Регион
Регионална платформа: Кој и по чија наредба пукаше во Оливера Лакиќ?

Регионалната платформа на Западен Балкан за застапување на слободата на медиумите и безбедноста на новинарите која застапува повеќе од 8000 членови, остро го осудува бруталниот напад на новинарката од дневниот весник „Вјeсти“ Оливера Лакиќ, која беше ранета во ногата пред влезот на својот дом.
Според „Вијести“ на 8 мај, Лакиќ рекла дека непознат маж и пришол близу влезот на зградата каде што живее, и ја застрелал во нога. Таа забележаа и двајца други мажи кои бегале од местото на настанот. Куршумот поминал низ нејзината десна нога и Лакиќ е надвор од животна опасност.
Оливера Лакиќ е најчесто напаѓан новинар во Црна Гора. Во март 2012 година таа беше претепана пред влезот на нејзиниот дом, а една година пред тоа доби две закани за серија на написи кои разоткриваат наводно нелегално производство и шверц на цигари. Во 2014 година таа, исто така, доби закани од лица блиски до човекот кој ја нападнал во 2012 година. Властите на Црна Гора, ги осудија повеќето од лицата кои и се закануваа на Лакиќ, но никогаш не истражија до крај кој беше нарачател на овие закани и напади. Дополнително, Лакиќ тврди дека шверцот на цигари не е во целост истражен.
„Иднината на медиумскиот сектор во Црна Гора зависи од разрешницата на овој случај. Доколку тој остане нерасветлен, новинарите треба сериозно да започнат да размислуваат за алтернативни начини за заштита на своите животи и професионален интегритет“, истакна Маријана Чамовиќ, Претседател на Медиумскиот синдикат на Црна Гора, и заклучи дека државата не смее да биде синоним за место каде што куршумите претставуваат закана за слободата на говорот.
Нападот врз Лакиќ е трет по ред од серијата напади и закани против новинари во 2018 година, и десетти од почетокот на 2017 година. Поголемиот број од нападите се уште се нерасчистени. Никој од полицијата и обвинителството нема преземено одговорност. Регионалната платформа ги поздравува осудите на нападот врз Лакиќ од страна на надлежните институции на Црна Гора, но истовремено ги охрабрува да преземат дополнителни мерки и да ги идентификуваат и казнат напаѓачите, но уште поважно да се казнат и нарачателите овој страшен напад. Секој напад врз новинар претставува напад врз јавниот интерес, демократијата и правата на граѓаните.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Дете се удави во базен во Загреб

Вчера во објект за изнајмување со базен, се удави дете, соопшти загрепската полиција.
Надлежните соопштија дека на детето му била укажана медицинска помош на местото на настанот а потоа и во Клиничкиот болнички центар во Загреб, каде што починало.
„За да се избегнат трагични настани и да се зголеми безбедноста на пливачите, ги потсетуваме граѓаните да користат добро одржувани места за пливање кои се под надзор на професионални служби.
Сакаме да ги предупредиме пливачите за потенцијалните опасности и да дадеме совети за тоа како да се однесуваат во местата за пливање. Затоа, за да избегнеме трагични сценарија, советуваме и предупредуваме:
не пливајте најмалку еден час по оброк – една од најчестите грешки што многумина од нас ги прават е влегувањето во вода по оброк,
не пливајте ако сте консумирале алкохол – консумирањето алкохол е еден од главните фактори на ризик за давење, како кај младите, така и кај возрасните,
една од вообичаените грешки што многумина од нас ги прават е тоа што по долг престој на сонце, влегуваме во водата за да се освежиме и разладиме. Секогаш треба постепено да влегувате во водата, давајќи му шанса на вашето тело да се подготви и да се адаптира, без разлика колку е топло морето или друга водена површина. Во спротивно, телото ќе доживее шок,
не скокајте во вода со непозната длабочина – можни се сериозни повреди,
ако не сте целосно здрави, не пливајте на затскриени места, а доколку страдате од некои хронични и сериозни болести, избегнувајте пливање на затскриени и небезбедни места; бидете во близина на луѓе, за да можат да ви помогнат доколку е потребно,
ако имате деца, постојано внимавајте на нив – родителите никогаш не треба целосно да се опуштат, дури ни кога пливаат; децата треба да бидат под постојан надзор и да се осигурат за нивната безбедност; меѓу луѓе и во толпи, децата лесно се губат, исто како што лесно можат да се удават во плитка вода; исто така, никогаш не сметајте на постаро дете само да се грижи за помлад брат или сестра; безбедноста на детето е ваша одговорност, надгледувајте ги вашите деца, дури и ако знаат да пливаат,
запомнете дека пливањето во свежа вода е понапорно од пливањето во море (грижете се за ова) и водата често може да биде поматна, па затоа децата потешко ја перцепираат длабочината,
непливачите или послабите пливачи дефинитивно треба да користат помагала за пливање,
избегнувајте пливање сами,
пливајте во близина на спасувачи и следете ги упатствата и знаците на спасувачите
доколку се појават проблеми, останете смирени, доколку забележите некого во неволја во водата, веднаш пружете или побарајте помош и јавете се на надлежните служби.
Реките се најопасни бидејќи течат, често имаат вртлози, потоа се сечат и често го менуваат текот.
Езерото има ненадејни промени во длабочината и температурата, односно температурата во езерото е потопла на површината и постудена на длабочина. Голем проблем за пливачите понекогаш е вегетацијата во која се заплеткуваат, а поради паниката што може да се појави, можат да се удават“, објави полицијата.
Регион
Борисов: Бугарија ќе се вклучи во процесот на обнова на Украина

Бугарија ќе се приклучи на процесот на обнова на Украина. Ова го изјави лидерот на ГЕРБ, Бојко Борисов, на средба со амбасадорот на Украина во Бугарија, Олесја Илашчук.
Лидерот на ГЕРБ ја прогласи способноста на Бугарија да придонесе во сектори, како што се енергетиката, трговијата и инфраструктурата.
„Разговаравме и за развојот на воените операции на територијата на Украина. Украина има категорична поддршка од Бугарија за нејзината европска перспектива“, изјави Бојко Борисов.
Регион
(Видео) Таксист се залета со возилото во демонстранти во Смедерево

Додека граѓаните мирно преминувале пешачки премин во Смедерево, возач на такси налетал на луѓе.
Smederevo, taksi nosi coveka na haubi. Tablice: Sd 0814 tx pic.twitter.com/8rAciLoxVe
— Petar Petrovic (@tombomn) July 4, 2025
Притоа еден граѓанин бил собран од возилото и се возел на хаубата околу 200 метри, јавува репортер на Н1.
Од утрово продолжуваат блокадите низ цела Србија, а неколку студенти беа уапсени на ливада пред Факултетот за драмски уметности во Белград.
Исто така беше приведен и граѓанин во Крагуевац кој одбил да даде документи за идентификација на српската полиција.