Македонија
Владата ги доби барањата – да се деблокираат сметките и да престане извршувањето на застарен долг
Потребен е сериозен, темелен и аналитички пристап во подготвувањето сосема нов закон за извршување, со сериозен аналитички пристап, широка дебата и преземање на европските добри практики, е наведено заедно со шесте конкретни барања доставени до Владата од граѓанските асоцијации што протестираа на 1 мај против Законот за извршувањето.
Според нив, треба да се изготви интервентен предлог-закон за изменување и дополнување на Законот за извршување, во кој како приоритени би биле разрешени неколку најспорни прашања.
„Доверителите – јавните претпријатија, кои се во доминантна сопственост на РМ, Градот Скопје и општините, да се откажат од побарувањата со кои му се нанесува сериозна егзистенционална загрозеност на должникот граѓанин, штом настанало првото ниво на застареност и без прекинување на застареноста по која било основа. Со закон да се прогласат за застарени сите побарување од граѓани и да престане извршувањето на сите побарувања за кои настанала општата застареност од 5 години“, е првото барање на граѓанските активисти.
Тие сметаат дека штом износот на каматата го достигне износот на долгот, треба да престане натамошното пресметување камата. Бараат вкупните трошоци во постапката на извршување да бидат 15 отсто од износот на долгот, да се направи ревизија на приватните извршители.
„Трошоците на извршувањето за секој учесник во извршувањето, адвокат, нотар и извршител, да изнесуваат по 5 отсто од износот на долгот или вкупно трошоците на целокупната постапка да изнесуваат 15 отсто од износот на долгот. Во ниту една земја во Европа, штом една постапка на јавни овластувања поминува во приватни раце, не доаѓа до нејзино поскапување, па според тоа, Република Македонија не може да биде исклучок. Тоа е главната причина за воведувањето на јавните овластувања во приватни раце. Ако УЈП на име трошоци во постапка на присилна наплата пресметува и наплатува само 5 отсто од износот на долгот, зошто тоа не би била практика и кај приватните субјекти со јавни овластувања. Потоа да се направи ревизија на приватните извршители од страна на Секторот за финансиска инспекција во јавниот сектор при Министерсвтото за финансии“, се дел од барањата на граѓаните.
Според нив, потребно е приватните извршители да се зафатат со извршување на неисплатените плати и веднаш да се спроведе приклучување на системите на водоснабдување и електрично напојување на сите граѓани што се исклучени поради неплатен долг.
Овие барања се испратени до Владата на 1 мај по протестите што беа организирани и на кои стотина граѓани го изнесоа својот револт кон Законот за извршувањето. На барањата се потпишани здруженијата „Гласен текстилец“, „Нон пасаран“, „Човекот над профитот“ и Конфедерацијата на синдикални организации во Македонија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Маричиќ – Бока: Европската интеграција на Северна Македонија мора да продолжи со превземање на одговорноста и обврските на патот кон ЕУ
Првиот заменик претседател за европски прашања Бојан Маричиќ денес оствари средба со Јанос Бока, министерот за европски прашања на Унгарија.
На средбата се говореше за приоритетите на унгарското претседателство со цел зајакнување и поддршка на процесот на европските интеграции на Северна Македонија во периодот што следи. Унгарија како претседавач ќе биде фокусирана на проширувањето на Европската Унија со земјите кои се дел од пакетот за проширување со фокус на Западен Балкан и Северна Македонија и со посебен акцент на спроведување на реформите.
Унгарија претседава со Советот на Европа од 1 Јули 2024 до крајот на годината.
Маричиќ изјави дека државата мора да го продолжи процесот на евроинтеграција, кој е дел од меѓународните заложби и обврски за просперитет на регионот, Европа и сите граѓани на државата.
Превземањето на обврските и исполнувањето на долгорочните планови со Европската Комисија се од витално значење за прогрес на државата, меѓународните стратешки партнери и за развојот на геополитичката мапа на регионот и Европа.
Маричиќ ја истакна важноста од носење на важни одлуки за понатамошно реализирање на стратешките цели на Северна Македонија и регионот за која се залагаат и земјите членки на ЕУ, регионот на Западен Балкан и сите стратешки партнери на државата.
На средбата во фокус беше и одлучноста односно заложбата на Европската Комисија за Планот за раст за земјите на Западен Балкан, можностите и конкретните мерки со кои земјите кои се дел од Планот за раст ќе ги почувствуваат придобивките од неговата имплементација во претпристапниот период се до полноправно членство во унијата, каде што природно, географски и идеолошки припаѓаат.
Маричиќ и Бока се сложија дека во последните 2 години беа постигнати значајни резултати во процесот на евроинтеграција на Северна Македонија, со реализација на скрининг процесот, отпочнувањето на преговорите за државата и комплетната подготовка за реализација на европската агенда на државата.
Европската интеграција мора да продолжи со превземањето на обврските на патот кон ЕУ со кои државата ќе се движи во правец на прогрес и значаен развој. Реализацијата на Планот за раст е исклучително важен процес, бара детално и вредно вклучување на сите капацитети со големи придобивки за државата и за сите граѓани во неа – рече Маричиќ.
Македонија
Сиљановска Давкова – Ангеловска-Бежоска: во фокусот тековната работа на Народната банка и зачувување на макроекономската стабилност
Претседателката Гордана Сиљановска Давкова денеска ја прими Анита Ангеловска-Бежоска, гувернерка на Народната банка на Република Северна Македонија.
На средбата, прва по нејзиното стапување на функцијата, Сиљановска Давкова беше информирана за тековната работа на Народната банка и остварувањето на предвидените цели, насочени кон постигнување и одржување на ценовната стабилност и кон одржување на стабилен, конкурентен и пазарно ориентиран финансиски систем.
На средбата гувернерката Ангеловска-Бежоска ги претстави и стратегиските цели насочени кон унапредување на спроведување на монетарната политика, стабилноста на банкарскиот систем, непреченото функционирање на платните системи, управувањето со девизните резерви, а во функција на обезбедување на услови за ефикасни, иновативни и сигурни финансиски услуги.
Претседателката ги поздрави напорите на Народната банка за зачување на макроекономската стабилност на државата, во услови на геополитички и геоекономски ризици.
Гувернерката упати честитки до претседателката Сиљановска Давкова по повод стапувањето на функцијата и ѝ посака успех во работата.
Македонија
(Видео) Мециновиќ: ДПМНЕ поставува измеќар на СДС, за претседател на Собранието
Предлогот на новото мнозинство за избор на Африм Гаши за собраниски спикер не е ништо друго освен крунисување на партиите кои соработуваа во криминалната Влада на СДС, од страна на ДПМНЕ.
„Имаме јасен приказ дека силно ДПМНЕ најмногу значи силна Алтернатива. Зошто значи силна Алтернатива? – Токму оваа партија која беше измеќар на СДС, токму СДС ја избрка од својата Влада за да влезе Алијанса. Токму една ваква партија сега ДПМНЕ сака да ја круниса“ – истакна пратеникот Амар Мeциновиќ во неговото обраќање пред пратениците.
Според него, праксата на политички камелеонизам и шетање од коалиција во коалиција не е ништо ново на непренципиелната политика која ја водат политичките субјекти.
„Ова е само уште една потврда за водењето на лукративни политики, каде државните и националните интереси не се никаков предмет на интерес кај домашната политичка елита“, додава пратеникот на Левица.