Свет
Макрон лут бидејќи англискиот ќе остане главен јазик во ЕУ по брегзит
Француските политичари на чело со претседателот Емануел Макрон се налутија кога Европската комисија сигнализираше дека англискиот ќе остане главен јазик во Брисел по брегзитот, и покрај обидите на Макрон да го замени со францускиот јазик, пишува британскиот весник „Дејли експрес“.
Според новиот предлог, финансирањето на англискиот јазик ќе продолжи и по излегувањето на Велика Британија од Унијата следната година.
„Нема да има измени во буџетот кај преводот и услугите за толкување на англискиот јазик“, соопшти Европската комисија.
Макрон неодамна изјави дека ситуацијата сега е парадоксална.
„Англискиот јазик најверојатно никогаш не бил поприсутен во Брисел како сега, во период кога разговараме за брегзитот“, рече Макрон и вети дека ќе се бори за поголема употреба на францускиот јазик во институциите на ЕУ и пошироко. Тој најави и мерки за унапредување на учењето на францускиот јазик во други земји, како и мрежа на француски гимназии.
Макрон инсистираше на тоа дека неговото залагање не е против употребата на англискиот јазик, туку повеќе за промовирање на повеќејазичноста.
Околу 274 милиони луѓе во светот зборуваат француски јазик, кој долго време беше доминантен во седиштето на ЕУ во Брисел. Но, англискиот јазик е сè поприсутен во европските институции, посебно откако источноевропските земји станаа дел од ЕУ во 2004 година.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Американската министерка за финансии: Санкциите против Русија најмногу се заобиколуваат преку Кина, Обединетите Арапски Емирати и Турција
Американската министерка за финансии Џенет Јелен денеска ги повика директорите на европските банки да ја зајакнат контролата врз спроведувањето на американските санкции против Русија.
„Ги повикувам сите институции овде строго да се придржуваат до мерките и уште повеќе да се фокусираат на руските обиди да се избегнат санкциите“, рече Јелен, пренесе Ројтерс.
Таа изјави дека санкциите воведени во декември 2023 година ги попречиле напорите на Русија за производство на стоки неопходни за војната во Украина, но во исто време додаде дека треба да се направи повеќе на ова поле.
Јелен побара од шефовите на европските банки да се погрижат нивните филијали и подружници во странство да ги почитуваат санкциите против Русија.
Таа нагласи дека американските санкции против Русија во моментов се заобиколуваат најмногу преку Кина, Обединетите Арапски Емирати или Турција.
Американското Министерство за финансии продолжува да истражува нови можности кои би го намалиле приходот на Русија и би ја спречиле Москва да набавува производи што ги користи за војната во Украина, заклучи Јелен.
Свет
Политико: Украина најверојатно ќе ги започне преговорите за членство во ЕУ во јуни
Целта на Европската унија (ЕУ) е да ги започне официјалните преговори за пристапување на Украина и Молдавија веќе на 25 јуни, кога се одржува самитот на Европскиот совет, изјавија за бриселски Политико неименувани дипломати од Брисел.
Кога лидерите на ЕУ ги отворија вратите за Украина и Молдавија во декември, потегот беше поздравен како прв чекор во историското проширување на Унијата, пишува во објава на Политико и се додава:
„Официјалното зелено светло за почеток на пристапните преговори со ЕУ би било голем поттик за Украина, која е во третата година од војната.“.
Свет
Роберт Фицо е свесен и комуникативен, соопштија неговите лекари
Словачкиот премиер Роберт Фицо е свесен и комуникативен, а последователно му беше извршена томографија, соопштија денеска неговите лекари.
„Истовремено, се преземаат натамошни чекори за подобрување на неговото здравје“, соопштија од болницата во словачкиот град Банска Бистрица, каде што премиерот закрепнува по атентатот, пренесува „Ројтерс“.
Вицепремиерот Роберт Калинак во неделата изјави дека премиерот е надвор од животна опасност, иако сè уште е во премногу сериозна состојба за да биде префрлен во болница во Братислава.