Европа
(Видео) Младите од Тбилиси со улични журови протестираат против рациите во ноќните клубови
Ноќта меѓу петокот и саботата полицијата извршила рации во два популарни ноќни клуба во грузискиот главен град Тбилиси, при што биле уапсени осум лица. Меѓутоа, полициската акција привлече внимание во јавноста и предизвика големи протести.
Рацијата во ноќните клубови „Басијани“ и „Галери“ била извршена под сомнение дека таму се продавала дрога, а според полициското соопштение, во акцијата биле уапсени осуммина дилери. Медиумите објавија дека вечерта биле приведени 70 луѓе, кои набргу потоа биле ослободени.
Tbilisi #Bassiani protests bring clubbing to the streets. If you raid our clubs we will party downtown. @BASSSIANI #freedom pic.twitter.com/JdPKdkP1oV
— Mikheil Benidze (@mbenidze) May 12, 2018
Како директна причина за полициската акција се наведуваат неодамнешните смртни случаи во кои од предозирање починаа петмина млади луѓе. Инаку, Грузија има многу строги закони кога станува збор за употребата на дрога.
Од друга страна, сведоците велат дека полицијата користела прекумерна сила и дека рациите немале никаква врска со дрогата, туку дека биле демонстрација на сила.
Клубот „Басиjани“ претходно на „Фејсбук“ објави дека младите луѓе што се предозирале воопшто не биле гости во дискотеката и дека тие немаат никаква врска со тоа. Веднаш потоа започнаа и протестите – во саботата неколку стотици луѓе се собраа пред парламентот во главниот град на Грузија, а еден ден подоцна десетици илјади. Граѓаните на Тбилиси на протестот пуштаа техно и рејв-музика, а на снимките може да се види дека сè изгледа како голема забава.
Според медиумите, рејв-револуцијата е бунт против рациите што демонстрантите ги гледаат како напад врз растечката клупска сцена во градот.
Демонстрантите бараат оставка на премиерот, Ѓорѓиј Квирикашвили, и министерот за внатрешни работи, Ѓорѓиј Гебришвили.
„Треба да им покажеме дека моќта е во наши раце, во рацете на оние што сакаат слобода“, рекла млада демострантка на собирот пред парламентот, јави „Ројтерс“.
We dance togather, we fight togather #Tbilisi #Bassiani pic.twitter.com/jJi04KpZWg
— Sophio Datishvili (@sofie_sopo) May 12, 2018
За време на протестот голем број полицајци се распоредиле на улиците, а контрамарш организирале приврзаниците на екстремната десница. Медиумите известуваат дека полицијата ангажирала и водни топови, кои би можеле да бидат употребени со цел да се спречи судир меѓу десничарите и демонстрантите.
Покрај тоа, медиумите известуваат дека претставниците на демонстрантите оствариле средба со министерот Гебришвили, кој ветил измени во законот за наркотични дроги.
Инаку, ноќните клубови „Басијани“ и „Галери“ се едни од ретките во Тбилиси, град каде што ноќниот живот не е толку развиен.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
(Видео) Голем пожар во фабрика во Берлин, жителите предупредени да го избегнуваат подрачјето
Голем пожар во фабрика во Берлин-Лихтерфелд, која произведува системи за противвоздушна одбрана што се користат на бојното поле во Украина.
Противпожарната бригада предупредува на отровен чад, пренесува „Билд“.
‼️ A defense-industrial company factory is on fire in Berlin
According to media reports, a fire with toxic smoke occurred at a metallurgical plant of the defense-industrial company Diehl. The company is the main contractor of the IRIS-T production program and ammunition for this… pic.twitter.com/jZBBXTEdSm
— NEXTA (@nexta_tv) May 3, 2024
Адријан Венцел, портпарол на берлинската противпожарна бригада, изјави за Билд:
„Целосно изгореа четири ката од зградата. Дел од неа е веќе урнат, а ја гаснеме однадвор. Пожарот повеќе не може да се стави под контрола однатре.
Дежураат околу 160 пожарникари. Спасувачите носат заштитни одела.
Можеме да потврдиме дека во зградата биле запалени и хемикалии. Таму биле складирани сулфурна киселина и бакар цијанид. Постои ризик да се формира водород цијанид и да се издигне во воздухот со чад“, додаде портпаролот.
Противпожарната бригада го информираше населението преку апликации за предупредување.
Feuer mit Explosionen in Berlin Lichterfelde am 03.05.2024 #Feuerwehr #brand pic.twitter.com/4hZG5XekU0
— Niko (@nl_an) May 3, 2024
Станува збор за фирма „Diehl Metal Applications“ која има сопствен систем за доработка на метални површини во објектот.
По проценка на временските услови и соодветниот правец на ветерот, чадот од фабриката се пресели на север. Противпожарната бригада советува избегнување на просторот околу претпријатието, затворање на прозорците и вратите и исклучување на вентилацијата и климатизацијата.
Сојузната држава Берлин издаде официјално предупредување за опасност, советувајќи ги луѓето да ја избегнуваат областа.
Учениците и наставниците од околните училишта беа испратени дома.
Во е-пошта до родителите, една гимназија испратила порака во која ги замолува учениците да останат дома.
Засега нема информации за причината за пожарот, но соопштено е дека нема повредени.
Европа
Борис Џонсон го вратија од гласање, дојде без лична карта: се обиде да го заобиколи сопствениот закон
Борис Џонсон (59), поранешниот британски премиер, во четвртокот бил вратен од избирачкото место, откако се обидел да гласа без лична карта, односно документ со фотографија. Како што пренесува „Гардијан“, Џонсон се обидел да го измами сопствениот закон, бидејќи токму за време на неговиот мандат во Велика Британија била донесена одредба со која се барал документ со фотографија за гласање.
Џонсон, кој поднесе оставка во 2022 година по мандатот обележан со бројни скандали, беше предупреден на избирачко место во Оксфордшир (Јужна Англија) дека мора да го има потребниот документ за докажување на неговиот идентитет. На гласачкото место му дозволија да гласа на локалните избори кои се одржаа низ цела Англија.
Портпаролот на поранешниот премиер изјави дека Џонсон гласал за конзервативците. Тој не ги демантираше пишувањата на медиумите дека поранешниот премиер немал лични документи со фотографија. Минатата година на изборите по промената на законот, околу четири отсто од испитаниците се изјасниле дека не гласале токму затоа што немаат документ со фотографија. Тоа е нешто помалку од околу 800.000 гласачи.
Владата на Џонсон го промени изборниот закон за да ја ограничи можноста за изборен фалсификат, а опозицијата остро ги критикуваше властите за потенцијално обесправување на делови од гласачкото тело. Претходно, гласачите требаше да го дадат само своето име и адреса за да гласаат.
„Мислам дека не е неразумно да се бара од оние што гласаат да покажат некаков доказ за идентитетот“, рече Џонсон во 2021 година за новите правила.
Ова е само последниот инцидент во неговата шарена политичка кариера. Како премиер беше снимен како се крие во фрижидер додека новинарска екипа го бараше за интервју, пренесува медиумот.
Истражувањето спроведено од „YouGov“ покажало дека 14 отсто од Британците пред локалните избори не знаеле дека постои правило за идентификација на гласачите со помош на лични документи.
Европа
Захарова: Секоја агресија врз Крим ќе биде проследена со силна одмазда
Портпаролката на руското Министерство за надворешни работи Марија Захарова денеска ги предупреди Вашингтон, Лондон и Брисел дека сите агресивни дејствија против Крим и мостот на Крим се осудени на неуспех и ќе бидат одговорени со силна одмазда.
„Би сакала повторно да ги предупредам Вашингтон, Лондон и Брисел дека сите агресивни дејства против Крим не само што се осудени на неуспех, туку и ќе бидат одговорени со силна одмазда“, рече Захарова на прес-конференцијата, пренесе ТАСС.
Крим е полуостров со оспорен статус, тој е под де факто контрола на Русија и е поделен на два субјекта на Руската Федерација, Република Крим и град со федерален статус Севастопол, пренесува медиумот.
Украина го смета Крим за дел од својата територија и не ја признава неговата анексија кон Русија.