Фидиас Панајоту, 24-годишен јутјубер и инфлуенсер, би можел да биде еден од шесте кандидати што Кипар ќе ги испрати во Европскиот парламент по јунските избори. Признава дека не знае ништо за политика, но вели дека не може да го поднесе продолжувањето на владеењето на бубалиците во Брисел.

Последната анкета покажува дека тој е на петтото место со поддршка од 8,7 отсто, што му дава шанса да освои место пред традиционалните политички партии кои имаат по шест кандидати, како социјалистичката ЕДЕК, центристичката ДЕПА и Партијата на зелените.

Стана познат благодарение на неговата мисија да го прегрне Маск, подоцна просејќи во Индија и Јапонија

„Фидијас“, како што се нарекува себеси Панајоту, има околу 2,6 милиони претплатници на неговиот канал на „Јутуб“ откако почна да објавува во 2019 година. Тој стана познат по неговата мисија да го прегрне Илон Маск, милијардерот сопственик на Платформата „Икс“ (на крајот успеа).

Тој, исто така, предизвика контроверзии минатата година обидувајќи се да патува низ Индија и Јапонија без да плати, просејќи.

„Никогаш во животот не сум гласал. Немам поим од политика“

Носејќи три вратоврски, одело и шорцеви, Панајоту ја објави својата кандидатура во јануари, признавајќи дека нема поим за политика или за Европската унија, но тврдејќи дека е подготвен да учи.

„Имам 23 години и никогаш во животот не сум гласал, а една вечер си реков дека ако никогаш не гласам и никогаш не се заинтересирам, секогаш ќе бидат на власт истите и реков – доста е! “ објави тој.

Во април, Фидијас ја поднесе својата кандидатура заедно со неговиот татко, свештеник, облечен во костум и машна.

Слушнав некаде дека ако не сте задоволни со работите околу вас и сакате да ги промените, вие самите треба да бидете промената“, рече тој во таа прилика. „Зошто избрав да бидам независен? Затоа што не можам да се вклопам. Затоа што сакам да знаете дека немам партиски интереси да служам“.

Тој додаде дека неговата цел не е да биде избран, туку да ги мотивира младите да се занимаваат со политика.

Европските избори во Кипар се очекува да забележат високо ниво на излезност на гласачите, што е показател за разочараноста што Кипарците ја чувствуваат од политичкиот систем.

Двете најголеми партии на медитеранскиот остров, Демократската алијанса и Прогресивната партија на работниот народ, се во тесна трка за првото место, иако постојат сомнежи колку нивни поддржувачи ќе излезат на изборите. Анкетите покажуваат дека екстремно десничарскиот Национален народен фронт би можел да се засили, со оглед на важноста на миграцијата како политичко прашање на островот.

Земјотрес со јачина од 4,3 степени според Рихтеровата скала се случи денеска околу пладне во близина на грчкиот остров Китнос.

Оваа информација ја објави Геодинамичкиот институт на Националната опсерваторија во Атина, каде што е почувствуван земјотресот.

Епицентарот на земјотресот, кој се случи во 11:53 часот, се наоѓа на 17 километри северо-североисточно од островот и на околу 80 километри од Атина. Длабочината на потресот се проценува на 14,4 километри.

Грција се наоѓа во една од сеизмички најактивните области во светот, а земјотресите се чести.

Сепак, смртните случаи и големите штети се многу ретки.

Северна Кореја пушти стотици балони полни со ѓубре кон јужниот сосед, соопшти јужнокорејската војска.

Од вчера до утринава во различни делови на Јужна Кореја биле пронајдени околу 600 балони лансирани од Северна Кореја, соопшти Заедничкиот штаб.

На граѓаните им се препорачува да внимаваат поради паѓање на шут и да не допираат предмети за кои постои сомневање дека дошле од север.

Во главниот град Сеул, градскиот совет испрати СМС пораки предупредувајќи дека неидентификувани објекти – за кои се сомнева дека се од Северна Кореја – се откриени на небото во близина на градот. Засега нема извештаи за повредени или материјална штета.

Претходно оваа недела, владата на Ким Џонг Ун лансираше стотици балони полни со ѓубре кон Јужна Кореја.

Од вторникот навечер до средата, во делови на Јужна Кореја биле пронајдени околу 260 севернокорејски балони.

Што имаше во балоните?

Беа испратени тимови за брза реакција и деминирање на хемикалии за отстранување на остатоците. Војската соопшти дека балоните пренесувале различни видови ѓубре и ѓубриво, но не содржеле опасни материи како хемиски, биолошки или радиоактивни субстанци.

Пронајдени се некои балони со тајмери ​​кои сугерираат дека се дизајнирани да пукаат со отпадот во воздухот.

Ким Јо Јонг, сестрата на лидерот, во средата рече дека нејзината земја ја исполнува својата закана да го растера купот ѓубре.

Таа додаде дека ова е одговор на јужнокорејските активисти кои преку граница испраќаат летечки транспаренти против Северна Кореја.

„Кога ќе доживеете колку е гадно и исцрпувачко да одите наоколу и да собирате ѓубре, ќе сфатите дека не треба така лесно да зборувате за слободата на изразување кога станува збор за флаери во пограничните области“, рече таа.

„Јасно ќе ставиме до знаење дека во иднина ќе одговориме со 10 пати повеќе ѓубре отколку што ни фрлаат Јужнокорејците“, додаде.

Шин Вон-сик, министер за одбрана на Јужна Кореја, го опиша потегот како „незамисливо однесување“.