Црна хроника
На граничниот премин „Долно Блаце“ спречен шверц на голема количина лекови
На граничниот премин „Долно Блаце“ завчера бил спречен шверц на голема количина лекови која требало да се пренесе од Македонија кон Црна Гора, информираат од МВР.
Според информациите, на 17 мај на преминот „Долно Блаце“ на излез од Македонија, во возило „шаран“ со македонска национална ознака била пронајдена поголема количина лекови која требало да се пренесе од Македонија кон Црна Гора.
Околу 19.20 часот на излез од граничниот премин со возилото „шаран“ се пријавиле пет лица, при што од страна на полициски службеници возилото било селектирано за дополнителни проверки.
При проверка на возилото и личниот багаж во три куфери сопственост на А.Х.(53) од Црна Гора била пронајдено поголема количина на лекови: Efridol, Aerus, Lexilium, Diazepam, Trodon, Amoksiklav, Edemip, Xanax, Xenical, Levitra, Rovamicine, Kreon, Viagra, Regnyk, Testosteron и Kenaglog.
За лековите лицето не поседувало никаков документ, а лековите не ги пријавил во царинска контрола за излез од Македонија. З.Ј., кој го управувал возилото и А.Х. се задржани во полициска станица за понатамошна постапка.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Уапсен дилер од Штип, пронајдена дрога и голема сума пари
МВР информира дека вчера по преземени оперативни мерки и дејствија, полициски службеници од Отсекот за недозволена трговија со дрога и оружје го уапсиле 32 годишниот Б.М. од Штип.
При претрес во неговиот дом во Штип извршен по насоки од надлежен обвинител, биле пронајдени и одземени прашкаста материја, поголема сума на пари и дигитална вага.
„Лицето е задржано во полициска станица и во текот на денот со кривичната пријава ќе биде предаден на судија на претходна постапка за понатамошно постапување“, соопштија од полицијата.
Црна хроника
Стружанец објавувал експлицитна содржина од малолетничка
Полицијата во Тетово поднесе кривична пријава против А.А.(41) од Струга, поради постоење основи на сомнение за сторени кривични дела „злоупотреба на лични податоци“ и „производство и дистрибуција на детска порнографија“.
Пријавениот, на социјална мрежа, објавил фотографии и видео снимки со експлицитна содржина од женско лице, кое во тоа време било малолетно.
Црна хроника
Жена од Гевгелија измамила Грк дека е од Царина и му зела 2.000 евра
Полицијата поднесе кривична пријава против М.Ј.(46) од Гевгелија, поради измама.
„Пријавената, на 13 септември на царинскиот терминал на Граничниот премин „Богородица“, го довела во заблуда грчкиот државјанин К.Г.К., на начин што лажно се претставила дека е застапник во царински постапки и лажно му прикажала факти дека сторил тежок царински прекршок, поради што ќе биде задржан на македонско-грчката граница од страна на царинските власти и му побарала 2.000 евра, за да му помогне, на што се согласил“, објави МВР во дневниот билтен.