Hitech
Трета Next Generation конференција во организација на „Сеавус“
Компанијата „Сеавус“ по третпат ја најавува конференцијата посветена на иновации и технологија Next Generation. Настанот ќе се одржи в сабота, 12 мај, со почеток од 10 часот во просторите на„ Мала станица“.
На првата конференција, пред три години, фокусот беше на новитетите во мрежните технологии и телекомуникацискиот сектор. Лани второто издание беше посветено на сите футуристи, иноватори и стартапи во Македонија. Годинава конференцијата ќе биде посветена на кодирањето: Keen on Code, односно на сите кои имаат интерес за технологија. Конференцијата ќе тече паралелно на 3 сцени: една посветена на .NET, DB и QA, втора на Java и FrontEnd и трета на технолошки трендови.
Презентациите ќе бидат интерактивни, така што сите присутни ќе имаат можност во времетраење од 6 часа, на 3 сцени да слушнаат 17 говорници кои неуморно ќе го споделуваат своето знаење.
Најголем дел од предавачите се експерти од „Сеавус“, меѓу кои Никола Живков, Technology Line Manager за Java на ниво на Сеавус групација, Игор Лазаревски – Technology Line Manager за .Net на ниво на Сеавус групација, Благој Ќупев, менаџер на ембедед дивизијата, Мирослав Стојманов, софтвер архитект, банкарска дивизија, Ѓоре Захарчев, QA координатор на ниво на Сеавус групација, Дејан Здравковски и Александар Божиновски, Technical Leads во Microsoft дивизија, Благој Костовски, сениор девелопер, Microsoft дивизија, Александар Размовски, сениор бизнис-аналитичар, Social Analytics дивизија. Од Oracle дивизијата ќе презентираат Ираклид Спиро, сениор девелопер, Марко Илиќ, Principal Developer, Иван Ѓорѓевиќ, интермедиејт девелопер, Дражен Николиќ, Technical Lead. Потоа, Танер Селим, извршен директор на SnowBall и Гоце Дојчиновски, систем-инженер во Cisco Systems.
Сите информации за презентерите и нивните теми може да ги најдете на официјалниот сајт на конференцијата, на кој може и да се регистрирате. Учеството на настанот е бесплатно.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Hitech
WhatsApp подготвува корисна промена
Повикувањето луѓе на WhatsApp ќе стане многу полесно.
WhatsApp развива нова функција која ќе ви овозможи да повикувате луѓе директно од апликацијата, без претходно да ги зачувате како контакти во вашиот телефон, објави веб-страницата WABetaInfo.
Како што е наведено, оваа функција е достапна за тестирање на оние кои ја имаат бета апликацијата за Android, верзија 2.24.9.28.
Најверојатно, додава WABetaInfo, интернет податоците ќе се користат за повикување на овој начин, што значи дека повиците ќе бидат поевтини отколку кога ќе повикате некого во странство користејќи го „традиционалниот“ метод.
Сè уште нема детали за тоа кога оваа функција би можела да биде достапна за корисниците ширум светот, но обично не треба многу време откога ќе се појави во бета верзија.
Hitech
(Видео) 7 милиони прегледи: Мајкрософт објави снимка со вештачка интелигенција на Мона Лиза како рапува
Мајкрософт ја претстави новата технологија за вештачка интелигенција наречена VASA-1, која може да комбинира фотографија и аудио клип и да генерира реални видеа.
Тие ја претставија новата технологија со видео на кое Мона Лиза рапува на песната Папараци, но ова не е хит на Лејди Гага, туку рап песна што Ен Хатавеј ја напиша и изведе во ток-шоуто на Конан О’Брајан во 2011 година.
Microsoft just dropped VASA-1.
This AI can make single image sing and talk from audio reference expressively. Similar to EMO from Alibaba
10 wild examples:
1. Mona Lisa rapping Paparazzi pic.twitter.com/LSGF3mMVnD
— Min Choi (@minchoi) April 18, 2024
Видеото набрзо стана вирално и беше прегледано повеќе од 7,1 милиони пати на само еден профил на „Икс“.
„Ова е толку смешно, плачев од смеење“, „Уште едно страшно видео со вештачка интелигенција“, „Ова е морничаво“, „Кога би можел Да Винчи да го види ова“, се дел од коментарите.
Hitech
Во Кина побарувачката за мобилни телефони на „Епл“ значително се намали, продажбата на „Хуавеј“ скокна за 70 отсто
Испораките на мобилни телефони на „Епл“ во Кина паднаа 19 отсто во првиот квартал, што ја одразува заканата за доминантната позиција на американскиот гигант во повисокиот сегмент по враќањето на „Хуавеј“ на пазарот, покажуваат податоците на пазарот. Уделот на „Епл“ на најголемиот пазар на паметни телефони во светот падна на 15,7 отсто во првиот квартал, од 19,7 отсто на почетокот на 2023 година. Ова го доведе американскиот гигант речиси на исто ниво со „Хуавеј“, чија продажба скокна 70 отсто, според истражувачката компанија Counterpoint.
„Виво“ ја презеде круната на „Епл“ како најголем продавач на паметни телефони во Кина. Американската компанија падна на третото место, зад „Хонор“, бренд на подостапни уреди. На четврто место е „Хуавеј“, чиј пазарен удел скокна од минатогодишните девет на 15,5 отсто.
„Враќањето на „Хуавеј“ на пазарот директно влијаеше на „Епл“ во премиум-сегментот. Треба да се додаде дека побарувачката за нови мобилни телефони на „Епл“ за замена на постарите модели беше малку придушена во споредба со претходните години“, рече аналитичарот на Counterpoint, Иван Лам, во соопштението за печатот.
Во меѓувреме, „Епл“ почна промотивни кампањи обидувајќи се да ги привлече потрошувачите со попусти, вклучувајќи субвенционирање одредени модели на „Ајфон“ до 1.300 јуани (168,29 евра).
Минатата недела „Хуавеј“ ѝ ја претстави на јавноста новата серија смартфони Pura 70. Во август минатата година, по долга пауза, ја лансираа серијата Mate 60, која некои аналитичари ја протолкуваа како триумф над американските санкции, врз основа на софистицирано домашно производство на чип.
Канадската истражувачка компанија TechInsights очекува Кинезите да купат повеќе од 50 милиони мобилни телефони оваа година, вклучително и 10 милиони од Huawei Pura 70. Тоа ќе го стави „Хуавеј“ на прво место, со пазарен удел од 19 отсто, што е повеќе од 12 отсто минатата година.
Во првиот квартал кинескиот пазар на паметни телефони порасна 1,5 отсто продолжувајќи го позитивниот тренд од крајот на 2023 година, според Counterpoint.