Македонија
„Тотал инженеринг“: Мицкоски лаже, механизацијата не беше ангажирана во ниту една постапка на РЕК „Битола“
Компанијата „Тотал инженеринг“ тврди дека нејзина механизација не била ангажирана во ниту една постапка на РЕК „Битола“ или во која било државна институција.
„Во врска со изнесените лаги од страна на Христијан Мицкоски, кои се однесуваат на наводна работа на механизација која е сопственост на ‘Тотал инженеринг’ во РЕК ‘Битола’, ја известуваме јавноста дека единствената вистина е следнава: ‘Тотал инженеринг’, водејќи се од принципиелни и објективни причини и со цел да оневозможи каков било конфликт на интерес при својата работа, неодамна изврши продажба на севкупната механизација (камиони, багери, валјаци, булдожери и друго). ‘Тотал инженеринг’ нема никаков деловен однос со компанијата која Мицкоски ја наведува, во обид да конструира непостоечки лажен случај. Затоа, уште еднаш потенцираме дека механизацијата на ‘Тотал инжинеринг’, ниту пред продажбата, ниту по тоа, не била и не е ангажирана во ниту една постапка во РЕК или во која било друга државна институција“, се вели во реакцијата на „Тотал инженеринг“.
Од компанијата велат дека лажните обвинувања на Мицкоски се низок, непромислен и неуспешен обид на неговата партија да го извалка името на премиерот, неговите роднини и компанијата „Тотал“.
Тие најавија судска постапка против Мицкоски, а во меѓувреме упатија повик до обвинителството и финансиската полиција, но и сите невладини организации кои се занимаваат со отчетност и транспарентност, да ги истражат детално обвинувањата на Мицкоски и јавно да се произнесат дали „Тотал“ има каква било индиректна или директна релација со евентуални тендери во државни или јавни институции.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Скопје
Пронајдено лице пријавено за изгубено на Водно
Регионалниот Центар за управување со кризи – Скопје информира дека на бројот 112, вчера во 15:23 часот била добиена пријава за изгубено лице во Парк – шумата Водно.
Веднаш биле известени надлежните за нивна понатамошна постапка, по што лицето било пронајдено за околу еден час.
– Од полициската станица – Карпош во 16:34 часот во ЦУК, добиена е информација дека лице од Водно е на пат за градот, пишува во денешното соопштение на Центарот за управување со кризи.
Македонија
Почина таткото на Тоше Проески
Почина Никола Проески – татко на музичарот Тоше.
Веста за неговата смрт на социјалните мрежи ја објави Дора, неговата ќерка.
„Светол патот, татко мој“, напиша таа.
Музичарот Тоше Проески загина пред 16 години во сообраќајна несреќа во Хрватска. Неговите родители, по смртта на синот, не се појавуваа во јавноста.
Македонија
ВМРО-ДПМНЕ ветува изградба на магистрален гасовод од Свети Николе до Велес
За Свети Николе предвидуваме изградба на магистрален гасовод до Велес, реконструкција и проширување на патот до Пробиштип, реконструкција и проширување на градинката „Рахилка Гонева“ и нови 8 милиони евра за општината Свети Николе, изјави Драган Ковачки, носител на третата изборна единица од ВМРО-ДПМНЕ.
„Почитувани граѓани, за земјоделците од овој крај, вклучително и за сите земјоделци, предвидуваме 800 милиони евра коишто ќе бидат директна поддршка за земјоделците, за навремени субвенции, за чистење на водоснабдителните системи. Нашите земјоделци заслужуваат подобар живот. Нашите граѓани заслужуваат подобар живот“, рече Ковачки.
Повика на излезност на изборите на 8 мај.