Македонија
„На точак“: Скопјани сѐ повеќе користат велосипеди, но градот е далеку од развиена инфраструктура
Граѓанската иницијатива „На точак“ денеска од плоштад Македонија со почеток од 17:30 часот ќе ја почне роденденската „Критична маса“, настан со кој ќе се одбележи 6 години постоење и континуитет, под слоганот „Скопје врти кон светлата страна“.
„По 73. пат и оваа последна среда во месецот скопјани ќе возат заедно велосипед за да потсетат дека и по шест години борба за подобри услови за велосипедистите, градот е сѐ уште далеку од она кое можеме да го видиме како пример во земјите со развиена велокултура“, велат од неформалното здружение за урбан велосипедизам „На точак“.
Оттаму нагласуваат дека во последните години многу жители на главниот град го прифатиле велосипедот како превозно средство и лек за градскиот сообраќаен метеж.
„Бројот на велосипедисти од година на година расте. Државниот завод за статистика неодамна објави информација која покажува дека во изминатите 8 години речиси трипати е зголеменa сумата на увоз на велосипеди. На таа бројка големо влијание имаат и субвенциите за новокупени велосипеди кои веќе неколку години по ред ги даваат повеќе општини, но, за жал, развојот на инфраструктурата и културата не успеваат да го стигнат истото темпо на развој“, се наведува во соопштението испратено како најава за денешниот настан.
Од иницијативата потсетуваат дека во 2015 година беше промовиран проектот „Скопје велоград 2017“ кој опфаќа оспособување на 4 главни велорути, што се всушност патеки за велосипедисти, во вкупна должина од околу 80 километри.
„Иако проектот требаше да биде финализиран до крајот на минатата година, во мај 2018 година истиот не е завршен ни до пола, а е продолжен под името ‘Скопје велоград’. По шест години, Скопје нема ниту функционален систем за изнајмување велосипеди и овој модел на транспорт, за жал, е привилегија само на оние кои поседуваат сопствен велосипед. По шест години, велосипедистите веруваат дека проблемот со украдени велосипеди сѐ уште не се третира сериозно од страна на полицијата, а бројот на жртви во сообраќајот не се намалува“, стои во соопштението.
Меѓутоа, се додава дека иако Скопје не се трансформира во велоград со темпото кое е посакувано, сепак изминатиот период се забележани и многу позитивни промени.
„Скопје од ден на ден добива по некој метар нова велосипедска патека, по некој спуштен рабник, ја доби и првата велосипедска лента на булевар Св. Климент Охридски, неколку велосипедски семафори, нови, но недоволно бројни паркинзи за велосипеди, столпчиња за заштита на пешачките и велосипедските патеки, а пред некоја недела се врати на должност и полициската единица на точак. Секако, најголемата и најважна промена се растечкиот број граѓани кои го практикуваат велосипедот како секојдневно превозно средство и веруваат дека Скопје може да биде функционален град за велосипедистите“, додаваат од неформалното здружение за урбан велосипедизам.
Иницијативата „На точак“, која 73 месеци до сега го кооординира настанот „Критична маса“, во периодот на своето постоење работи на детектирање на проблемите на велосипедистите, но истражува и светски практики и предлага решенија за „зелен транспорт“ кои може да се применат во главниот град каде автомобилот се фаворизира на сметка на правата на пешаците, велосипедстите и инвалидизираните лица.
На крајот, од иницијативата ги канат сите велосипедисти и поддржувачи кои вложуваат напори Скопје да биде позелен, поубав, почист град со безбедни улици заедно да ја одбележат шестгодишнината на континуираните напори за трансформација на главниот град кон „светлата страна“ и да се приклучат кон денешното возење. Истото ќе се спроведе низ улиците на главниот град, а ќе биде заокружено со вечерна забава која ќе се одржи на платото пред НУБ „Св. Климент Охридски“, каде што ќе има изложба на сите досегашни постери и пораки од „Критичните маси“ и други активности.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Зелен хуман град со најава за мирен протестен марш за труењето од рудникот Тораница
Зелен хуман град најавува мирен протестен марш во 12:30 ч. во сабота (12 април) што ќе започне пред Министерството за животна средина и просторно планирање поради, како што велат, алармантниот молк и неодговорното постапување на надлежните институции во врска со хаваријата и истекувањето на токсични материи од рудникот Тораница во Крива Река.
„По хаваријата, ЗХГ поднесе барања за слободен пристап до информации од јавен карактер до Државниот инспекторат за животна средина (ДИЖС), Министерството за животна средина и просторно планирање (МЖСПП), Центарот за јавно здравје Куманово и Општина Крива Паланка.
Наместо одговори, се соочивме со загрижувачки факти:
Дури два дена по нашето барање за информации, ДИЖС за првпат назначи овластено лице за слободен пристап до информации, што е директно кршење на Законот.
Објавеното Решение за надзорот спроведен од ДИЖС во рудникот Тораница е нецелосно, полно со недоследности и грешки и не наложува соодветни мерки или санкции пропорционални на хаваријата.
Клучни информации за инспекцискиот надзор, како на пример, земање примероци од акредитирана лабораторија (што е законска обврска), не се споменати во Решението.
ДИЖС блокира активистички групи и граѓани на социјалните мрежи (меѓу кои и ЗХГ) и оневозможи коментирање, покажувајќи отсуство на волја за дијалог со загрижената јавност“, соопштуваат од Зелен хуман град.
Истовремено додаваат дека Центарот за јавно здравје Куманово во завиена форма им одговорил дека ниту една институција не побарала од нив да извршат анализи на водата и почвата по хаваријата, но не им одговорил на барањето во целост.
„Деградирачки е, што воопшто објаснуваме зошто ова е комплетно недозволиво од некој што е платен од нас, граѓаните, да нè штити“.
Нагласуваат дека граѓаните имаат уставно загарантирано право на чиста животна средина, а институциите имаат обврска да го штитат тоа право и да обезбедат навремени и точни информации, да делуваат ажурно и професионално, особено кога постои ризик здравјето на граѓаните.
Бараат транспарентност и конкретни податоци за степенот на загадувањето, преземените мерки и одговорноста за инцидентот.
Бараат од ДИЖС, МЖСПП и Центарот за јавно здравје Куманово најдоцна до среда, 9 април 2025 година, јавно да ги објават и да им ги достават сите информации кои ги ги имаат побарано преку барањата за слободен пристап до информации од јавен карактер.
„Не бараме информации што институциите веќе не ги поседуваат. Општина Крива Паланка веќе ни одговори што значи дека можеа и останатите институции да ни одговорат до денес. Затоа, доколку информациите не бидат објавени до наведениот рок или доколку одговорите се манипулирачки и нецелосни, организираме мирен протестен марш во сабота (12 април) во 12:30 ч. што ќе започне пред Министерството за животна средина и просторно планирање“, потенцираат од Зелен хуман град.
Македонија
Камбовски: Побаравме увид во пресудата за смртта на Теодора Ристовска
Претседателот на Судскиот совет, Александар Камбовски, соопшти дека побарале увид во предметот за пресудата за возачот Менсур Пајазити кој смртно ја прегази 22-годишната Теодора Ристовска во Тетово, а кој доби 2 години затворска казна.
„Веднаш побаравме да видиме што се случува, предметот е побаран и треба да ни биде испратен. Ќе извршиме увид и доколку има пропусти ќе реагираме, доколку е сè во ред, ќе соопштиме“, рече тој.
Изрекувањето предизвика бурни реакции во јавноста, а премиерот Христијан Мицкоски го повика Судскиот совет да го разгледа работењето на судијата Елведин Ферати која ја изрече пресудата.
Теодора Ристовска беше смртно прегазена во август 2022 година. На првото судење во ноември 2023 година, по признавањето вина, Пајазити беше осуден на три години и шест месеци затвор. По жалбата, Апелацискиот суд ја намали казната на две години затвор, па Врховниот суд ги укина двете пресуди на Основниот и на Апелацискиот суд и предметот го врати на повторно судење.
Судијата Елведин Ферати претходно беше споменуван во јавноста како лице за кое се води предистрага дека си ги поправал оценките со пречкртување на тетовскиот универзитет. Државниот просветен инспекторат лани утврди дека три оценки во неговото досие биле променети со пречкртување. Предметот бил затворен откога јавниот обвинител ги добил документите, кои потврдуваат дека Ферати ги преполагал овие предмети и затоа претходните оценки биле пречкртани.
Македонија
Директорот на геријатрија зел 20.000 евра поткуп за да смести неподвижно лице
Заедно со посредник, директорот на болницата за геријатрија, Мухсин Арифи, барал и примил поткуп за сместување на болно и неподвижно лице во геријтриската установа.
Директорот на Бирото за јавна безбедност, Александар Јанев, откривајќи детали за акцијата на МВР со Основното јавно обвинителство за гонење на организиран криминал и корупција, соопшти дека поткупот бил во износ од 20.000 евра.
За жал, кога сѐ уште владее национална тага, вели Јанев, некои поединци се осмелуваат нелегално да профитираат.
Тој уверува дека нема да се дозволи ваквите случаи да останат неказнети.
Мухсин Арифи беше приведен денес заедно со уште едно лице во координирана акција на Основното јавно обвинителство за гонење на организиран криминал и корупција и Министерството за внатрешни работи под сомнение за кривични дела примање поткуп и примање награда за противзаконито влијание.
Директорот на геријатрија зел 20.000 евра поткуп за да смести неподвижно лице
Заедно со посредник, директорот на болницата за геријатрија, Мухсин Арифи, барал и примил поткуп за сместување на болно и неподвижно...
Селанецот во Кривопаланечко убиен, па запален за 100 евра, зад убиството стојат двајца млади браќа
Двајца браќа се осомничените за убиството во Луке, кривопаланечко. Тие се на возраст од 20 и 25 години, а убиениот...
И јас и Таравари вчера избегавме од ДУИ, сега преговори со нив значат испорачување фактури од ДУИ, вели Меџити
Сите коалиционери во „Вреди“, освен министерот за здравство и лидер на Алијансата за Албанците, Арбен Таравари, сметат дека единствена опција...
Мицкоски бара нова пресуда за прегазената Теодора во Тетово: „Ова не е правда“
Премиерот Христијан Мицкоски побара да се разгледа работењето на судијата во Тетово, кој вчера досуди две години затвор за возачот...
Две средни училишта во Скопје добиле дојави за бомби
Во две средни училишта на територијата на Скопје утрово стигнале дојави за поставени бомби. Од полицијата информираа дека биле извршени...
Четворица повредени во пожарот во Кочани ќе бидат отпуштени од болницата во Софија
Четворица пациенти, кои се лекуваат во болницата „Пирогов“ во Софија, Бугарија, денеска ќе бидат отпуштени од болница, изјави Маја Аргирова,...
(Видео) Филипче во Брисел: Северна Македонија е во бизарна ситуација на таканаречено самонаметнато вето, бидејќи Владата одбива да ги спроведе потребните уставни измени
Процесот на проширување на Европската Унија не е само механичко прилагодување на законите или административно исполнување на критериумите за пристапување,...
Кривични против три лица од Струмица: грабнале 32-годишна жена
СВР Штип до ОЈО Кочани поднесе кривична пријава против 37-годишниот Г.А., 23-годишниот Б.Ч. и 60-годишната Р.Ѓ., тројцата од Струмица, поради...
Трамп ја одби понудата на ЕУ: „Не, тоа не е доволно“
Актуелниот американски претседател Доналд Трамп изјави дека Европската унија мора да се согласи да купи американска енергија во вредност од...
(Видео) Се активира вулкан на Филипините, пепелта се издигна на речиси 4.000 метри: постои ризик од опасна ерупција
Продолжува ерупцијата на вулканот Канлаон во централниот дел на Филипините, а колоната од пепел се издигна на околу 4.000 метри...
Кина одговори на заканата на Трамп за нови царини: Ќе се бориме до крај
Кинеското Министерство за трговија соопшти дека никогаш нема да ја прифати „уценувачката природа“ на американскиот пристап и вети дека ќе...
Зеленски првпат потврди дека украинските сили се наоѓаат во руската област Белгород
Украинскиот претседател Володимир Зеленски за прв пат потврди дека украинските трупи се активни во рускиот регион Белгород за да ги...
(Видео) Трамп: Газа е неверојатно вреден недвижен имот, би било добро да го поседуваат САД
Американскиот претседател Доналд Трамп вчера повтори дека сака САД да ја преземат контролата врз Појасот Газа, опишувајќи ја палестинската енклава...
Колку вреди животот во Македонија – со две години треба да и запалам свеќа на сестра ми и да и речам биди задоволна, порача сестрата на загинатата Теодора
Судот во Тетово пресуди две години затвор за Менсур Пајазити кој на пешачки премин ја прегази 22-годишната Теодора Ристовска. Нејзинита...
29-годишниот Aлександар е 61. жртва на пожарот: имал 35 отсто изгореници од трет степен
Александар Гавриловски, роден на 7 март 1996 година, е 61. жртва на пожарот во кочанската дискотека „Пулс“. Тој почина денес...
Потребни се итни акции за спас на Преспанското Езеро, клучна соработката со владите во Грција и Албанија
Првиот вицепреммиер и министер за животна средина и просторно планирање, Изет Меџити, денеска беше домаќин на советодавната мисија „Рамсар“, предводена...
Очигледно, направена е некаква грешка, рече Мицкоски за царината од САД, очекува бргу да се коригира
Премиерот Христијан Мицкоски очекува бргу да се коригира одлуката на САД за зголемувањето на царините кон Македонија од 33 отсто....
Се зголемува капитацијата за матичните лекари, за гинекологија и за стоматологија
Владата донесе одлука за зголемување на капитацискиот бод за матичните доктори по општа медицина, гинекологија и стоматологија, почнувајќи од април...
Меџити: Таравари треба да расчисти со дилемите, неприродно е и „Влен“ и соработка со ДУИ
Арбен Таравари треба да расчисти со дилемите, смета неговиот коалициски партнер, Изет Меџити. За односите меѓу нив, во рамки на...
Уапсен 19-годишник по сообраќајната несреќа во Скопско каде загина малолетничка
Вчера околу 17.20 часот во СВР Скопје било пријавено дека на локалниот пат село Патишка река – село Осинчани, скопско,...
