Спорт
Федерер се врати на првото место, нов пад на Ѓоковиќ
Роџер Федерер и Рафа Надал повторно ги сменија местата на АТП листата. Федерер се врати на првото место, откако Надал не успеа да ја одбрани титулата на мастерсот во Мадрид.
Федерер е светски број 1 иако ја пропушти целата сезона на земјана подлога. Шв…
Роџер Федерер и Рафа Надал повторно ги сменија местата на АТП листата. Федерер се врати на првото место, откако Надал не успеа да ја одбрани титулата на мастерсот во Мадрид.
Федерер е светски број 1 иако ја пропушти целата сезона на земјана подлога. Швјацарецот со 8.670 бода ја започна својата 309.недела на чело на АТП листата.
Надал е втор, тој има 7.950, речиси 2.000 повеќе од победникот во Мадрид, Александар Зверев. Следуваат Григор Димитров (4.870), Марин Чилиќ (4.770), Хуан Мартин дел Потро (4.540).
Кевин Андерсон и Доминик Тим ги земенија позициите, Јужноафриканецот е седми со 3.600 поени, а Австриецот осми со 3.545 поени.
Во Топ десет се уште и Џон Изнер (3.305) и Давид Гофан (2.930).
Голем пад на најновата АТП листа доживеа Новак Ѓоковиќ. Србинот не успеа да го одбрани минатогодишното полу-финале, поради што назадуваше за шест позиции и сега е 18.во светот.
Ова е најлошата позиција на која се наоѓа Ѓоковиќ уште од 2.октомври 2006 година, кога беше 22. во светот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Борусија е во финалето на ЛШ – Хумелс го замолкна Париз
Фудбалерите на Борусија Дортмуд први изборија пласман во финалето на Лаигата на шампиони. „Милионерите“ и во реваншот го совладаа ПСЖ со 1:0. Стрелец на единствениот гол во Париз беше Матс Хумелс во 50.минута. Борусија по пауза ид 11 години е се бори за европската круна. Противник во финалето на „Вембли“ ќе и биде подобриот од второто полуфинале меѓу Реал Мадрид и Баерн Минхен.
ПСЖ имаше повеќе од играта, напаѓаше во првото полувреме, а во офанзива тргнаа во вториот дел, но Килијан Мбапе и соиграчите немаа доволно спортска среќа. Дури четири пати во второто полувреме ја погодија рамката од голот – двапати стативата и исто толку гредата.
И во првиот натпревар Французите двапати ја погодија стативата (Мбапе и Хакими), но ќе остане запишано дека во 180 минути не успеаја ниту еднаш да го совладаат голманот на Борусија, Кобел.
Стрелец на единствениот гол беше ветеранот Матс Хумелс во 50. минута. Јулијан Бранд одлично изведе корнер, а искусниот дефанзивец со глава го совлада Џиџи Донарума.
Спорт
Нан го однесе ПАО на завршниот турнир во Берлин
Кошаркарите на Панатинаикос по пауза од 12 години изборија пласман на завршниот турнир во Евролигата. Вечерва пред 20.000 навивачи во „ОАКА“, Панатинаикос ја доби мајсторката против Макаби со 81:72.
Панатинаикос клучната предност ја направи во воведните четири минути од последната четвртина, период во кој Макаби постигна само два поени.
Големо влијани врз конечниот резултат имаше и односот на слободните фрлања, Панатинаикос изведе 35, Макаби само 10.
Најефикасен во победата на Панатинаикос беше Кендрик Нан со 26 поени, Костас Слукас имаше уште една добра партија со 15 поени и шест скока, додека Хуанчо Ерненгомес постигна 11 поени. Матијас Лесор беше блиску до дабл-дабл учинок со девет поени и 11 скока. Францускиот центар од линијата за слободни фрлања погоди три пати од 14 обиди.
Кај Макаби најефикасен беше Лоренцо Браун со 17 поени.
На завршниот турнир во Берлин од 24 до 26 мај, Панатинаикос во полуфиналето ќе игра против победникот од четвртфиналето меѓу Монако и Фенербахче.
Спорт
Сашко Кедев на Велигден го искачи Макалу (8.485), петтиот највисок врв на светот
Кардиологот и алпинист Сашко Кедев утрото на Велигден се искачи на врвот Макалу кој е висок 8.485 метри и е петти највисок планински врз во светот.
Кедев со експедиција од четворица меѓународни алпинисти и петмина шерпаси се искачи на Макалу. Тој е првиот акедонец кој се искачил на овој врв.
Беше во придружба на искусниот Кили Пемба Шерпа, кој беше еден од 10-те непалски планинари кои се искачија на К2 во 2021 година.
Во историскиот успех на Кедев се запишани и врвовите Монт Еверест (8.848), К2 (8.611), Далагири (8.167), Манаслу (8.163), Броуд пик (8.051), Анапурна (8.091 метри), Cho Oyu (8.201), Нанга Парбат (8.126).