Македонија
СДСМ: Поминаа три години откако граѓаните целосно го разобличија МВРО-ВМРО
„Поминаа три години од денот кога целата јавност слушна како ВМРО-ДПМНЕ го злоупотребувало Министерството за внатрешни работи и како поранешната министерка Гордана Јанкуловска се обидува да го сокрие убиството на Мартин Нешкоски и како се нервира откако не успеала да го сокрие бруталното убиство на младо момче во центарот на Скопје“, се вели во соопштението на СДСМ.
Во соопштението тие потенцираат дека „11 години ВМРО-ДПМНЕ ја злоупотребуваше полицијата којашто наместо сервис на граѓаните беше сервис на Никола Груевски и фамилијата за пресметка со неистомислениците и заштита на криминалот, а МВР го претвори во МВРО-ВМРО“.
Според нив, петти мај 2015 останува запаметен како денот кога граѓаните целосно го разобличија МВРО-ВМРО и насилството на полицијата во служба на фамилијата.
„Јавноста никогаш нема да ги заборави злоупотребите на ВМРО-ДПМНЕ кон припадниците на полицијата и никогаш повеќе нема да дозволи такво нешто да се повтори. ВМРО ДПММЕ секојдневно покажува дека нема капацитет да ги надмине политиките на омраза, поделби, насилство и закани што беа одлика на Никола Груевски. Наместо ВМРО-ДПМНЕ да живее во минатото, треба да научи од тоа црно минато како не треба да се владее, како не треба да се однесува кон граѓаните, кон припадниците на полицијата, кон државата“, велат СДСМ.
Од таму потенцираат дека процесот на реформи и ослободување на институциите започнат од Владата предводена од СДСМ обезбедува професионализација и департизација на Министерството за внатрешни работи и другите институции.
„Денес, МВР работи независно, професионално и неселективно во одржување на безбедноста. Полицијата повеќе не е инструмент на ниту една партија туку е вистински сервис, заштитник и пријател на граѓаните и секојдневно ја враќа довербата којашто 11 години беше постојано поткопувана“, стои во соопштението.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Касами слави во Тетово: Од утре почнуваат преговори за нова влада помеѓу ВМРО-ДПМНЕ и коалицијата Влен
Од утре почнуваат преговори за нова влада помеѓу ВМРО-ДПМНЕ и коалицијата Влен, кажа претседателот на БЕСА, дел од коалицијата Влен, Билал Касами.
Касами рече дека ВЛЕН е победник во сите општини со мнозинско албанско население, а резултатот го препиша и на доаѓањето на иселениците.
„Коалицијата Влен е апсолутен победник кај Албанците“, изјави Касами.
Тој очекува да имаат број на пратеници колку и ДУИ.
Според досега пребројаните гласови, коалицијата Влен има 92.091 гласа, односно 11,21 отсто, а Европскиот фронт на ДУИ, 117.503 гласа, или 14,30 отсто.
Македонија
Димитриевски: ЗНАМ вечерва испиша историја
Лидерот на ЗНАМ, Максим Димитриевски и посака успешен мандат на Гордана Силјановска Давкова.
„Да ја води Македонија во правилна насока, да биде тука за граѓаните, бидејќи нашата борба е и ќе биде за граѓаните. Воедно да честитам на ВМРО-ДПМНЕ за убедливата победа. Верувам дека овие избори ќе бидат дополнителна поука за сите останати политички субјекти кои гравитираа досега на политичката сцена. За нас од ЗНАМ гордо можам да потврдам дека ЗНАМ од вечерва ја започнува својата борба за достоинствена Македонија. ЗНАМ вечерва испиша историја. Ние потвдивме минимум пратеничка група и некаде околу 60 илјади гласови“, кажа Димитриевски и се заблагодари на граѓаните кои што излегоа на изборите.
„Од денеска продолжуваме како што ветувавме во предизборната кампања, согласно нашите определби, програмски и сето што беше ветено пред граѓаните. Ние сме партија формирана од граѓаните, ќе бидеме со граѓаните и ќе работиме за граѓаните“, додаде Димитриевски.
Прашан дали ќе остане градоначалник или размислува за Владата, тој кажа дека нема никакви размислувања, ќе остане доследен на неговите ветувања и секогаш со кумановчани.
Македонија
(Видео) Силјановска: Ќе бидам претседателка на сите граѓани, не е време за поделби и триумфализам
Тврдам дека, од овој момент, ќе се однесувам како претседателка на сите граѓани, на сите етнички групи, партии, оние кои не се во партиите. Нема да заборавам на разноликоста, изјави Гордана Силјановска Давкова во првото обраќање по победата на претседателските избори.
„Не е време за поделби и фалби, триумфализам. Не можете во политиката со емоции, мора рационално. Ќе направам се’ за да ги бранам државните и националните интереси“, рече Давкова.
Силјановска истакна дека за време на кампањата го зборувала она што го мисли, се посветила на целта, а наградата за неа е непроценлива.
„Не сум ги убедувала граѓаните дека сум најдобриот избор, најумна, оставив изборот да го направат тие. Мислам дека направија вистински избор. Има ли поголема инспирација од тоа жена да стане претседател. Со мене, кога ќе се опкружам со жени сличнин на мене, свои, стамени, кои умеат да изразат став на свој начин, тоа е некаков голем исчекор, тоа е за мене реформски чекор“, рече Давкова.
Според неа, да се повика на бојкот на изборите е партиски и политички притисок. Како што рече, немала многу време да го следи говорот на нејзиниот опонент Стево Пендаровски, но фатила неколку инсерти, и смета дека критиката на бојкотот на ДУИ и на обидот да се киднапира избирачкото право, да се одземе нивното избирачко право или да се диригира е добра констатација.
Давкова изјави дека не се согласува со тезата дека гласовите ги добила поради национализам, напротив, вели таа, во тимот имала Албанци, Турци, Роми и ќе ги вклучи во кабинетот. Тоа се луѓе кои зад себе имаат образование и докторати и тоа за неа е суштинскиот елемент, а потоа е припадноста.
Силјановска изјави дека не знае дали противкандидатот Пендаровски ѝ честитал победа, бидејќи си го заборавила мобилниот телефон дома.
Според резултатите од Државната изборна комисија од 80,37 отсто од преброените гласови, Силјановска-Давкова освои 439.614 гласови или 64,83 отсто, а Пендаровски освои 198.288 или 29,24 проценти од гласовите.