Свет
Америка со овој потег го навреди целиот свет, смета претседателот на Палестина
Палестинскиот претседател, Махмуд Абас, смета дека отворањето на Амбасадата на САД во Ерусалим ќе создаде нестабилност во регионот.
Тој ја отфрли можноста Вашингтон да служи како посредник за мир на Блискиот Исток.
„Со преместувањето на амбасадата, американската администрација заврши со улогата во мировниот процес и ги навреди светот, палестинскиот народ, арапската и исламската нација, и создаде нестабилност“, изјави портпаролот на Абас, пренесува „Ројтерс“.
Претседателот на САД, Доналд Трамп, преку порака емитувана на церемонијата на отворањето на американската Амбасада во Ерусалим изјави дека и понатаму останува посветен на мирот помеѓу Израел и Палестина.
Одлуката на Трамп да го признае Ерусалим како престолнина на Израел и да ја префрли Амбасадата од Тел Авив, ги вознемири Палестинците и предизвика меѓународна загриженост. Церемонијата се одржува во момент кога Палестинците масовно протестираат на границата со Израел, пришто беа убиени најмалку 38 лица.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Седум Палестинци загинаа, а 32 се ранети во израелски бомбардирања
Седум Палестинци загинаа, а најмалку 32 се ранети во израелско бомбардирање на блокираниот Појас Газа, јавува дописникот на ВАФА.
Тој рече дека израелските воени авиони извршиле серија воздушни напади врз северните и западните делови на бегалскиот камп Нусејрат, при што загинале четворица Палестинци, а 15 други се ранети.
Тој додаде дека израелски воени авиони извршиле три воздушни напади врз населбата Заитун во Газа, при што загинале три лица, а десет се ранети.
Борбени авиони го нападнаа и градот Џабалија и бегалскиот камп во северниот појас, при што беа повредени седум лица, меѓу кои три деца.
Во меѓувреме, израелската артилерија ги гранатираше бегалските кампови Ал-Буреј и Ал-Магази во централниот појас, населбите Тал ал-Хава, Шеик Ијлин и аз-Зајтун во градот Газа, како и кулата Шеик Зајед во Беит Лахиа.
Во јужната зона, артилерија нападна цивилни куќи во источниот дел на градот Кан Јунес.
Свет
ОН: Отстранувањето на експлозивните направи во Газа ќе трае 14 години
Канцеларијата на Обединетите нации за координација на хуманитарни прашања (OCHA) соопшти дека отстранувањето на бомбите и другите видови неексплодирани убојни средства во Газа може да потрае 14 години.
Според проценките на ОН, за време на војната низ Газа биле создадени 37,5 милиони тони урнатини, а поголемиот дел од нив бил расфрлан со бомби и други видови муниција кои не експлодирале, пишува ТАСС.
OCHA изјави дека околу два милиони луѓе, или половина од населението на Газа, нашле засолниште во Рафах, кои имаат потешкотии да пристапат до основните потреби како што се здравствена заштита, чиста вода и санитарни објекти.
Свет
Со возило удрил во куќа, па почнал да напаѓа луѓе со меч во Лондон, има повредени
Неколку лица, меѓу кои и двајца полицајци, се повредени во нападот што се случи во североисточен Лондон во близина на фреквентна станица на метрото.
Како што објави SkyNews, маж кој носел меч најпрво удрил со своето возило во куќа, а потоа со мечот ги повредил минувачите и полицајците кои се обиделе да го задржат.
Се се случило околу 7 часот утринава, а на терен се голем број полицајци.
Метро станицата Хаинолт веднаш била затворена, пренесува Телеграф.