбедноста на оние во загрозените области.
Свет
Лидерот на ИСИС убиен во операција во пограничниот регион на Мали
Водачот на една од групите поврзани со Исламската држава, Абу Худајфа, е убиен во операција во пограничниот регион кој опфаќа делови од Мали, Буркина Фасо и Нигер.
Неутрализацијата на терористичкиот функционер беше извршена за време на голема операција во Липтак, триграничен регион кој опфаќа делови од Мали, Буркина Фасо и Нигер, соопштија властите на Мали.
Во соопштението се потсетува дека лидер на ИСИС учествувал во нападот на Нигер во 2017 година, што резултираше со убиство на четири американски Зелени беретки и четворица нигериски војници, вклучително и еден преведувач.
Свет
Евакуирани туристи во Кенија поради поплави, 170 загинати од март
Туристи беа евакуирани од десетици хотели, апартмани и кампови откако пукнаа браните во Националниот резерват Масаи Мара поради поплавите во кои загинаа повеќе од 170 луѓе низ Кенија од почетокот на сезоната на дождови во средината на март.
Црвениот крст на Кенија соопшти дека спасил 61 лице од резерватот, кој е популарна туристичка дестинација за годишната миграција на диви пчели од Серенгети во Танзанија, пренесува Асошиетед прес.
Метеоролошкиот оддел на Кенија предупреди дека ќе очекуваат нови дождови оваа недела, откако во понеделникот пукна брана во градот Маи Махи во округот Накуру, при што загинаа 48 луѓе, а над 80 се водат како исчезнати.