Спорт
Меси: Нејмар во Реал? Ужас
Иако, минатото лето го урна трансфер рекордот, откако за 222 милиони евра се пресели во ПСЖ, името на Бразилецот Нејмар константно се поврзува со Реал Мадрид.
Шпекулациите за преминот на Нејмар од ПСЖ во Реал веќе го коментираа неколкумина фудбалери на…


Иако, минатото лето го урна трансфер рекордот, откако за 222 милиони евра се пресели во ПСЖ, името на Бразилецот Нејмар константно се поврзува со Реал Мадрид.
Шпекулациите за преминот на Нејмар од ПСЖ во Реал веќе го коментираа неколкумина фудбалери на „кралскиот клуб“, кои немаат ништо против тоа да се случи, а по повод овие гласини се огласи и Лионел Меси.
Аргентинецот долго време ја делеше соблекувалната на „Ноу Камп“ со Бразилецот.
„Тоа би било ужасно, бидејќи Нејмар и значи на Барселона. Освои важни трофеи, Лигата на шампионите, ЛА Лига…Тоа би бил тежок удар за сите нас“, рекол Меси дополнувајќи дека Реал би бил подобар со него во тимот.
Меси проговорил и за Светското првенство во Русија, каде во првата фаза Аргентина ќе игра против Нигерија, Хрватска и Исланд.
Аргентинците се уште не можат да го прежалат поразот во финалето на СП пред четири години во Бразил. Германија тогаш ја освои титулата, откако Геце постигна гол во продолженијата.
„Заслуживме да бидеме таму, меѓу најдобрите четири екипи. Меѓутоа скапо го плаќаме пласманот во завршицата на големите натпреварувања. Сепак, ние и во Русија мораме да бидеме во завршницата. Тоа е голема желба на секој од нас, но не и обврска, поради се она низ што минавме досега. Никој повеќе од нас не ја сака титулата во Русија“, рекол Меси.
На прашањето дали сака да биде подобар од Кристијано Роналдо, тој одговорил: „Не се натпреварувам со него. Ме стимулира тоа што Реал повторно ќе игра финале во Лигата на шампионите, што тој клуб освојува трофеи. Сакам секоја година да ја освојам Лигата на шампионите и да бидам шампион во Ла Лига. Сите тоа го сакаме.“
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Фрлена бомба во куќата на Јуси Бенајун

Еден од најпознатите израелски фудбалери Јуси Бенаџун преживеа бомбашки напад на неговата куќа во својата татковина.
Поранешниот играч од средниот ред на Ливерпул, Арсенал и Челзи бил во својот дом со семејството кога мотоциклист излегол пред куќата и фрлил бомба на вратата.
Експлозијата предизвикала пожар, а напаѓачот побегнал од местото во областа Рамат Харашон, северно од Тел Авив.
Сето тоа се случило во неделата околу 23.00 часот, а полицијата и пожарникарите брзо пристигнале на терен, а пожарот брзо бил изгаснат. Нема повредени.
Полицијата соопшти дека овој случај го истражува како криминален напад, а не како терористички акт.
Бенајун бил во шок, но потоа дал изјава дека верува дека тој не бил целта, туку дека напаѓачот ја згрешил куќата.
Спорт
Хуманитарент натпревар Бугарија-Македонија на 27. април во Варна

Христо Стоичков и Горан Пандев ќе ги предводат селекциите на Бугарија и Македонија на хуманитарен натпревар во Варна.
Фудбалските великани на Бугарија и Македонија на 27. април (17:00 часот) ќе одиграат хуманитарен натпревар во Варна, Бугарија.
Целта е да се соберат средства и да се даде поддршка за настраданите во несреќата во Кочани. Целиот приход ќе биде дониран за настраданите во трагедијата во Кочани.
Организатор на хуманитарниот натпревар е фондацијата „Национали 94“, односно славната генерација на Бугарија од Светското првенство 1994 година која остави длабока трага во светскиот фудбал и Фудбалската федерација на Македонија (ФФМ).
На натпреварот за Бугарија ќе настапат легендарните фудбалери предводени од Христо Стоичков, потоа Борислав Михајлов, Емил Костадинов, Јордан Лечков, Сираков, Јорданов, Генчев, Красимир Балаков, од помладата генерација Валери Божинов.
Македонската репрезентација е во состав со фудбалери од првата репрезентативна генерација, Илија Најдоски, Канатларовски, Мицевски, Марковски, Станковски, Мемеди, Бошковски…Горан Пандев, Агим Ибраими, Христов и Шаќири се дел од нашите легенди од поновата генерација. На хуманитарниот меч во нашиот состав ќе бидат Дарко Тасевски и Ванчо Трајанов кои оставија белег во бугарскиот клупски фудбал.
Ѓоко Хаџиевски е селектор на македонската репрезентација, а Димитар Пенев е предводник на Бугарија.
На спортскиот натпревар ќе му претходи хуманитарна програма во која ќе настапат популарни изведувачи, која ќе започне во 15:00 часот.
Овој гест на солидарност претставува силна порака за човечност и заедништво и симбол на пријателство, спортски дух и заедничка хуманост.
Спорт
Сане останува во Баерн

Лерој Сане најверојатно ќе го продолжи договорот со Баерн Минхен.
Како што пишува Флоријан Платенберг, новинар на „Скај Спортс Германија“, 29-годишниот напаѓач ги договорил условите за продолжување на соработката со Баварците.
Поранешниот играч на Шалке и Манчестер сити е среќен во Баерн, но во медиумите се појави информација дека добил понуда од Арсенал.
Сане оваа сезона одигра 37 натпревари во сите натпреварувања и постигна 11 гола со пет асистенции.