Огромен удар за Интер Мајами пред решавачкиот трет натпревар од плејофот на МЛС против Нешвил. Нивниот клучен напаѓач, Луис Суарез, е суспендиран за натпреварот во сабота, каде што е во прашање целата сезона.

Уругвајската ѕвезда доби суспензија, бидејќи удрил противнички играч без топка во вториот меч од серијата. Жалбата на клубот од Мајами на суспензијата од еден натпревар беше одбиена.

Суспензијата беше поради инцидент во 71-та минута во поразот на Интер Мајами со 2:1 во реваншот од плејофот.

Суарез го удири играчот на Нешвил, Енди Нахар, во момент кога топката беше далеку од нив.

Иако судијата на теренот не досуди фаул, Дисциплинската комисија на МЛС последователно ја прегледа снимката и му изрече на Суарез суспензија од еден натпревар.

Luis Suarez will be suspended for the final game of the MLS Cup Playoff Round One series against Nashville SC on Saturday, sources confirmed to ESPN's @lizzy_becherano. pic.twitter.com/bGzE6FMPIK

— ESPN FC (@ESPNFC) November 5, 2025

Фудбалерите на Аталанта славеа со 1:0 на гостински терен против Марсеј во 4. коло од Лигата на шампионите. Голот за победа го постигна Лазар Самарџиќ во 90. минута од натпреварот, само пет минути откако Иван Јуриќ го крена од клупата и го испрати на теренот.

Покрај моментот во 90.минута, дуелот го обележа и вербалниот судир меѓу тренерот Јуриќ и Адемола Лукман во 75.минута.

Камерите го снимија моментот кога Лукман го напушти теренот. Во моментите кога Јунус Мусах, Адемола Лукман му дофрли нешто на тренерот Јуриќ додека одеше кон клупата. Хрватскиот тренер го фати за рака и му рече нешто, а понатамошната дискусија беше прекината од членови на стручниот штаб на тимот на Аталанта.

Clima sereno na Atalanta: Juric, conhecido por ser um brigão, discutiu forte com Lookman à beira do gramado. pic.twitter.com/w46tgDucYt

— Calciopédia (@calciopedia) November 5, 2025

„Скај Спорт Италија“, објави дека расправијата помеѓу нигерискиот фудбалер и Јуриќ продолжила и по натпреварот, кога Аталанта ја славеше победата.

„Тоа е вообичаена работа, го коментираме секоја недела. Неодамна, истото се случи кога Кевин де Брујне беше заменет во Наполи. Има играчи кои не се задоволни кога мора да одат на клупата пред крајот на натпреварот, а потоа не реагираат добро. Со вакви работи се справуваме во соблекувалната“, рече Јуриќ.

Фуриозниот финиш на ЛА Лејкерс против Сан Антонио Спарс и првиот пораз на Оклахома сити Тандер, покрај феноменалната партија на Никола Јокиќ против Мајами Хит, ги обележаа натпреварите во НБА лигата одиграни изминатата ноќ.

ЛА Лејкерс без Леброн Џејмс и Остин Ривс, славеа во трилер завршница против Сан Антонио со 118:116.

Лејкерси ја остварија својата петта последователна победа и покрај тоа што на седум минути пред крајот губеа со 106:97, но со серија од 21:10, остварија пресврт и победа за скок на второто место во Западната конференција со резултат од 7-2.

Најдобар играч на натпреварот беше Лука Дончиќ со 35 поени, 13 скока, 9 асистенции и 5 украдени топки. Дончиќ, поддршка доби од Деандре Ајтон со 22 поени и 10 асистенции.

Францускиот центар Виктор Вембањама постигна најмногу за гостите, го заврши натпреварот со 19 поени, 8 скока и 3 асистенции. Спарси се петти на Западот со резултат од 5-2.

Во исто време, во Орегон, Портланд ѝ го нанесе првиот пораз на Оклахома оваа сезона (121:119) благодарение на феноменалната игра на Дени Авдија, кој го заврши натпреварот со 26 поени, 10 скока и девет асистенции.

Треилблејзерс направија вистински подвиг против Тандер, бидејќи успеаја да се вратат и победата откако имаа минус од 22 поени. Точка на големата победа стави Џру Холидеј од линијата за слободни фрлања на шест секунди до крајот.

Гостите играа значително ослабени, ги немаше Холмгрен, Дорт и Карузо, кои овој пат одмараа, Шеј Гилџис-Александар блескаше со 35 поени, а Арон Вилијамс уфрли 27 поени.

Од другата страна, Авдија имаше најсилна напаѓачка поддршка во Холидеј (22 поени) и Џереми Грант (20 поени).