76-годишниот В.М. бил тешко повреден додека се движеч со електрична инвалидска количка, а во него удрил автомобил

„На 07.03.2025 година, околу 10.05 часот, во Полициската станица Радовиш било пријавено дека на крстосницата на булеварот „Александар Македонски” со улицата „Чеде Филиповски Даме” во Радовиш, 76-годишниот В.М. од Радовиш, додека се движел со електрична инвалидска количка, бил удрен од патничко возило „Опел” со радовишки регистарски ознаки, управувано од Ј.А. (48) од село Коџалија“, велат од МВР.

Во несреќата, В.М. се здобил со тешки телесни повреди, кои биле потврдени во Клиничката болница Штип. Извршен бил увид од увидна екипа на ОВР Радовиш.

18-годишниот Е.Е. од прилепското село Дебреште, управувајќи патничко возило „мерцедес“ на регионалниот пат Прилеп – Македонски Брод, излетал од патот на локацијата позната како „Дебрешки мост“. Несреќата се случила на синоќа во 22:50 часот, при што и Е.Е. и неговиот 16-годишен сопатник се здобиле со сериозни повреди.

„Во моментот на несреќата, возачот Е.Е. бил сериозно повреден, а неговиот сопатник исто така претрпел телесни повреди. Првата медицинска помош беше дадена во Градската општа болница Прилеп, по што возачот беше пренесен во Комплекс клиники Мајка Тереза во Скопје. Истражните органи продолжуваат со работата, а увидот е завршен“, велат од полицијата.

Надлежното Јавно обвинителство е известено за несреќата, а увидот е извршен од увидна екипа на ОВР Прилеп.

Полицијата продолжува со истражата и апелира до сите учесници во сообраќајот да ја почитуваат сообраќајната сигурност за да се избегнат трагични настани.

Основното јавно обвинителство во Скопје го истражува случајот на изнуда што се случил на 29 јануари, кога двајца осомничени, еден од нив бил 33-годишен скопјанец, се обиделе да принудат стоматолог да им исплати 5.000 евра.

Според информациите од обвинителството, осомничените дошле во ординацијата на стоматологот по закажан термин и извршиле сериозна закана за да го уценат лекарот.

„Осомничениот му покажал на стоматологот видео клип со наводно компромитирачка содржина и побарал 5.000 евра за да не го објави видеото. Во моментот кога стоматологот започнал да го снима разговорот, осомничениот го забележал и му го одзел телефонот, ја избришал снимката и го натерал стоматологот да излезат од ординацијата“, велат од обвинителството.

Во соопштението се додава дека напаѓачите се обиделе насилно да го внесат стоматологот во автомобил, но тој се одбранил и избегал од нив. Осомничените, по заканата дека стоматологот ќе мора да плати дополнително поради снимката, побегнале во непознат правец.

„Поради сериозноста на настанот, јавниот обвинител предложи да се одредат мерки на претпазливост за првиот осомничен, како што се привремено одземање на патната исправа, забрана за приближување или контакт со оштетениот и обврска да се јавува на надлежен орган“, додаваат обвинителството.

Тековно се преземаат мерки за откривање на идентитетот на вториот осомничен.